Vicipedia lfnwiki https://lfn.wikipedia.org/wiki/Paje_xef MediaWiki 1.39.0-wmf.26 first-letter Media Spesial Discute Usor Usor Discute Vicipedia Vicipedia Discute Fix Fix Discute MediaWiki MediaWiki talk Model Model Discute Aida Aida Discute Categoria Categoria Discute TimedText TimedText talk Modulo Modulo Discute Macineta Macineta Discute Defini de macineta Defini de macineta Discute 0 1402 38044 37087 2022-08-25T01:08:47Z Sdiabhon Sdiamhon 4353 /* Cortis */ wikitext text/x-wiki La '''gramatica de lingua franca nova (elefen)''' es un simpli de la gramatica comun de alga linguas romanica: [[Catalan (lingua)|catalan]], [[Espaniol (lingua)|espaniol]], [[Franses (lingua)|franses]], [[Italian (lingua)|italian]], e [[Portuges (lingua)|portuges]]. La resulta sembla la gramatica de la [[creol]]es romanica, como [[Aitian (lingua)|aitian]], [[capoverdean]], [[papiamento]], e [[xavacano]]. = Spele e pronunsia = == Alfabetas == Elefen usa la du alfabetas la plu comun conoseda en la mundo: la roman (o latina) e la cirilica. <div class="caxa"> {| | Roman | <tt>'''a b c d e f g h i j l m n o p r s t u v x z'''</tt> |- | Roman, major | <tt>'''A B C D E F G H I J L M N O P R S T U V X Z'''</tt> |- | Cirilica | <tt>'''а б к д е ф г х и ж л м н о п р с т у в ш з'''</tt> |- | Cirilica, major | <tt>'''А Б К Д Е Ф Г Х И Ж Л М Н О П Р С Т У В Ш З'''</tt> |} </div> K, Q, W, e Y no apare en parolas comun. On usa los sola per [[Trascrive|conserva la formas orijinal]] de nomes propre e de parolas stranjer. Lo es simil per acel leteras de la alfabeta cirilica cual no es listada. Ance H no es comun, ma on trova lo en alga termas tecnical e cultural. == Leteras major == On usa un letera major a la comensa de la parola prima en un frase. On usa un letera major ance a la comensa de un nom propre. Cuando un nom propre conteni plu ca un parola, on dona un letera major a cada parola – ma no a parolas minor como '''la''' e '''de''': <div class="caxa"> {| | Persones | real o imajinada, e ance animales e cosas personida – '''Maria''', '''San Paulo''', '''Barack Obama''', '''Jan de Hartog''', '''Seniora Braun''', '''Oscar de la Renta''', '''Mickey Mouse''' |- | Organizas | pe: companias, asosias – '''Ikea''', '''Nasiones Unida''', '''Organiza Mundal de Sania''' |- | Areas political | pe: nasiones, statos, sites – '''Frans''', '''Atina''', '''Site de New York''', '''Statos Unida de America''' |- | Locas jeografial | pe: rios, mares, lagos, montanias – '''la Alpes''', '''Rio Amazon''', '''Mar Atlantica''' |- | Leteras de la alfabeta | '''E''', '''N''' |} </div> Ma con titulos de operas de arte e leteratur, on dona un letera major sola a la parola prima de la titulo (e a cualce nomes propre cual apare): <div class="caxa"> * '''Un sonia de un note de mediaestate''' * '''La frates Karamazov''' * '''Tocata e fuga en D minor''' </div> A veses, como en avertis, on usa leteras major per <span style="font-variant: small-caps">asentua</span> parolas o frases intera. Elefen usa leteras minor do alga linguas usa leteras major: <div class="caxa"> {| | Dias de la semana | '''lundi''', '''jovedi''' |- | Menses | '''marto''', '''novembre''' |- | Festas e avenis simil | '''natal''', '''ramadan''', '''pascua''' |- | Sentenios | '''la sentenio dudes-un''' |- | Linguas e poplas | '''catalan''', '''xines''' |- | Cortis | '''lfn''', '''pf''' |} </div> == Nomes de leteras == On usa la silabas seguente per nomi leteras en parla, per esemplo cuando on spele un parola: <div class="caxa"> {| |'''a be ce de e ef ge hax i je ka el em''' |- |'''en o pe qua er es te u ve wa ex ya ze''' |} </div> Estas es nomes, e on pote plurali los: '''as''', '''bes''', '''efes'''. En scrive, on pote presenta simple la letera mesma, en forma major, con '''-s''' ajuntada en la plural: <div class="caxa"> * '''La parola "matematica" ave tre As, du Ms''' (pronunsia: '''emes''')''', e un E.''' </div> == Vocales == On pronunsia la leteras A, E, I, O, e U como en espaniol o italian: <div class="caxa"> {| | '''A''' || [a] || plata frontal abrida || '''ambasada''' |- | '''E''' || [e] || plata frontal medial || '''estende''' |- | '''I''' || [i] || plata frontal cluida || '''ibridi''' |- | '''O''' || [o] || ronda dorsal medial || '''odorosa''' |- | '''U''' || [u] || ronda dorsal cluida || '''cultur''' |} </div> La sonas de la vocales permete alga varia. Per esemplo, on pote pronunsia A como [ɑ], E como [ɛ] o [ej], e O como [ɔ] o [ow] sin causa malcomprendes. == Diftongos == Normal, cuando un vocal segue un otra, on pronunsia los en du silabas separada. Ma cuando la vocal du es I o U, la du vocales formi un diftongo: <div class="caxa"> {| | '''AI''' || [aj] || '''pais''' |- | '''AU''' || [aw] || '''auto''' |- | '''EU''' || [ew] || '''euro''' |- | '''OI''' || [oj] || '''seluloide''' |} </div> La ajunta de un prefisa no crea un diftongo: '''reuni''' [re-uni], '''supraindise''' [supra-indise]. Per razonas simil, du silabas separada es ance normal en alga otra parolas: '''egoiste''' [ego-iste], '''proibi''' [pro-ibi]. La disionario indica tal parolas, pe: "proibi (o-i)". La segue EI es rara. Lo es normal pronunsiada como du vocales separada: '''ateiste''' [ate-iste], '''feida''' [fe-ida], '''reinventa''' [re-inventa]. Ma si on trova ce esta pronunsia es difisil, on pote dise [ej] o an [e] en loca. Cuando I o U presede un otra vocal, on redui lo a un semivocal – [j], [w] – en la casos seguente: <div class="caxa"> {| | A la comensa de un parola || '''ioga''' [jo-ga], '''ueste''' [we-ste] |- | Entre du otra vocales || '''joia''' [ʒo-ja], '''ciui''' [ki-wi], '''veia''' [ve-ja] |- | CU, GU ante un vocal || '''acua''' [a-kwa], '''cual''' [kwal], '''sangue''' [san-gwe] |} </div> En otra casos – pe: '''emosia''', '''abitual''', '''plia''' – la I o U resta como un vocal plen. An si esta regulas defini la pronunsia normal per diftongos, on pote iniora los sin confusa. == Consonantes == La leteras seguente es consonantes: <div class="caxa"> {| | '''B''' || [b] || esplodente bilabial con vose || '''bebe''' |- | '''C''' || [k] || esplodente velal sin vose || '''clica''' |- | '''D''' || [d] || esplodente dental/alveolal con vose || '''donada''' |- | '''F''' || [f] || fricante labiodental sin vose || '''fotografi''' |- | '''G''' || [g] || esplodente velal con vose || '''garga''' |- | '''H''' || [h] || fricante glotal sin vose || '''haicu''' |- | '''J''' || [ʒ] || fricante posalveolal con vose || '''jeolojia''' |- | '''L''' || [l] || prosiminte ladal dental/alveolal con vose || '''lingual''' |- | '''M''' || [m] || nasal bilabial con vose || '''mesma''' |- | '''N''' || [n] || nasal dental/alveolal con vose || '''negante''' |- | '''P''' || [p] || esplodente bilabial sin vose || '''paper''' |- | '''R''' || [r] || vibrante dental/alveolal con vose || '''rubarbo''' |- | '''S''' || [s] || fricante dental/alveolal sin vose || '''sistemes''' |- | '''T''' || [t] || esplodente dental/alveolal sin vose || '''tota''' |- | '''V''' || [v] || fricante labiodental con vose || '''vivosa''' |- | '''X''' || [ʃ] || fricante