Vicipedia lfnwiki https://lfn.wikipedia.org/wiki/Paje_xef MediaWiki 1.39.0-wmf.26 first-letter Media Spesial Discute Usor Usor Discute Vicipedia Vicipedia Discute Fix Fix Discute MediaWiki MediaWiki talk Model Model Discute Aida Aida Discute Categoria Categoria Discute TimedText TimedText talk Modulo Modulo Discute Macineta Macineta Discute Defini de macineta Defini de macineta Discute 0 1457 38054 32019 2022-08-25T17:21:50Z BPalencia1957 9282 /* Lias esterna */commons wikitext text/x-wiki [[Fix:Peru_Machu_Picchu.jpg|197px|right|thumb|La ruinas a Machu Picchu.]] La '''sivilia de la Incas''' ia comensa como un tribu en la rejion de [[Cuzco]] en [[Peru]] moderna. Asi, la ''Sapa Inca'' (xef de la incas) prima de mito, [[Manco Capac]], ia fundi la ''Rena de Cuzco'' sirca 1200. Su la xefia de la desendentes de Manco Capac, la stato ia crese par asorbe otra comunias de la [[Andes]]. En 1442, la incas ia comensa un crese grande su la xefia de [[Pachacutec]]. Sua nom sinifia leteral "la tremente de la tera". El ia formi la [[Impero de la Incas]] (Tawantinsuyu), cual ia deveni la impero la plu grande en la Americas ante [[Colombo]]. La impero ia sufri de un gera interna en cual la frates [[Huascar]] e [[Atahualpa]] ia combate lunlotra. La [[concistores]] espaniol, gidada par [[Francisco Pizarro]], ia usa la acaso per concista la teritorio de la incas en 1533. En la anios seguente, la concistores ia es capas de uni sua potia supra la rejion intera de la Andes. Los ia supresa la rebelas de la incas a multe veses asta la fundi de la [[Visrealia de Peru]] en 1542. La cade final de la incas a Vilcabamba en 1572 ia fini sua resiste contra la espanioles. Ma multe de sua costumes cultural resta en grupos etnical como la [[popla cetxua]] e la [[popla aimara]]. == Lias esterna == * [https://commons.wikimedia.org/wiki/Category:Inca_Empire Wikimedia Commons] – fotos de stradas e canales [[Categoria:Americanes orijinal]] [[Categoria:Istoria]] [[Categoria:Poplas]] qjqlq29k2hwpxa3167dda6p0tipbc6r 0 1820 38053 21809 2022-08-25T17:20:08Z BPalencia1957 9282 /* Lias esterna */commons wikitext text/x-wiki {{Lingua2|name=Cric|color=#c0dde6|nativename=Mvskoke|states=|region=|speakers=5 000|rank=|family=[[Linguas muscocean]]|nation=|agency=|iso1=|iso2=mus|sil=|mapa=|parolas_de_la_mapa=}} La lingua '''cric''' (acc muscoce) es un lingua de la [[linguas muscocean]] parlada par la popla muscoce e seminol, ci veni orijinal de la parte sude de Georgia, SUA. Aora, esta popla abita en Oklahoma e Florida. == Fonolojia == Cric ave 13 consonantes e cuatro vocales, cual distingui longia e nasali. === consonantes === {| class="wikitable" ! colspan="2" |&nbsp; ! align="center" |labial ! align="center" |alveolal ! align="center" |palatal ! align="center" |velal ! align="center" |glotal |- ! colspan="2" align="left" |nasales | align="center" | m | align="center" | n | | | |- ! colspan="2" align="left" |esplodentes | align="center" | p | align="center" | t | align="center" | t͡ʃ | align="center" | k} | |- ! rowspan="2" align="left" |fricantes ! align="left" |<small>sentral</small> | align="center" | f | align="center" | s | | | align="center" | h |- !