posalveolal sin vose || '''xuxa''' |- | '''Z''' || [z] || fricante dental/alveolal con vose || '''zezea''' |} </div> Nota la puntos seguente: <div class="caxa"> * '''C''' es "dur" (esplodente), e no ave la sona "mol" (fricante) de S. * '''F''' es sin vose, e no ave la sona de V. * '''G''' es "dur" (esplodente), e no ave la sona "mol" (fricante) de J. * '''J''' es [ʒ] como en franses e portuges. * '''N''' ante G o C ave la sona [ŋ] como NG en engles: '''longa''', '''ance'''. NG final, como en '''bumerang''', ave ance esta sona: la G es silente. * '''R''' sona vibrante como en espaniol e italian. * '''S''' es sin vose, e no ave la sona de Z. * '''V''' es "mol" (fricante), e no ave la sona "dur" (esplodente) de B. * '''X''' es [ʃ] como SH en engles, SCH en deutx, e CH en franses e portuges. * '''Z''' es con vose, como en engles e franses. </div> Car alga consonantes es difisil per alga parlores, elefen permete la varias seguente: <div class="caxa"> ; J : On pote pronunsia lo ance como DJ [dʒ], como J en la parola engles "judge" o G en la parola italian "gente", si on prefere. ; R : Otra sonas de R (como en franses, deutx, o engles) es asetable si los es clar distinguable de la otra sonas de elefen. ; X : On pote pronunsia lo ance como TX [tʃ], como CH en la parola engles "church" o la parola espaniol "chico", o como C en la parola italian "ciao", si on prefere. ; Z : On pote pronunsia lo ance como TS [ts], si on prefere. ; haicu, bahamas : On pote omete la H en pronunsia, si on prefere: [aicu], [ba-amas]. ; blog, club : Alga parolas internasional fini con consonantes nonusual. On pote ajunta un E a la fini per fasili la pronunsia: [bloge], [klube]. ; spada, strada : Alga parolas comensa con S segueda par un consonante. Si un parlor trova ce esta es difisil, el pote ajunta un E a la comensa: [espada], [estrada]. ; gnostica, psicolojia : Alga parolas siensal comensa con combinas nonusual de consonantes, como FT, GN, MN, PS, o PT. On pote omete la consonante prima en pronunsia: [nostika], [sikoloʒia]. </div> ==Leteras stranjer== Cuando leteras stranjer apare en un parola, los ave normal la pronunsias seguente: <div class="caxa-table"> {| | '''K''' || [k] || como C |- | '''Q''' || [k] || como C |- | '''W''' || [u] o [w] || como U |- | '''Y''' || [i] o [j] || como I |} </div> En la alfabeta cirilica: <div class="caxa-table"> {| | '''Ё''' || [jo] || como IO |- | '''Й''' || [i] o [j] || como I |- | '''Ц''' || [ts] || como TS |- | '''Ч''' || [tʃ] || como TX |- | '''Щ''' || [ʃtʃ] || como XTX |- | '''Ы''' || [i] || como I |- | '''Э''' || [e] || como E |- | '''Ю''' || [ju] || como IU |- | '''Я''' || [ja] || como IA |} </div> == Asentua == An si la asentua de silabas no ave un rol multe importante en elefen, asi es alga sujestes cual on pote segue: :Natural, la monosilabas ave un asentua trivial: :*'''te''' :Si la parola fini en un consonante o un diftongo, la asentua senta sur ''la silaba ultima'': :*abe'''on''' :*ca'''cau''' :En la plu de otra casos, la asentua es sur ''la silaba ante la silaba ultima'': :*'''ca'''sa :*'''ma'''io :*pro'''du'''i :*i'''de'''a :*'''ti'''o :Si un parola (de plu ca du silabas) fini con ''ia, ie, io, ua, ue, o uo,'' la asentua es sur ''la silaba ultima min du'' (Nota ce estas es fasil recordada: ''i''/''u'', segueda par ''a''/''e''/''o''): :*'''va'''ria :*'''ri'''tuo :La plural con ''-s'' o ''-es'' no altera la asentua orijinal de la parola: :*'''ca'''sas :*'''ti'''os :*i'''de'''as :Nota ce '''cu''' e '''gu''' ante un vocale es sempre pronunsiada como [kw] e [gw]: :*'''a'''cua :*'''se'''gue En alga casos, elefen pote reteni un asentua trovada en la linguas romanica: :* Alga parolas "peti" ave ance sua asentua a ''la silaba final'': a'''la''', a'''si''', a'''gu''', a'''ha''', a'''mi''', ene'''mi''', a'''xi''', a'''xu''', u'''ra''', ca'''fe''', per'''ce'''; :* Parolas composada ave la asentua ''a la parola xef'': para'''ri'''o, su'''vi'''a, tre'''ti'''a, '''di'''seno, etc. :* Alga parolas cual fini con ''-u'', per esemplo, ave ''la asentua a la silaba final'': bam'''bu''', barbe'''cu''', caca'''tu''', canga'''ru''', ca'''zu''', didjiri'''du''', mani'''tu''', mara'''bu''', me'''nu''', ra'''gu''', ta'''bu''', tirami'''su''', xam'''pu'''; Denova: lfn no usa la asentua per distingui parolas, e on debe usa no asentua (como en japanes), un asentua minimal (como en franses e rusce), o an un asentua a la silaba prima (como en txesce). Elefen no es un lingua tonal. An tal, per indica ce un frase es un demanda, un modo posible es fini con un tono asendente: <div class="caxa"> * '''Tu parla portuges?''' – con un tono asendente en la parola final * '''Tu no parla portuges.''' – con un tono nivel o desendente </div> == Fonotatica == La formas de parolas comun en elefen es constrinjeda par alga regulas. Du esemplos de la mesma vocal (como '''aa''') no pote sta a lado de lunlotra, estra cuando esta es la resulta de ajunta un prefisa: "re-envia", "co-opera". En esta casos, on pronunsia ambos vocales. La segue '''ei''' es normal trovada sola en parolas cual ave un prefisa cual fini con '''e''' (como '''pre-istoria''' e '''re-incarne''') e en parolas cual ave un sufisa cual comensa con '''i''' (como '''fe-in''' e '''ve-ida'''). La pronunsia normal de '''ei''' es como du vocales separada, ma on pote dise [ej] o [e] si on prefere. Cuando un sufisa ta crea un mal segue de vocales, on sutrae la vocal du de la segue: <div class="caxa"> * '''comedia''' + '''-iste''' &nbsp;&gt;&nbsp; (comediiste) &nbsp;&gt;&nbsp; '''comediste''' </div> A la comensa de un silaba, on permete sola la grupos seguente de consonantes: <div class="caxa"> * '''pr-''', '''br-''', '''pl-''', '''bl-''', '''tr-''', '''dr-''' * '''cr-''', '''gr-''', '''cl-''', '''gl-''', * '''sl-''', '''sr-''', '''sp-''', '''st-''', '''sc-''' * '''fr-''', '''fl-''', '''sf-''', '''pt-''', '''ps-''' * '''spr-''', '''str-''', '''scr-''', '''spl-''', '''scl-''' </div> A la fini de un silaba, on permete sola la consonantes seguente, e un vocal debe sta direta ante los: <div class="caxa"> * '''-f''', '''-s''', '''-x''' * '''-m''', '''-n''', '''-l''', '''-r''' </div> Un grupo de consonantes en la media de un parola es bon si on pote divide lo entre du bon silabas: <div class="caxa"> * '''encontrante''' = '''en-con-tran-te''' * '''mostrablia''' = '''mos-tra-bli-a''' * '''instinto''' = '''in-stin-to''' </div> Esta regulas no aplica a la nomes propre, e a alga parolas tecnical, internasional, e cultural. = Frases = La plu '''frases''' en elefen conteni un [[Verbos|sintagma verbin]] cual indica comun la aveni de un ata. Un sintagma verbin es composada de un verbo e cualce elementos cual descrive lo, como [[averbos]] e [[Preposadas|sintagmas de preposada]]. La plu frases conteni ance a la min un [[Nomes#sintagmas nomin|sintagma nomin]], cual indica comun un person o un cosa. Un sintagma nomin es composada de un nom e cualce elementos cual descrive lo, como [[determinantes]], [[ajetivos]], e [[Preposadas|sintagmas de preposada]]. La du sintagmas nomin la plu importante es los con la rol de '''sujeto''' e '''ojeto'''. Se sinifias esata depende de la verbo elejeda, ma on pote dise laxe ce la sujeto es la person o cosa cual fa la ata, e la ojeto es la person o cosa direta tocada par la ata. En elefen, la sujeto presede e la ojeto segue sempre la verbo: <div class="caxa"> * '''La gato''' ''(sujeto)'' xasa ''(verbo)'' '''la scural''' ''(ojeto)''. * '''La xica''' ''(sujeto)'' gusta ''(verbo)'' '''la musica''' ''(ojeto)''. * '''La can''' ''(sujeto)'' dormi ''(verbo)''. </div> En alga casos, per stilo o clari, on vole pone la ojeto de la verbo a la comensa de la frase. En esta casos, la ojeto debe es segueda par un virgula, e un pronom per la ojeto es usada pos la verbo: <div class="caxa"> *'''la gatos,''' me no gusta '''los'''. </div> La plu verbos nesesa un sujeto, ma [[Verbos#Transitiva|multe no nesesa un ojeto]]. Un otra composante comun de frases es la '''completinte'''. Esta es un descrive ajuntada de la sujeto, e el pote segue verbos como '''es''', '''deveni''', '''pare''', e '''resta''': <div class="caxa"> * Computadores ''(sujeto)'' es ''(verbo)'' '''macinas''' ''(completinte)''. * La aira ''(sujeto)'' pare ''(verbo)'' '''umida''' ''(completinte)''. * La comeda ''(sujeto)'' deveni ''(verbo)'' '''fria''' ''(completinte)''. * La patatas ''(sujeto)'' ia resta ''(verbo)'' '''calda''' ''(completinte)''. * Nosa taxe ''(sujeto)'' es ''(verbo)'' '''reconstrui la mur''' ''(completinte: un frase suordinada)''. * La idea ''(sujeto)'' es ''(verbo)'' '''ce tu canta''' ''(completinte: un frase suordinada)''. </div> Alga linguas permete ce ance la ojeto ave un completinte, como en *"los ia eleje el ''presidente''". Esta spesie de completinte no esiste en elefen. Un otra composante major de frases es la '''[[Preposadas|sintagma de preposada]]'''. El ajunta un detalia a un nom o verbo presedente, o a la frase intera: <div class="caxa"> * La om ''(sujeto)'' ia cade ''(verbo)'' '''tra sua seja''' ''(sintagma de preposada)''. * '''En la note''' ''(sintagma de preposada)'', la stelas ''(sujeto)'' apare ''(verbo)''. * Me ''(sujeto)'' dona ''(verbo)'' esta poma ''(ojeto)'' '''a tu''' ''(sintagma de preposada)''. * Tu ''(sujeto)'' no aspeta ''(verbo)'' '''como tua foto''' ''(sintagma de preposada)''. </div> En ajunta a sintagmas, alga frases conteni [[Proposas|proposas]], cual sembla frases minor situada en la frase major. Los pote descrive sintagmas nomin, sintagmas verbin, o la intera de la frase major: <div class="caxa"> *La om '''ci ia abita asi''' ia vade a Nu Iorc. *El va visita en julio, '''cuando la clima es bon'''. *On no ia permete me fa la cosas '''como me ia desira'''. *Me pensa '''ce el es bela'''. </div> = Nomes = Comun, on introdui un '''nom''' (o '''sustantivo''') con [[determinantes]], e pote segue lo con [[ajetivos]] e [[Preposadas|sintagmas de preposada]], per produi un [[#sintagmas nomin|sintagma nomin]]. Nomes tipal indica ojetos fisical como persones, locas, e cosas – ma nomes pote indica ance consetas plu astrata cual condui simil en gramatica. On nom es la plu clar indicada par un determinante, spesial par '''la''', '''un''', o la '''-s''' o '''-es''' de pluralia. Un preposada indica ance ce un nom segue, an sin un determinante. ==Plural== On ajunta '''-s''' a un nom per plurali lo. Si la nom singular fini con un consonante, on ajunta '''-es''' en loca. La sufisa plural no cambia la [[Spele e pronunsia#Asentua|asentua]] de la parola: <div class="caxa"> *'''g<u>a</u>to''', '''g<u>a</u>tos''' *'''<u>o</u>m''', '''<u>o</u>mes''' </div> Un [[Ajetivos|ajetivo]] cual descrive un nom no cambia cuando la nom es plural. Ma cuando on usa un ajetivo como un nom, on pote plurali lo: <div class="caxa"> *'''la bones, la males, e la feas''' *'''multe belas''' </div> Alga nomes cual es plural en alga linguas es singular en elefen: <div class="caxa"> *El regarda un '''sisor''' con un '''binoculo'''. *On usa un '''bretela''' per suporta sua '''pantalon'''. *Me ia compra esta '''oculo''' de sol en '''Nederland'''. </div> ==Nomes contable e noncontable== Como multe linguas, elefen distingui nomes '''contable''' e '''noncontable'''. Un nom contable pote es descriveda con un [[Numeros|numero]], e pote aseta la '''-s''' pluralinte. La nomes contable la plu tipal representa ojetos cual es clar cosas individua, como casas, gatos, e pensas. Per esemplo: <div class="caxa"> *'''un''' auto; la auto'''s'''; '''cuatro''' auto'''s''' *'''un''' gato; multe gato'''s'''; '''un milion''' gato'''s''' </div> En contrasta, nomes noncontable (nomida "nomes de masa" a veses) no aseta jeneral la '''-s''' pluralinte. La nomes noncontable la plu tipal indica masas cual no ave individuas clar, como licuidas ('''acua''', '''jus'''), polvos ('''zucar''', '''arena'''), sustantias ('''metal''', '''lenio'''), o cualias astrata ('''belia''', '''lentia'''). Cuando on descrive los con un parola de cuantia, on ajunta frecuente un unia de mesura per claria. Per esemplo: <div class="caxa"> *la acua; alga acua; '''tre tases de''' acua *lenio; multe lenio; '''du pesos de''' lenio </div> An tal, on pote usa nomes noncontable en un modo contable. Los indica alora esemplos o casos individua: <div class="caxa"> *Du '''cafes''', per favore. *Me ia proba multe '''cesos'''. *On no pote compara la '''belias''' de Paris e Venezia. </div> ==Seso== Normal, nomes no indica sua seso. Per distingui la sesos, on usa la ajetivos '''mas''' e '''fema''': <div class="caxa"> * '''un cavalo mas''' * '''un cavalo fema''' </div> Ma en alga parolas per relatadas de familia, on distingui la femas con '''-a''' e la mases con '''-o''': <div class="caxa"> *'''ava''', '''avo''' *'''fia''', '''fio''' *'''neta''', '''neto''' *'''sobrina''', '''sobrino''' *'''sposa''', '''sposo''' *'''tia''', '''tio''' *'''xica''', '''xico''' *'''cusina''', '''cusino''' </div> On pote ance eleje usa formas "neutra" de alga de estas: <div class="caxa"> *'''avi''' *'''fie''' *'''nete''' *'''sobrin''' *'''spos''' *'''tie''' *'''xice''' *'''cusin''' </div> On ave ance alga duples cual usa parolas diferente per la du sesos: <div class="caxa"> *'''dama''', '''cavalero''' *'''diva''', '''dio''' *'''fem''', '''om''' *'''madre''', '''padre''' *'''rea''', '''re''' *'''seniora''', '''senior''' *'''sore''', '''frate''' </div> Estas ave formas "neutra" unica: <div class="caxa"> *'''nobil''' *'''divin''' *'''person''' *'''jenitor''' *'''renor''' *'''sri''' *'''conaseda''' </div> La sufisa rara '''-esa''' formi la varias fema de alga roles sosial en istoria: <div class="caxa"> *'''abade''', '''abadesa''' *'''baron''', '''baronesa''' *'''conte''', '''contesa''' *'''duxe''', '''duxesa''' *'''imperor''', '''imperoresa''' *'''marci''', '''marcesa''' *'''prinse''', '''prinsesa''' *'''tsar''', '''tsaresa''' </div> == sintagmas nomin == Un sintagma nomin conteni un nom e sua descrives: [[determinantes]], cual presede la nom, e [[ajetivos]] e [[Preposadas|sintagmas de preposada]], cual segue lo. La du sintagmas nomin la plu importante en un [[Frases|frase]] es la '''sujeto''' e la '''ojeto'''. La sujeto presede la verbo, e la ojeto segue la verbo. Otra sintagmas nomin es usual introduida par [[preposadas]] per clari sua rol. Un sintagma nomin nesesa normal un determinante – cisa sola '''-s''', la sufisa pluralinte. Ma esta regula no aplica a nomes propre, a la nomes de dias de semana, menses, e linguas, e a nomes noncontable: <div class="caxa"> *'''Desembre''' es calda en '''Australia'''. *'''Nederlandes''' es me lingua orijinal. *Me gusta '''pan'''. </div> On laxi frecuente la regula ance cuando un sintagma nomin segue un preposada, spesial en espresas fisada: <div class="caxa"> *El es la comandor '''de polisia'''. *Me no gusta come '''bur de aracide'''. *Nos vade '''a scola'''. *Acel es un problem '''sin solve''' en matematica. *Un virgula pare nesesada '''per claria'''. </div> Un ajetivo o determinante pote es descriveda par un averbo presedente. Car averbos aspeta como ajetivos, on separa normal plu ca un ajetivo con virgulas o '''e'''. En parla, la ritmo de la frase clari la difere: <div class="caxa"> *'''Sola un''' poma '''multe putrida''' ia resta. *Me ia encontra un fem '''bela intelijente'''. *Me ia encontra un fem '''bela, joven, e intelijente'''. </div> A veses, un nom es sola un simbol per cualce membro de sua clase. En tal casos, lo no es multe importante esce on usa '''la''' o '''un''', o esce la nom es plural o singular: <div class="caxa"> *'''La arpa''' es un strumento musical. *'''Un arpa''' es un strumento musical. *'''Arpas''' es strumentos musical. </div> Un [[Pronomes|pronom]] es un caso spesial de un sintagma nomin. Normal, on no pote ajunta un descrive a un pronom. ==Aposa== On dise ce du sintagmas nomin es en '''aposa''' cuando la un segue direta la otra, e ambos refere a la mesma person o cosa. En la plu casos, la sintagma du ''identifia'' la person o cosa: <div class="caxa"> *la rio '''Amazon''' *la mar '''Pasifica''' *la isola '''Skye''' *la Universia '''Harvard''' *la Funda '''Ford''' *Re '''George 5''' *San '''Jacobo major''' *Piotr '''la grande''' *me ami '''Simon''' *la parola '''"inverno"''' *la libro''' ''La prinse peti'' ''' *un arbor '''eucalipto''' </div> Acronimes e leteras simple pote segue direta un nom per descrive lo: <div class="caxa"> *La disionario es ance disponable como un fix '''PDF'''. *El ia porta un camisa '''T''' blu de escota '''V'''. </div> A alga veses, du nomes conveni ''egal'' a un cosa o person. En esta casos, la nomes es juntada par un ifen: <div class="caxa"> *un produor-diretor *un primador-scanador </div> En tota casos, la plural '''-s''' o '''-es''' es ajuntada a ambos nomes: <div class="caxa"> *la statos membros *produores-diretores </div> Un caso spesial pertine a la verbo '''nomi''': <div class="caxa"> *Nos ia nomi el '''Orion'''. *Me nomi esta forma '''un obelisce'''. </div> = Determinantes = Un '''determinante''' es un parola cual descrive un [[Nomes|nom]] per espresa la refere de la nom, incluinte sua identia e cuantia. Con eseta de la sufisa pluralinte '''-s''' (cual on regarda como un determinante en elefen), la determinantes presede sempre la nom. On ave clases variosa de determinante. Esemplos tipal de cada clase es: [[#Predeterminantes|'''tota''']], [[#Articles|'''la''']], [[#Determinantes de mostra|'''esta''']], [[#Determinantes de demanda|'''cual''']], [[#Determinantes de eleje|'''cada''']], [[#Determinantes de posese|'''mea''']], [[#Determinantes de cuantia|'''multe''']], [[#Determinantes de similia|'''otra''']]. == Predeterminantes == '''Tota''' indica la cuantia completa de la cosa indicada par la nom, cual debe es plural si lo es contable. Diferente de [[#Articles de cuantia|'''cada''']], '''tota''' refere a la cosa intera, no a la individuas separada cual composa lo: <div class="caxa"> *'''Tota linguas''' es asurda. *Me va ama tu per '''tota tempo'''. *La lete ia vade a '''tota locas'''. </div> On pote usa '''ambos''' en loca de '''tota''' cuando on sabe ce la cuantia completa es sola du. La nom debe es plural: <div class="caxa"> *'''Ambos gamas''' es debil. </div> Semantical, '''tota''' e '''ambos''' no difere de la [[#Determinantes de cuantia|determinantes de cuantia]], ma on trata los como un clase separada par causa de sua sintatica: los [[#Ordina de determinantes|presede tota otra determinantes]] en un sintagma de nom, incluinte '''la'''. On pote usa los ance como [[Pronomes#Pronomes determinante|pronomes]]. == Articles == Elefen ave du '''articles''' – la article de defini ('''la'''), e la article de nondefini ('''un'''). Asi, "defini" sinifia ce la cosa indicada par la nom es "ja conoseda", e donce ce lo no es un cosa nova. '''La''' introdui un nom cual indica un person o cosa de cual la escutor es ja consensa. On usa lo en esta spesies de situa: <div class="caxa"> On ia refere ja a la cosa: * Me ia compra un casa. '''La casa''' es peti. La escutor pote divina fasil ce la cosa esiste: * Me ia compra un casa. '''La cosina''' es grande. La resta de la frase spesifa sufisinte bon la cosa: * El ia perde '''la numeros''' de telefon de sua amis. La escutor pote persepi direta la cosa: * '''La musica''' es bela, no? La cosa es bon conoseda a cadun. Esta inclui campos de studia e nomes consetal: * '''La luna''' es multe distante de la tera. * Me no comprende '''la matematica'''. * El ama '''la cafe'''. * La felisia es plu importante ca '''la ricia'''. </div> '''Un''' introdui un nom singular cual refere a un person o cosa cual la escutor ''no'' conose ja. On no usa lo con nomes plural o noncontable. (Lo servi ance como un [[#Determinantes de cuantia|determinante de cuantia]].) <div class="caxa"> * Me vole leje '''un libro'''. * '''Un gato''' ia veni en la sala. </div> Alga linguas ave un otra article per indica un cuantia nondefinida de un nom noncontable. Elefen usa '''la''', o no article: <div class="caxa"> * Me gusta '''la cafe'''. * Me gusta '''cafe'''. * Me bevi '''cafe'''. </div> == Determinantes de mostra == La '''determinantes de mostra''' dirije a la cosa indicada par la nom. Los loca lo en tempo o spasio, o en la testo mesma. '''Esta''' es simil a '''la''', ma lo dirije a un cosa cual es prosima a la parlor, o fisical o metafor: <div class="caxa"> *Me posese '''esta casa'''. *'''Esta libros''' es merveliosa. *Me gusta '''esta cafe'''. *'''Esta mense''' ia es difisil. *'''Esta frase''' conteni sinco parolas. </div> '''Acel''' es ance simil a '''la''', ma lo dirije a un cosa cual es distante de la parlor, o a la min plu distante ca '''esta''': <div class="caxa"> *'''Acel xico''' regarda '''acel xicas'''. *Atenta denova en '''acel modo'''. *'''Acel torta''' es noncomable. </div> On pote converti '''esta''' e '''acel''' a [[Pronomes#Pronomes determinante|pronomes]]. == Determinantes de demanda == La '''determinantes de demanda''' es un modo de crea [[Demandas|demandas]]. '''Cual''' fa un demanda de identia o spesie: <div class="caxa"> *'''Cual animal''' es acel? *'''Cual vejetales''' es la plu bon? *Tu veni de '''cual pais'''? *'''Cual fenetras''' es rompeda? *'''Cual