<small>ladal</small> | | align="center" | ɬ | | | |- ! colspan="2" align="left" |prosiminte | | align="center" | l | align="center" | j | align="center" | w | |} La africante scriveda asi como t͡ʃ varia en sua loca de pronunsia entre alveolal t͡s e posalveolal t͡ʃ . La consonantes impedinte p t k tʃ s es vosida a b d ɡ d͡ʒ z entre consonantes sonante. === Vocales === {| class="wikitable" ! ! align="center" |anterior ! align="center" |sentral ! align="center" |posterior |- ! align="left" |vocal cluida | align="center" | iː | | |- ! align="left" |media cluida | | | align="center" | o oː |- ! align="left" |abrida | | align="center" | a aː | |} Plu, cri ave tre diftongos: eɪ , oɪ , e aʊ (realida comun como əɪ oɪ əʊ ). La vocales corta i o a es comun sentralida ɪ ɔ ə en silabas cluida. === Tonos === On ave tre tonos fonemal en cric, cual no es jeneral marcada: alta, basa e cadente. == Scrive == La alfabeta cric tradisional ia es adotada par la tribu en la parte tarda de la sentenio de 1800. Lo ave 20 leteras. An si lo es fundida a la alfabeta latina, alga de la sonas es multe diferente de los en otra linguas: {| class="wikitable" !Spele !Sona (IPA) !Elefen |- | align="center" |'''a''' | align="center" | aː ~ a |como '''a''' |- | align="center" |'''c''' | align="center" | tʃ ~ ts |como '''tx''' o '''ts''' |- | align="center" |'''e''' | align="center" | ɪ |como '''i''', ma plu corta (como engles "bit") |- | align="center" |'''ē''' | align="center" | iː |como '''i''' |- | align="center" |'''f''' | align="center" | f |como '''f''' |- | align="center" |'''h''' | align="center" | h |como '''h''' |- | align="center" |'''i''' | align="center" | ɛ ~ ɛj |como '''e''' |- | align="center" |'''k''' | align="center" | k |como '''c''' |- | align="center" |'''l''' | align="center" | l |como '''l''' |- | align="center" |'''m''' | align="center" | m |como '''m''' |- | align="center" |'''n''' | align="center" | n |como '''n''' |- | align="center" |'''o''' | align="center" | oː ~ ʊ ~ o |como '''o''' o '''u''' ma plu corta (como engles "book") |- | align="center" |'''p''' | align="center" | p |como '''p''' |- | align="center" |'''r''' | align="center" | ɬ |un fricante ladal alveolal, como '''l''' ma permetente ce la aira vade sirca la lados de la lingua (como "ll" en cimri) |- | align="center" |'''s''' | align="center" | s |como '''s''' |- | align="center" |'''t''' | align="center" | t |como '''t''' |- | align="center" |'''u''' | align="center" | ʊ ~ o |como '''u''' ma plu corta (como engles "book") o '''o''' |- | align="center" |'''v''' | align="center" | ə ~ a |simil a '''a''' ma plu sentral (como la "a" en engles "ago") |- | align="center" |'''w''' | align="center" | w |como '''u''' consonantal |- | align="center" |'''y''' | align="center" | j |como '''i''' consonantal |} Ave ance tre diftongos: {| class="wikitable" !Spele !Sona (IPA) !Elefen |- |'''eu''' | iʊ |como '''eu''' |- |'''ue''' | oɪ |como '''oi''' |- |'''vo''' | aʊ ~ əʊ |como '''au''' |} Alga consonantes en cric, cuando los aveni entre du sonorantes (vocales, m, n, l, w, o y), deveni vosida: * '''c''' pote sona como dʒ , como dj en elefen * '''k''' pote sona como ɡ , como g en elefen * '''p''' pote sona como b , como b en elefen * '''s''' pote sona como z , como z en elefen * '''t''' pote sona como d , como d en fn == Gramatica == === Strutur de frases === Jeneral, la frase en cric segue la model de sujeto-ojeto-verbo. Nomes es segueda par ajetivos. Averbos aveni a la comensa de la frase (per tempos) o direta pos la verbo (per modos). === Verbos === En cric, un verbo solitar pote es traduida como un frase completa. La radis es la infinitiva, e es cambiada per... * '''Person de la sujeto.''' ** ''Letk'''etv''''' = core. ** ''Letk'''is'''.'' = Me core. ** ''Letk'''eckes'''.'' (o ''Letketskes.'') = Tu core. ** ''Letk'''es'''.'' = El core. ** Formas plural pote es plu complicada (vide a su). * '''Person de la ojeto.''' Esta es indicada par prefisas. ** ''Hec'''etv''''' = vide. ** '''''Cv'''hēcis'' = Me vide tu. ** '''''Ce'''hēceckes.'' = Tu vide me. ** ''Hvtvm '''Ce'''hēcares.'' = Me va vide tu denova. * '''Tempo.''' ** ''Poh'''etv''''' = oia. ** ''Poh'''is'''.'' = Me oia. ** ''Poh'''his'''.'' = Me ia oia (a un dia o min en la pasada). ** ''Poh'''vhanis'''.'' = Me vade a oia (multe pronto). ** ''Poh'''ares'''.'' = Me va oia. ** ''Poh'''iyunks'''.'' = Me ia oia (a un semana o min en la pasada). ** ''Poh'''imvts'''.'' = Me ia oia (a un anio o min en la pasada). ** ''Poh'''icatēs'''.'' = Me ia oia (a multe anios en la pasada). ** Ave plu ca des plu tempos, incluinte varias perfeta de los a supra. * '''Moda.''' ** ''Wik'''etv''''' = para. ** ''Wik'''es'''.'' = El para (indicante). ** ''Wik'''vs'''.'' = Para! (comanda) ** ''Wik'''v-wites'''.'' = El pote para (capas). ** ''Wik'''e-nomat'''.'' = Si el para (sujuntiva). ** ''Wik'''epueces'''.'' = El causa ce el para (causante). * '''Aspeta.''' ** ''Kerr'''etv''''' = aprende. ** ''K'''ē'''rris.'' = Me es aprendente (continuante). ** ''K'''ê'''rris.'' = Me sabe (state resultante). ** ''K'''ę'''rris.'' = Me continua aprende (nonperfeta, abitual, repetente). ** ''Ker'''îy'''is.'' = Me ia aprende ja. * '''Vos.''' ** ''Wihkis.'' = Me veni de para (vos ativa). ** '''''Cv'''wihokes.'' = Me veni de es parada (vos pasiva). * '''Negativa.''' ** ''Wikarēs.'' = Me va para (positiva). ** ''Wika'''ka'''rēs.'' = Me no va para (negativa). * '''Demandas.''' ** ''Homp'''etv''''' = come. ** ''Homp'''eckes'''.'' = Tu come. ** ''Homp'''eckv'''?'' = Esce tu come? ** ''Nake homp'''ecka'''?'' = Cual tu come? Alga verbos, spesial verbos de move, ave plurales noncoerente. Per esemplo: * ''letketv'' (core, con sujeto singular), * ''tokorketv'' (core, con du sujetos), * ''pefatketv'' (core, con tre o plu sujetos). Un clase de verbos intera diferente es la verbos de state. En alga linguas, como elefen, los es espreseda par ajetivos. * '''Esemplo:''' ** ''enokkē'' = es malada; ** ''enokkēs'' = el es malada; ** '''''cv'''nokkēs'' = me es malada; ** '''''ce'''nokkēs'' = tu es malada. Sinifias espresada en elefen con averbos es espresada en cric con prefisas de loca: * '''Esemplo:''' ** ''vyetv'' = vade (sola sujetos singular); ** ''ayes'' = me vade; ** '''''ak-'''ayes'' = me vade en acua / en un loca basa / su alga cosa; ** '''''tak-'''ayes'' = me vade sur la tera; ** '''''oh-'''ayes'' = me vade supra alga cosa. Per verbos de move, cric ave ance un eleje grande de verbos per sinifias spesifada: * ''ossetv'' = vade a estra; * ''ropottetv'' = vade tra alga cosa. === Posese === En alga linguas, on usa la caso jenitiva per indica posese. Cric usa du modas per esta, dependente de la natur de la nom. Un parte de la corpo o un membro de la familia no pote es discuteda en cric sin indica la posesor; la posesor es un parte integrada de la parola. Un grupo de prefisas cambiable servi esta rol: * '''''e'''nke'' = sua mano; * '''''cv'''nke'' = mea mano; * '''''ce'''nke'' = tua mano; * '''''pu'''nke'' = nosa mano. An si la posesor es indicada, la prefisa es ancora nesesada: * ''Toske enke'' = La mano de Toske. Tota otra nomes usa pronomes preposada per indica posese: * ''efv'' = can; * '''''vm''' efv'' = mea can; * '''''cem''' efv'' = tua can; * '''''em''' efv'' = sua