pinta''' tu prefere? </div> '''Cuanto''' fa un demanda de cuantia, o contable o noncontable: <div class="caxa"> *'''Cuanto casas''' es en tua strada? *'''Cuanto pan''' tu pote come? </div> On usa '''cual''' e '''cuanto''' ance como [[Pronomes#Pronomes de demanda|pronomes]]. == Determinantes de eleje == La '''determinantes de eleje''' indica alga individuas entre otras: <div class="caxa"> * '''cada''' * '''cualce''' * '''alga''' * '''no''' </div> '''Cada''' es simil a "tota", ma lo considera la cosas como individuas, la un pos la otra. La nom debe es contable ma singular: <div class="caxa"> *'''Cada can''' ave un nom. *Me no ia leje '''cada parola'''. *Tu fa la mesma era a '''cada ves'''. </div> '''Cualce''' indica ce lo no es importante cual on eleje: cada es egal bon. La nom es normal contable: <div class="caxa"> *Prende '''cualce carta'''. *'''Cualce contenadores''' va sufisi. </div> '''Alga''' indica ce la identia de la cosa indicada es nonspesifada: <div class="caxa"> *Me ia leje acel en '''alga libro'''. *Cisa me va reveni a '''alga dia'''. *'''Alga cosa''' es rompeda. </div> Cuando on usa '''alga''' con un nom noncontable, o un nom contable e plural, lo indica ce no sola la identia es nonspesifada, ma la cuantia ance. On comprende jeneral ce la cuantia nonspesifada es relativa peti – si no, on ta dise '''multe''' – ma no tan estrema peti como con '''poca''': <div class="caxa"> * Me va leje '''alga libros'''. * '''Alga polvo''' ia cade de la sofito. * El ave '''alga pan''' en sua sesto. </div> '''No''' indica la manca de la cosa indicada par la nom: <div class="caxa"> *Me ave '''no arbores''' en me jardin. *Tu va senti '''no dole'''. *'''No arbor''' es plu alta ca la tore Eiffel. *Me ia encontra '''no person''' en la parce. </div> '''Sola''' sinifia ce no otras (o no otra cosa) esiste o pertine: <div class="caxa"> * El es '''la sola dotor''' en la vila. * Estas es '''la sola du parolas''' cual nos no comprende. * Me va destrui la mur con '''un sola colpa'''. </div> Esta determinantes, estra '''no''' e '''sola''', pote es usada como [[Pronomes#Pronomes determinante|pronomes]]. Los formi ance la pronomes spesial '''cadun''', '''cualcun''', '''algun''', e '''nun''', cual refere a ''persones''. Per refere a ''cosas'', on ajunta simple la parola '''cosa''' pos la determinantes. == Determinantes de posese == La '''determinantes de posese''' es '''mea''', '''tua''', '''nosa''', e '''vosa''': <div class="caxa"> * '''Mea gato''' ia come un mus. * Me gusta multe '''tua dansa'''. * '''Nosa ecipo''' va gania la premio. </div> On pote ance indica la posese con un sintagma como '''de me''': <div class="caxa"> * Acel es '''la casa de tu'''. </div> La determinante de posese per la person tre es '''sua''', egal per tota la pronomes '''el''', '''lo''', '''los''', '''on''', e '''se''': <div class="caxa"> * La ipopotamo abri '''sua boca'''. ''(refletante)'' * Nos regarda '''sua dentes'''. ''(nonrefletante)'' </div> ==Determinantes de cuantia== La '''determinantes de cuantia''' aida ce on espresa la cuantia de la cosa indicada par la nom: <div class="caxa"> * '''-s''' ''(sufisa pluralinte)'' * '''un''' * '''du''', '''tre''', '''cuatro'''... * '''multe''' * '''poca''' * '''plu''' * '''la plu''' * '''min''' * '''la min''' </div> La sufisa pluralinte '''-s''' es la plu fundal entre la determinantes de cuantia. Un sintagma nomin cual inclui un nom plural no nesesa un otra determinante: <div class="caxa"> * Me va leje '''libros'''. * Me va leje '''la libros'''. </div> '''Un''' es no sola la [[#Articles|article de nondefini]], ma ance un numero. Lo indica un esemplo solitar de la cosa indicada par la nom. Donce la nom debe es contable ma singular: <div class="caxa"> * Me ave '''un frate''' e '''du sores'''. </div> Simil, la otra [[Numeros|numeros cardinal]] – '''du''', '''tre''', '''cuatro''', etc – es ance determinantes de cuantia. <div class="caxa"> * Me ave '''tre gatos''' obesa. * Me ave '''cuatro plu anios''' ca mea frate. </div> '''Multe''' indica un cuantia grande, o contable o noncontable, de la cosa indicada par la nom: <div class="caxa"> * Esta casa ia sta asi per '''multe anios'''. * La pijones come '''multe pan'''. </div> '''Poca''' es la antonim de '''multe'''. Lo indica un cuantia peti, o contable o noncontable: <div class="caxa"> * Me reconose '''poca persones'''. ''(vera no multe)'' * El pote dona '''poca aida'''. ''(vera no multe)'' * ''Compara:'' Me pote leje '''alga parolas'''. ''(un cuantia nonspesifada e peti, ma plu ca sola poca)'' </div> '''Plu''' indica un cuantia plu grande de la cosa indicada. On pote usa lo con nomes plural e nomes noncontable. '''La plu''' indica la majoria, un cuantia plu grande ca tota otras: <div class="caxa"> * Tu ave '''plu libros''' ca me. * '''La plu linguas''' es bela. * '''Plu pan''' es en la cosina. * '''La plu fango''' es repulsante. </div> '''Min''' es la antonim de '''plu'''. Lo indica un cuantia plu peti, e on pote usa lo con nomes plural e nomes noncontable. '''La min''' indica la minoria, un cuantia plu peti ca tota otras: <div class="caxa"> * Me desira '''min vejetales''' ca el. * Tu ia leje '''la min libros''' de cualcun ci me conose. * El ave '''min interesa''' a cada dia. </div> Con eseta de '''no''', on pote converti tota determinantes de cuantia a [[Pronomes#Pronomes determinante|pronomes]]. ==Determinantes de similia== Cuatro otra determinantes pertine a la consetas de similia e difere: '''La mesma''' indica ce no difere importante esiste entre la cosa indicada par la nom e un otra cosa. La du es tan simil ce on no pote distingui los. Normal, on debe usa '''la''' ante '''mesma''', ma on pote usa ance '''esta''' o '''acel''': <div class="caxa"> * Tu porta '''la mesma calsetas''' como me. * La gera ia comensa en '''la mesma anio'''. * Nos va reveni a '''esta mesma tema''' pos un semana. </div> '''Otra''' indica ce la cosa indicada par la nom ''no'' es la mesma – un difere esiste, o lo es un esemplo nova: <div class="caxa"> * Nos ave aora esta '''tre otra problemes'''. * '''La otra solve''' ia es plu bon. * Tu ave '''otra pan'''? </div> '''Tal''' sinifia '''de esta spesie''' o '''de acel spesie''': <div class="caxa"> *Me construi un macina de tempo. **'''Tal cosas''' es nonposible. *Me xerca un abeor. **Me no conose '''un tal person'''. *Tu vole jua futbal con nos? **Me prefere evita '''tal eserse'''. *Tu ave plu libros como estas? **Si, me ave du otra '''tal libros'''. </div> '''Propre''' asentua la pertine de la cosa indicada par la nom a sua posesor. Lo es spesial usosa pos [[#Determinantes de posese|la determinante '''sua''']] per clari ce la sinifia es refletante, pd: la cosa indicada parteni a la sujeto de la frase: <div class="caxa"> *'''Mea propre idea''' es an plu strana. *El ia trova la xarpe de sua sposo e ia pone lo sirca '''sua propre colo'''. </div> == Ordina de determinantes == La determinantes segue un ordina normal: <div class="caxa"> * La [[#Predeterminantes|predeterminantes]] '''tota''' e '''ambos''', si los es presente, presede