can; * '''''pum''' efv'' = nosa can. Denova, on debe sempre inclui la preposada per indica posese: * ''Toske em efv'' = la can de Toske. En cri, on usa nomes en loca de preposadas de loca: * ''yopv'' = la posterior; ** ''cuko yopv'' = pos la casa; ** '''''cv'''yopv'' = pos me; ** '''''ce'''yopv'' = pos tu. * ''lecv'' = la inferior; ''eto'' = arbor; ** ''eto lecv'' = su la arbor. * ''tempe'' = la prosima; ** '''''cv'''tempe'' = prosima a me; ** '''''ce'''tempe'' = prosima a tu; ** '''''pu'''tempe'' = prosima a nos. === Esemplos === * '''Family''' ** ''Erke'' = padre ** ''Ecke'' = madre ** ''Pauwv'' = tio ** ''Eckuce'' = tia ** ''Puca'' = avo ** ''Puse'' = ava ** ''Cepane'' = fio ** ''Hoktuce'' = fia == Lias esterna == * [https://commons.wikimedia.org/wiki/Category:Muscogee_language Wikimedia Commons] – fotos de stradas e canales [[Category:Linguas muscocean]] [[Category:Americanes orijinal]] [[Category:Linguas american orijinal]] svhbf6bw8e4t71zmydccfwmzhoj5qie 0 1909 38049 32051 2022-08-25T17:05:16Z BPalencia1957 9282 /* Lias esterna */+ commons wikitext text/x-wiki [[Image:Montaje amerindios.png|397px|right]] La '''popla orijinal de la Americas''' es los ci ia abita en esta continentes ante la ariva de la esplorores european, e la desendentes de los. Los es ance nomida ''americanes nativa'', ''nasiones prima'' e ''indianes american''. Seguente la model comun de migra a la Americas, la via la plu importante ia es [[Beringia]], un ponte de tera cual, en la pasada, ia junta [[Asia]] e [[America]] tra la area cual es aora la [[Streta Bering]]. Esta migra ia aveni a minima 12 000 anios ante oji, ma on no conose la tempo plu antica. Alga siensistes crede ce persones de [[Europa]] o [[Australia]] ia ariva plu temprana. Seguente la americanes orijinal, los ia abita en America de la comensa de sua esiste. La nom "indian" ia es un inventa de [[Cristoforo Colombo]], ci ia crede ce el ia ariva a la Isolas de [[Indonesia]] (la [[Indias Este]]). La idea ce la americanes orijinal es un popla simple no es coreta, e los regarda se como poplas diversa. Alga de la americanes orijinal ia es xasores e coliores; multe ia es cultivores. Los ia developa multe plantas cultival cual nos usa aora tra la mundo, e ia doma animales aora internasional domada. La sosias de la americanes orijinal ia varia entre poca grupos familial, tribus de cultivores con xefes e armadas, e imperos grande como la [[Maia]], la [[Asteca]], e la [[Inca]]. == Vide ance == * [[Linguas american orijinal]] == Lias esterna == * [https://commons.wikimedia.org/wiki/Indigenous_peoples_of_the_Americas Wikimedia Commons] – fotos de stradas e canales [[Categoria:Americanes orijinal]] [[Categoria:Poplas]] ljh40pipyxjnvtcjx8xtq5z5y1tyvxn 0 3063 38052 34272 2022-08-25T17:18:00Z BPalencia1957 9282 /* Lias esterna */commons wikitext text/x-wiki [[Fix:Cree Indian (HS85-10-13885) edit.jpg|thumb|Un om joven de la cris]] La '''cri''' (''Nēhiyaw'') es un popla nativa de [[America Norde]] ci abita un area de la [[Mar Atlantica]] a la [[Montanias Rocos]], en ambos [[Canada]] e la [[SUA]]. La parte la plu grande de cri abita a norde e ueste de lago Superior. Los es la grupo plu granda de la [[Nasiones Prima de Canada]], con plu ca 200,000 persones. El parla la lingua [[cri (lingua)|cri]], un de la [[linguas algoncian]]. Sua migra a ueste tra tempo ia es asosiada forte con sua roles como xasores e intercambiores de pelos en America Norde. == Lias esterna == * [https://commons.wikimedia.org/wiki/Cree