tota otras. * Alora on pone un [[#Articles|article]], un [[#Determinantes de mostra|determinante de mostra]], un [[#Determinantes de demanda|determinante de demanda]], un [[#Determinantes de eleje|determinante de eleje]], o un [[#Determinante de posese|determinante de posese]]. On ave normal no plu ca un tal determinante en un sintagma nomin. * Pos esta, on pote trova un o plu [[#Determinantes de cuantia|determinantes de cuantia]] o [[#Determinantes de similia|determinantes de similia]]. * La [[Ajetivos|ajetivos]] '''bon''' e '''mal''', an si los mesma no es determinantes, presede usual la nom, seguente cualce determinantes. </div> Per esemplo: <div class="caxa"> * El ia colie '''sua poca posesedas''' e parti. * Nos no ia tradui ancora '''acel otra cuatro frases'''. * '''Tota la omes''' ia vade a la costa. </div> = Pronomes = Un '''pronom''' es un parola cual sustitui per un [[Nomes#sintagmas nomin|sintagma nomin]] plu longa. ==Pronomes de person== <div class="caxa"> *'''me''' – la person ci parla *'''tu''' – la person a ci on parla *'''el''' – alga otra person *'''lo''' – un cosa *'''nos''' – me e tu, o me e vos, o me e el, o me e lo, o me e los *'''vos''' – la persones a ci on parla *'''los''' – alga otra persones o cosas </div> '''Tu''' es singular e '''vos''' es plural en tota situas, e formal e casual. '''El''' es usada per refere a persones, e a animales como mamales e avias. On pote estende metafor la usa a otra viventes, robotes, la luna, tempestas, etc. '''Lo''' es usada per refere a cosas, viventes simple, ideas, consetas, etc. '''Los''' es usada como la plural de ambos '''el''' e '''lo'''. Elefen no distingui la seso de '''el'''. Nomes propre, e sintagmas corta como '''la om''', '''la fem''', '''la xica''', e '''la xico''', es bon alternativas per pronomes cual indica la seso. (Alga parlores usa '''elo''' e '''ela''', parolas nonofisial, per refere a un person mas e un person fema cuando ambos es presente en la situa.) <div class="caxa"> * Do es Joana? '''El''' / '''La xica''' es en la jardin. * Do es me come de matina? '''Lo''' es en la cosina. </div> On pote segue un pronom de person con un [[Proposas#Suproposas ajetivin|suproposa ajetivin]]. Si la sinifia resta clar, on pote omete la pronom de person e lasa ce la pronom-sujunta fa un labora duple: <div class="caxa"> * El recorda sempre la nomes de '''los ci''' el ia encontra. * Me respeta '''tu, ci''' es tan saja. * '''El ci''' osa, gania. * '''Ci''' osa, gania. </div> '''On''' es un pronom jeneral e nondefinida, como "on" en franses o "man" en deutx. Lo sinifia "persones jeneral" o "un person acaso e ipotesal". Lo evita frecuente la nesesa de un verbo pasiva: <div class="caxa"> * '''On''' dise ce tu va parti. * '''On''' debe repete la verbo. ''(la verbo debe es repeteda)'' </div> '''Se''' es la pronom refletante per la person tre, e singular e plural. Lo refere a la sujeto de la verbo corente, ma lo mesma es nunca la sujeto. <div class="caxa"> * El limpi '''se'''. * Los lava '''se'''. </div> La pronomes de posese es la [[Determinantes#Determinantes de posese|determinantes de posese]], presededa par '''la''': <div class="caxa"> * Me ia trova me libros, ma tu no ia trova '''la tuas'''. * Lo es ance plu grande ca '''la mea'''. * No toca acel jueta! Lo no es '''la tua'''. </div> ==Pronomes determinante== Esata como on pote converti un [[Ajetivos|ajetivo]] a un [[Nomes|nom]], on pote converti la plu de la [[Determinantes|determinantes]] a pronomes. La pronomes '''esta''', '''acel''', e '''otra''' aseta sempre la '''-s''' pluralinte. On pote ajunta '''-s''' ance a alga otra pronomes, si esta clari la sinifia. <div class="caxa"> *'''tota''', '''totas''' *'''ambos''' *'''esta''', '''estas''' *'''acel''', '''aceles''' *'''cualce''', '''cualces''' *'''cada''' *'''alga''', '''algas''' *'''cual''' *'''multe''', '''multes''' *'''poca''', '''pocas''' *'''plu''' *'''la plu''' *'''min''' *'''la min''' *'''un/la otra''', '''otras''' *'''la mesma''' *'''un tal''' </div> Esemplos: <div class="caxa"> * '''Estas''' aspeta bela! * Prende '''cualce'''. ''(eleje un de la posibles)'' * Me no vole judi, car me gusta egal '''cada'''. * Me vole grasia '''cada de esta persones'''. * '''Alga(s)''' pensa ancora ce la mundo es plata. ''(alga persones)'' * Tu ia versa mal la vino. '''Alga''' es sur la table. * '''Multe(s)''' de nos es programores. * Me no ia regarda '''multe(s) de acel filmas'''. * Me reconose '''poca(s)''' de la persones en la fola. * '''Plu''' va ariva pronto. * Alga parolas es clar, ma on no pote leje fasil '''la plu'''. ''(la plu parolas)'' * Tu ave '''min''' ca me. * Me vole bonveni '''tota(s) de vos'''. * Me ia compra sinco libros nova, ma me ia lasa '''tota(s)''' en la bus. ''(tota libros)'' * '''Ambos''' de la enfantes jua felis. </div> On pote usa la [[Numeros|numeros cardinal]] como pronomes cual indica grupos de la grandia spesifada. Esta pronomes no aseta normal la '''-s''' pluralinte, e los no nesesa determinantes: <div class="caxa"> *'''Tre''' de mea amis va ariva a esta sera. *Cuanto pizas tu ia come? **'''Cuatro'''! *La '''cuatro''' de nos va come en junta. *'''Un''' de mea gatos manca. *La '''tre''' ia abita en la mesma aparte. </div> Per indica multiples nonesata de numeros como '''sento''', '''mil''', o '''milion''', on ajunta la '''-s''' pluralinte: <div class="caxa"> *On ia vide '''miles''' de persones a la conserta. *A cada anio, '''miliones''' migra a otra paises. *On ia vacui '''miles de plu''' persones de locas inondada par la deluvias. *On pote fatura '''plu sentos''' per servi. </div> On no pote converti '''la''' a un pronom. On usa '''el''', '''lo''', o '''los''' en loca: <div class="caxa"> * La casa de me padre es plu grande ca '''lo''' de me frate. * Lo es ance plu grande ca '''lo''' cual me intende compra. </div> On no pote usa '''no''' como un pronom, ma lo jenera [[#Otra pronomes|'''nun''']] e '''no cosa'''. On pote usa ance la numero '''zero''' como un pronom. La idiom '''la un la otra''' sinifia ce du persones o cosas ata mutua a se. Lo ave varias como '''la un o la otra''', '''la un pos la otra''', e '''la un sur la otra''': <div class="caxa"> *La xicos colpa '''la un la otra'''. – ''(cada xico colpa un – o plu – otra xico)'' *Me pila me crepes '''la un sur la otra'''. – ''(me pone un crepe sur un otra, cisa a plu ca un ves)'' </div> En alga frases, un pronom es direta segueda par un [[Verbos|verbo]] e pote es malcomprendeda como un determinante segueda par [[Verbos#Verbos como nomes|un verbo reusada como un nom]]. Per esemplo, sin contesto, on no pote sabe serta esce '''acel veni de Italia''' sinifia '''la veni de Italia''' o '''lo veni de Italia'''. En la plu de casos, la intende es intera evidentida par la situa. Ma si on es un comensor en elefen, o on desira evita es malcomprendeda, on pote pone un nom simple – como '''person''' o '''cosa''' – pos la determinante en loca de converti lo a un pronom: <div class="caxa"> * '''Acel cosa''' veni de Italia. * Recorda ce '''alga persones''' (o '''algas''') abita en sua auto. </div> En alga casos, on vole clari ce la nom verbal ''no'' es un verbo. Con parolas como '''alga''', '''multe''', e '''poca''', on pote ajunta '''de''' entre la determinante e la nom; la determinante deveni alora un pronom, ma la nom no deveni un verbo. Con otra determinantes, como '''esta''' e '''acel''', on pote usa '''la''' ante la determinante: <div class="caxa"> * La profesor ia demanda '''alga de atende'''. * '''Multe de labora''' pote es evitada. * '''La esta deside''' no es un bon resulta. </div> == Pronomes de demanda == Elefen ave du pronomes cual on usa per crea [[demandas]] direta: <div class="caxa"> *'''cual'''? (= '''cual cosa'''?) *'''ci'''? (= '''cual person'''?) </div> '''Ci''' es sola un pronom, e on debe no usa lo como un determinante. '''Cual''' es fundal un determinante, ma on usa comun lo ance como un pronom, si on aseta [[#Pronomes determinante|la risca rara de malcomprende]] de espresas como '''cual veni de Italia'''. Esemplos: <div class="caxa"> *'''Cual''' tu gusta? *'''Cual''' tu prefere, la rojas o la verdes? *'''Ci''' vole es un milionor? *Tu vade a la sinema con '''ci'''? *'''Cual''' es en la caxa? *Vos prefere '''cual'''? </div> On usa '''ci''' e '''cual''' ance en [[Demandas#Demandas reportada|demandas reportada]]. == Pronomes-sujuntas == '''Cual''' e '''ci''' servi ance como pronomes-sujuntas, per introdui [[Proposas#Suproposas ajetivin|suproposas ajetivin]]: <div class="caxa"> *'''cual''' *'''ci''' (= '''la person cual'''...) </div> La pronom-sujunta per un person o animal es '''ci'''. La pronom-sujunta per otra cosas es '''cual''': <div class="caxa"> * Esta es la fem de '''ci''' me ia compra mea auto. * La fem de '''ci''' me ia oblida sua nom es denova a la porte. * A, vide la patetas '''ci''' segue sua madre! * La libro '''cual''' me leje es tro longa. * La casa en '''cual''' nos abita es tro peti. * La superstisios – me gusta esta parola! – '''cual''' me ia investiga es riable. * El esperia un sonia '''cual''' el teme. – El teme un sonia, e alora el esperia esta sonia. * ''Compara:'' El esperia un sonia ce el teme. – El esperia un sonia, e en la sonia el ave un teme. </div> Con alga suproposas ajetivin, la frase xef omete la nom cual la proposa descrive. La pronom-sujunta mesma apare en loca de acel nom. Alora, on pote usa '''lo cual''' en loca de '''cual''' e '''el ci''' en loca de '''ci''' si on vole evita confusa: <div class="caxa"> * Acel es '''lo cual''' me ia comprende. – Me ia comprende acel informa. * Me comprende '''lo sur cual''' on ia instrui me. – On ia instrui me sur alga cosa, e me comprende lo. * Me no recorda '''(el) ci''' me ia vide. – Me ia vide el, ma me no recorda el. * Me no recorda '''(el) a ci''' me ia parla. – Me ia parla a el, ma me no recorda el. </div> == Otra pronomes == On ave cuatro pronomes spesial cual refere a persones. On usa los sola a modo singular: <div class="caxa"> *'''algun''' (= '''alga un''', '''alga person''') *'''cualcun''' (= '''cualce un''', '''cualce person''') *'''cadun''' (= '''cada un''', '''cada person''') *'''nun''' (= '''no un''', '''no person''') </div> Esemplos: <div class="caxa"> *'''Algun''' entre nos es la asasinor. *Dise acel broma a '''cualcun''', e el va rie. *'''Cadun''' debe reseta un premio. *Me senta en la atrio per un ora, e '''nun''' ia parla a me. </div> La corespondentes de '''algun''', '''cualcun''', '''cadun''', e '''nun''' per cosas es '''alga cosa''', '''cualce cosa''', '''cada cosa''', e '''no cosa'''. == sintagmas pronomin == Normal, on no descrive pronomes con [[Determinantes|determinantes]] o [[Ajetivos|ajetivos]], ma on pote descrive los con [[Preposadas|sintagmas de preposada]]: <div class="caxa"> * '''Nos en la sindicato''' esije plu diretos. * '''Tota de la lenio''' es danada. * '''La plu de esta linguas''' es difisil. </div> = Ajetivos = Un '''ajetivo''' es un parola cual altera la sinifia de un [[Nomes|nom]]. Un ajetivo tipal indica un cualia de la person o cosa cual la nom indica. En elefen, ajetivos no cambia per indica la cuantia o la seso. == Loca == La plu ajetivos segue la nom cual los descrive. Ma '''bon''' e '''mal''' presede normal la nom, estra cuando los mesma ave descrives: <div class="caxa"> * un '''bon''' can * un can plu '''bon''' ''(descriveda par '''plu''')'' * la '''mal''' enfante * un '''mal''' can bon instruida * '''bon''' enfantes mal comprendeda </div> En la plu de casos, on pote ajunta plu ca un ajetivo pos la nom sin causa confusa. Ma en alga casos, un de la ajetivos pote ance es comprendeda como un averbo cual altera la sinifia de la ajetivo seguente. On pote pone '''e''' entre la ajetivos per evade la confusa: <div class="caxa"> * la nara '''vera longa''' ''(vera = averbo)'' * la nara '''vera e longa''' ''(vera = ajetivo)'' * la om '''grande, forte, e stupida''' ''(tre ajetivos)'' </div> En alga casos, on pote pone un ajetivo ante la nom: per stilo en poesias o naras, o cuando on ave du ajetivos con pesas simil: <div class="caxa"> * la '''peti''' casa bela * un '''fea''' arbor vea </div> La ajetivos la plu conveninte per esta usa es la plu simples e cortas, como '''bela''', '''fea''', '''nova''', '''vea''', '''grande''', e '''peti'''. == Compara == On formi ajetivos comparativa par ajunta la averbos '''plu''' e '''min'''. La preposada en un tal compara es '''ca''': <div class="caxa"> *La cosina es '''plu calda ca''' la jardin. *Esta leto es '''min comfortosa ca''' me ia previde. </div> On formi ajetivos superlativa par ajunta la averbos '''la plu''' e '''la min''': <div class="caxa"> *La sol es la ojeto '''la plu calda''' en la sistem solal. *El ia ave un fia '''la plu bela''' en la mundo. ''(la plu bela de tota fias en la mundo)'' </div> On pote combina [[Numeros#Numeros ordinal|numeros ordinal]] con la construi superlativa: <div class="caxa"> *Vega es la stela '''sinco la plu briliante''' en la sielo de note. ''(cuatro otra stelas es plu briliante ca lo)'' *El ia deveni la om '''tre de la plu ricas''' en la mundo. </div> Comparas de egalia usa la combina '''tan'''... '''como'''...: <div class="caxa"> *La arbor ia es '''tan''' alta '''como''' un casa. *On es '''tan''' joven '''como''' on senti. </div> == Ajetivos como nomes == On pote reusa cualce ajetivo, sin cambia, como un nom per un person o cosa cual ave la cualia de acel ajetivo. La nom resultante obedi la regulas normal per nomes – lo aseta '''-s''' cuando plural, lo nesesa un determinante, e on pote an descrive lo con ajetivos: <div class="caxa"> *Esta anelo es perfeta sirculo. Lo es '''un sirculo perfeta'''. *Marilyn es un blonde, e seniores prefere '''blondes'''. </div> = Averbos = Esata como [[ajetivos]] es parolas cual descrive [[nomes]], averbos es parolas cual descrive cuasi cualce otra cosa, per esemplo [[verbos]], ajetivos, otra averbos, [[determinantes]], [[preposadas]], [[Nomes#sintagmas de nom|sintagmas de nom]], e an frases completa. Usual, averbos informa sur locas, tempos, situas, causas, maneras, o grados. == Loca == En elefen, averbos e ajetivos