Wikimedia Commons] – fotos de stradas e canales [[Categoria:Americanes orijinal]] [[Categoria:Poplas]] 5at19pn59rfmpx0tu3asx0kny7kd2n7 0 4517 38055 32032 2022-08-25T17:23:08Z BPalencia1957 9282 /* Lias esterna */commons wikitext text/x-wiki [[Fix:Atotarhoreceivingtwomohawkchieftains.png|thumb|Un depinta de Tadodaho, xef de la nasion onondaga ante cuando la Deganawida e Hiawatha ia formi la Liga Irocuoi, resetante xefes de la mohaces.]] [[File:Early Localization Native Americans NY.svg|thumb|La abitadas temprana de la irocuoi (e la algoncianes a la este]] La '''irocuoi''' o ''haudenosaunee'' (/ˈhoʊdənoʊˈʃoʊni/ - popla de la casa longa) es un confedera de americanes orijinal, istorial potiosa, de la SUA norde-este e areas prosima. Los ia es conosda en la anios colonial a la franses como la Liga Irocuoi, e plu tarde como la Confedera Irocuoi, e a la engles como la Sinco Nasiones, composada de la mohauc, onondaga, oneda, caiuga, e seneca. Pos 1722, los ia aseta la popla tuscarora, ci ia parla un lingua relatada, de la sude-este de la SUA, como membros de sua confedera, e ia deveni conoseda como la Ses Nasiones. La irocuoi ia asorbe multe otra poplas en sua tribus como la resulta de gera, adota de caturadas, e par ofre refuja a popla deslocada, xef par la europeanes. La cultur irocuoi aseta tota persones adotada como membros de la clanes e tribus de sua familias adotante. La irocuoianes istorial autonom de la confedera, la laurentianes, la hurones e uiandotes, la eris, e la suscuehanoc, ance parlada linguas irocuoi, pd sua linguas desendeda de la mesma protoirocuoianes. Ma los ia es istorial enemis de la nasiones de la confedera. Ance, tsalagi (engles: cherokee) es ance un lingua irocuoi. Los ia migra a sude de la area de la Lagos Grande, a la area montanian de la SUA sude-este, prosima a la area de la tuscarora. En 2010, plu ca 45,000 membros ofisial de la Ses Nasiones abita en Canada, e sirca 80,000 en la SUA. == Lias esterna == * [https://commons.wikimedia.org/wiki/Category:Haudenosaunee_Confederacy Wikimedia Commons] – fotos de stradas e canales [[Categoria:Americanes orijinal]] [[Categoria:Poplas]] f31fmldvkd72ymlfckkkl2ce3nitp08 0 6105 38050 32623 2022-08-25T17:07:45Z BPalencia1957 9282 /* Lias esterna */commons wikitext text/x-wiki La '''beotuces''' ia es un popla orijinal, vivente sur la isola de [[Newfoundland]], Canada. [[File:Territoire des Beothuks.png|thumb|La teritorio de la beotuces]] [[File:Demasduit.jpg|thumb|Un fem beotuc nomida ''Demasduit'']] Comensante sirca 1500 aec, la cultur beotuc ia formida. Esta pare como la cultur de la popla ci ia migra prima de [[Labrador]] a Newfoundland sirca 1 ec. La asendentes de esta popla ia ave tre fases cultural plu temprana, cada durante sirca 500 anios. Eruditas de la sentenios 19 e 20 temprana ia estima ce sirca 2000 persones ia abita ala a la tempo de contata par europeanes en la sentenio 15. Otras ia sujesta ce no plu ca 500 a 700 persones. Los ia abita en grupos autonom e autosufisinte de familias estendeda de 30 a 55 persones. Como multe otra poplas de [[xasores-coliores]], los ave gidores ma probable no xefes plu formal. Los ia abita ''mamateeks'', formida como conos e fortida per la inverno. Estas ia es construida par ordina palos ordinada en un sirculo, liada con lunlotra a la culmina, e covreda con cortex de betules. La solos ia es escavada, con cavetas usada per dormi. Un ximineria ia es construida a la sentro. En primavera, la beotuces ia usa [[ocer]] roja per pinta no sola sua corpos, ma ance sua casas, canoas, armas, utiles, e strumentos musical. Esta pratica ia resulta en la europeanes usante la espresa "indianes roja". La usa de ocer ia ave sinifia cultural grande. La decora ia es aplicada en un selebra cada primavera de multe dias. Lo ia mostra identia tribal. Per esemplo, la decora de enfantes nova naseda ia es un modo per bonveni los en la tribu. Preveni algun de porta ocer ia es un forma de puni. Sua fontes major de comedas ia es [[reno]]s, [[salmon]]es, e [[foca]]s, aumentada par colie otra spesies de animales e plantas. La beotuces ia segue la abituas saisonal de migra de sua predas xef. En la autono, los ia construi sercas, a veses 50 - 60 km de longia, usada per forsa renos migrante a la xasores espetante, armada con arcos e flexas. La beotuces ia crea un deser de la sava de arbores e la vitelo secida de ovos de la [[alco]]s grande. Los ia conserva comedas suprapasante per usa en la inverno, trapida animales per sua pelos, e amasa la pelos per fabrica vestes calda. La lado capelosa asta sua pel per catura aira calda contra sua corpos. [[Canoa]]s beotuc ia es construida de la pel de renos o focas, e la fronte de la canoa ia es rijidi con la cortex de pisea. Canoas ia es simil a [[caiac]]es e es sirca 4.5 m en longia e .75 m en largia, con spasio sufisinte per porta enfantes, canes, e propria. La beotuces ia ave modos de entera detaliosa. Pos envelopa la corpos en la cortex de betul, los entera la mor en locas isolida. En un forma, un tomba basa ia es covreda con un pila de rocas. A otra veses, los ia pone la corpo sur un scafal, o en un caxa, con la jenos pliada. La survivores ia pone ofres a la locas de entera per acompania la mor, como figures, pendentes, e copias de utiles. La beotuces ia atenta evita europeanes en Newfoundland par move interna de sua colonias tradisional. Prima, los ia atenta move a areas costal diferente do la europeanes no ia ave sua campas per pexa, ma pronto no locas a la costa ia es disponable. Sua migras forsada ia priva los de alga de sua xef comedas - pexes e focas. Esta ia resulta en la xasa tro estendeda de renos per survive, e la cuantia de renos ia diminui. La beotuces ia es alora forsada de sua abitas e abituas tradisional en [[ecosistem]]es cual no pote suporta los, cual resulta ultima en sunuri e famia. En la periodo colonial, la popla beotuc ia ance sufri presa par grupos de otra americanes orijinal: [[micmac]]es de la [[Isola de Capo Breton]] e [[inuit]]es de Labrador. Los ia entra en un sicle de violente con alga de la popla nova. La cuantia de beotuces ia descrese rapida. La fatores inclui: *Perde de asede a fontes importante de comedas, de compete con la europeanes, micmaces, e inuites; *Maladias infetante a cual los no ave imunia, como [[variola]] introduida par contata con europeanes; *[[Tuberculose]] endemica, cual debili la membros de tribus; e *Encontras violente con trapores, colonistes, e la otra nativas. Per 1829, con la mori de un fem beotuc nomida ''Shanawdithit'' (sobrina de ''Demasduit'', imajida a supra), la popla ia es declarada estinguida. == Lias esterna == * [https://commons.wikimedia.org/wiki/Beothuk Wikimedia Commons] – fotos de stradas e canales [[Categoria:Poplas]] [[Categoria:Americanes orijinal]] [[Categoria:Canada]] li83hl57orzwyxs5dw9cd6wgcly6xfu 0 6270 38051 33560 2022-08-25T17:10:26Z BPalencia1957 9282 /* Lias esterna */commons wikitext text/x-wiki [[Fix:Kiowa girl, Alice, with bow and arrow.jpg|thumb|Xica de la caioua, "Alisia"]] [[Fix:Chief White Man, Kiowa.jpg|thumb|Un xef de la popla caioua, Xef "Om Blanca"]] La '''caioua''' es un tribu de [[americanes orijinal]] e la [[Planos Grande]] de la [[SUA]]. Los ia migra a sude de [[Montana]] ueste a la [[Montes Rocosa]] en [[Colorado]] en la sentenios 17 e 18, e ultima a la Planos Sude per la sentenio 19 tarda. En 1867, la caioua ia es moveda a un reserva en [[Oklahoma]] sude-ueste. Oji, los es un tribu reconoseda par la governa federal de la SUA, con sua xeferia en [[Carnegie, Oklahoma]]. A 2011, los ave 12,000 membros. La lingua de la [[Caioua (lingua)|caioua]] (cual los nomi cáuijògà) e un parte de la familia de [[linguas tanoan]], e es ancora parlada oji. La sosia de la caioua segue un [[desende biladal]], per dise, ambos la linias - madral e padral - ia es sinifiante. Los no ave clanes, ma ave sistemes complicada de relata, e sosias dependente de eda e jenero. [[Tipi]]s, abitadas cono construida de pelo o, plu tarda, lona, furni abitadas lejera e portable. Los ia xasa e colie comedas savaje, e ia comersia con tribus de cultivores visina per vejetales. La caioua ia migra par la saison, seguente la [[bison]]es, car lo ia es sua fonte xef de comeda. Los ia ance xasa [[antilocapra]]s, [[servo]]s, [[pavo]]s, e otra animales savaje. La femes ia colie [[baca]]s savaje e otra frutas e prepara los con carne per fabrica [[pemican]]. Canes ia es usada per trae [[travua]]s e [[parflex]]es de pel cru cual ia conteni benes per campa. La caioua ia tende sta en areas per periodos longa. Cuando los ia adota la cultur de [[cavalo]]s, pos oteni los de [[ranxo]]s espaniol sude de la [[Rio Grande]], la caioua ia revolui sua modos de vive. Los ia ave estendes multe plu grande per sua xasas saisonal, e cavalos ia pote porta alga de sua benes de campa. La caioua e la [[apatxe]] ia funda un teritorio grande en la planos sude a lado de la [[Rio Arkansas]] en Colorado sude-ueste e [[Kansas]] ueste, e la drena de la [[Rio Roja]] de [[Texas]] norde-ueste e Oklahoma ueste. Istorial, la caioua ia ave un sosia nomada xasante-coliente. Los ia comparte un cosina simil con sua tribus visina, como la [[numunu]] (acc comantxi). La fonte de comeda la importante per la caioua e sua visinas sur la planos es la bison. Ante la introdui de cavalos, bison ia es xasada sur pedes e ia nesesa ce la xasor veni tan prosima posible ante spara con flexas o sua lansas longa. A veses, los ia porta la pelos de [[lupo]]s o [[coiote]]s per oscur sua prosimi a la manadas de la bisones. La forma xef de abitada usada par la caioua ia es la [[tipi]], fabricada de la pelos de bisones formida e coseda con lunlotra en un forma cono. Palos de lenio entre 4 e 8 m de longia es usada per suporta la tipi. La palos ia es colieda de [[juniper]]es e [[pino]]s. Tipis ave a min un ala de entra, e alas per fumas ia es locada a alta per permete la fumas de la caveta de foco a en. La solo de la tipi ia es foreda con pelos per calda e comforta. La tipi ia es desiniada per es sufisinte calda en la inverno e sufisinte fria en la estate. La tipis ia es fasil colasada e pote es levada en minutos, donce los es un strutur la plu bon per popla nomada como la caioua e otra nasiones de la planos. La palos de la tipi ia es usada per construi un travua en tempos de viaja. Depintas sur pel decora comun la interna e esterna de la tipis, con sinifias spesial liada a alga desinias. Ante la introdui de la cavalo a America Norde, la caioua e otra popla de la planos ia usa [[can]]es domada per porta e trae sua poseses. La tipis e poseses e an enfantes peti, ia es portada sur la travua, un strutur triangulo usante la palos de la tipi, e traeda prima par la canes e plu tarda la cavalos. La introdui de la cavalos a la sosia caioua ia revolui sua modo de vive. Los ia gania cavalos par ataca la ranxos en Mexico e otra tribus de americanes orijinal ci ia ave ja cavalos, como la [[dine]] e la popla de la [[pueblo]]s. Con la cavalo, los pote transporta cargas plu grande, xasa plu bisones tra un estende plu grande e plu fasil, e viaja plu longa e plu distante. La caioua ia deveni gerores potiosa e capas ci ia condui atacas de distantias longa contra sua enemis. La caioua ia es videda como entre la cavalores la plu bon. La ricia de un om ia es mesurada xef par la grandia de sua manada de cavalos, con individuas multe rica avente manadas de multe sentos de cavalos. Cavalos ia es ance la ojetos de catura en la atacas. La caioua ia vide lo como un onora si on pote fura cavalos de enemis, e tal atacas ia funsiona comun como un rituo de pasa per gerores joven. Gerores de la caioua ia usa un combina de armas tradisional e nova, incluinte [[lansa]]s longa, [[arcos e flexas]], [[axeta]]s, [[cotel]]es, e [[baston]]es de gera, e ance otra armas plu nova, como [[fusil]]es, [[pistol]]es, e [[spada]]s. [[Scermo]]s ia es fabricada de pelos dur de la bison, estende sur un strutur de lenio, o fabricada de la cranio de un bison, cual resulta en un scermo peti ma forte. Scermos e armas ia es decorada con plumas, pelos, e partes de animales como talones de agilas per intendes ritual. La caioua ia ave un [[governa]] tribal bon struturida, como la plu de tribus de la planos. Los ia ave un congrega anial per la [[Dansa de Sol]], e un xef-de-xefes elejeda ci ia es videda como la xef simbolinte de la nasion intera. Sosias de gerores e sosias relijiosa ia es importante per la sosia e ia ave roles spesifada. Xefes ia es elejeda per sua coraje en batalia, ma ance per sua intelijentia, jenerosia, esperia, capasias de comunica, e compatia a otras. En la tradisiones de la caioua, moria ia ave asosias forte con [[spirito]]s oscur e fortias negativa, cual sinifia ce la mori de un person ia es videda como un esperia traumal. Teme de spiritos en comunias de la caioua ia resulta de la crede ce la spiritos ta resiste la fini de sua vive fisical. La spiritos ia es crededa como resta sirca la loca de entera, e ance infesta la locas e poseses de sua vive pasada. Spiritos persistente ia ance es crededa como coraji e aida la morinte per crusi de la mundo fisical a la vive pos mori. La femes ia gania onora e prestijia xef tra la atenis de sua sposos, fios, e padres, o tra sua propre atenis en la artes. Femes de la caioua i prepara, cose, pinta desinias jeometrial sur parflexas e cose perletas e spinas de [[porcospina]]s per decora peles. La femes ia maneja la campa cuando la omes ia es a via. Los ia colie e prepara comedas per la menses de inverno, e ia partisipa en avenis ritual clavin. Omes de la caioua ia abita con la familias estendeda de sua sposas ([[matrilocalia]]), cual tende aida la manteni de bon relatas entre sposes. == Lias esterna == * [https://commons.wikimedia.org/wiki/Kiowa_people Wikimedia Commons] – fotos de stradas e canales [[Categoria:Americanes orijinal]] [[Categoria:Poplas]] 7htkebblirie69yndy1h2ul4ai4eo4n