ave la mesma forma. On clari la difere par la loca: ajetivos segue nomes; averbos segue verbos e presede otra parolas: <div class="caxa"> * La om '''ia studia atendosa''' la testo. ''(un averbo descrive un verbo)'' * Me ia veni asi en un tren '''riable''' lenta. ''(un averbo descrive un ajetivo)'' * La tren ia move '''asurda''' lenta. ''(un averbo descrive un otra)'' * Me no '''oia multe bon''' tu. ''("multe" descrive "bon", e "multe bon" descrive "oia")'' * '''Cuasi''' sento persones ia espeta sur la plataforma. ''(un averbo descrive un determinante de cuantia)'' * On ia escava un buco '''direta''' ante me porte. ''(un averbo descrive un preposada)'' * '''Sola''' la manico es rompeda. ''(un averbo descrive un sintagma de nom)'' * '''Strana''', el ia porta un balde de pexes. ''(un averbo descrive un frase)'' </div> Un averbo (o sintagma averbin) cual descrive un verbo (o la frase completa) pote apare ance a la comensa de la frase. E si esta no causa confusa, on pote pone un averbo ance a la fini de la frase. Averbos es ance poneda pos la ojeto de la verbo, spesial si la ojeto es un pronom: <div class="caxa"> * El dansa '''bon'''. * '''Pronto''' el va cade. * '''Surprendente''', el es un xico '''multe''' bon. * Me leje '''felis''' la libro. * Me leje lo '''felis'''. * El regarda la fem '''frecuente''' pos vide el '''ier'''. </div> En alga casos, un averbo ante un ajetivo pote es liada par un ifen per clari la sinifia: <div class="caxa"> * la parolas '''nova-creada''' </div> On pote ance clari un sinifia averbal par dise '''en modo''' o '''a grado''': <div class="caxa"> * La melodia es bela '''en modo''' surprendente. </div> == Compara == On compara averbos esata como on [[Ajetivos#Compara|compara ajetivos]]. == Averbos fundal == En ajunta a la cuantia vasta de averbos derivada de ajetivos, elefen ave alga parolas cual es sola averbos: <div class="caxa"> *'''cisa''' ''(posible)'' *'''cuasi''' ''(prosiminte)'' *'''tan''' ''(a un tal grado)'' *'''tro''' ''(plu ca nesesada)'' *'''asi''' ''(a esta loca)'' *'''ala''' ''(a acel loca)'' *'''an''' ''(contra la previdable)'' *'''ance''' ''(en ajunta)'' *'''ancora''' ''(continuante)'' *'''aora''' ''(a esta tempo)'' *'''alora''' ''(a acel tempo)'' *'''donce''' ''(como un resulta lojical)'' *'''ja''' ''(aveninte ante aora)'' *'''nunca''' ''(a no tempo)'' *'''sempre''' ''(a tota tempo)'' *'''pronto''' ''(a un tempo prosima'') *'''ier''' ''(a la dia ante esta)'' *'''oji''' ''(a esta dia)'' *'''doman''' ''(a la dia pos esta)'' </div> '''Tan''' es usada en esclamas: <div class="caxa"> * Un vista '''tan''' bela! * '''Tan''' stonante! </div> ==Averbos de cuantia== On pote converti alga [[Determinantes#Determinantes de cuantia|determinantes de cuantia]] a averbos, per indica grados de veria. <div class="caxa"> * '''no''' * '''alga''' * '''multe''' * '''poca''' * '''plu''' * '''min''' * '''la plu''' * '''la min''' </div> '''No''' como un averbo sinifia "a no grado". Lo nega la cosa cual lo descrive. En un caso spesial, cuando lo descrive un verbo, lo ''presede'' la verbo: <div class="caxa"> * Los '''no''' va comprende. * Nos ave '''no''' sola un orania, ma ance du bananas. * O, '''no''' esta problem denova! </div> '''Alga''' como un averbo sinifia "a alga grado": <div class="caxa"> * Acel es un caso '''alga''' spesial. * '''Alga''' confusada, el ia cade en la lago. </div> '''Multe''' como un averbo sinifia "vera", "estrema", "a un grado alta", "en un cuantia grande": <div class="caxa"> * Me es '''multe''' coler. * El ama '''multe''' la femes. </div> '''Poca''' como un averbo sinifia "no multe", "a un grado sola basa", "en un cuantia sola peti": <div class="caxa"> * Me es '''poca''' interesada. * El core '''poca'''. </div> '''Plu''' e '''min''' como averbos sinifia "a un grado plu alta", "en un cuantia plu grande", "per un tempo plu longa", e "a un grado plu basa", "en un cuantia plu peti": <div class="caxa"> * Tu aspeta '''plu''' joven ca me. * No parla '''plu'''. * Me es '''min''' contente con la resulta ca me ta prefere. </div> '''La plu''' e '''la min''' como averbos sinifia "a la grado masima", "en la cuantia masima", e "a la grado minima", "en la cuantia minima": <div class="caxa"> * "Pardona" es la parola '''la plu''' difisil. * El es la om '''la min''' interesante en la mundo. * A '''la min''', nos ave ancora la un la otra. </div> ==Averbos de demanda== On pote usa la averbos seguente en maneras diversa: <div class="caxa"> *'''cuando''' *'''do''' *'''como''' *'''cuanto''' *'''perce''' </div> Los crea [[demandas]] direta e reportada, e los introdui [[Proposas#Suproposas ajetivin|suproposas ajetivin]]. Par estende de sua usa en suproposas ajetivin, los condui ance como [[Juntas#Averbos-sujuntas|sujuntas]] per introdui suproposas averbin – '''cuando''', per esemplo, es alora un corti de '''a la tempo cuando'''. On pote introdui los ance con [[Preposadas|preposadas]]. '''Cuando''' sinifia "a cual tempo", "en cual tempo": <div class="caxa"> * '''Cuando''' nos va come? * La enfante demanda '''cuando''' nos va come. * En la anio '''cuando''' me ia nase, la clima ia es multe calda. * '''Cuando''' nos ariva, me va dormi. * Nos va canta '''ante cuando''' nos dansa. ''(canta ante dansa)'' * Nos va dansa '''pos cuando''' nos canta. ''(dansa pos canta)'' * Nos va dansa '''asta cuando''' nos adormi. </div> '''Do''' sinifia "a cual loca", "en cual loca". Cuando on usa lo con un verbo de move, '''do''' sinifia comun "a do", "en dirije a cual loca": <div class="caxa"> * '''Do''' es la can? * Me no sabe '''do''' nos vade. * En la pais '''do''' me ia nase, la clima es multe calda. * El ia dormi '''do''' el sta. * Me veni '''de do''' tu ia visita me. * La polisior ia desinia un sirculo '''sirca do''' el ia trova la clave. </div> '''Como''' sinifia "en cual modo". Lo condui ance como un [[Preposadas|preposada]] cual sinifia "simil a" o "per esemplo": <div class="caxa"> * '''Como''' tu conose mea nom? * Me no comprende '''como''' tu conose mea nom. * La manera '''como''' tu pasea es riable. * Me parla '''como''' me pensa. * La descrive ia difere multe '''de como''' la loca aspeta vera. * Tua oios es '''como''' los de un falcon. </div> '''Cuanto''' sinifia "en cual cuantia". Lo opera ance como un [[Determinantes#Determinantes de cuantia|determinante de cuantia]] con la mesma sinifia: <div class="caxa"> * '''Cuanto''' la orolojo custa? * '''Cuanto''' tu ia compra? * '''Cuanto''' tu desira esta torta? * Me va demanda '''cuanto''' ia ariva. * Nos va aida '''cuanto''' nos pote. * Tu sabe '''cuanto''' me ama tu? </div> '''Perce''' sinifia "par cual causa", "per cual razona", "con cual intende"). La [[Juntas#Sujuntas|sujuntas]] corespondente es '''car''' ("per la causa ce", "per la razona ce") e '''afin''' ("con la intende ce"). On usa sempre la parola spesial '''perce''', no '''per cual''': <div class="caxa"> * '''Perce''' tu core? * La fem ia demanda '''perce''' la fenetra es rompeda. </div> = Verbos = Un verbo tipal indica la aveni o la sesa de un ata ('''core''', '''para'''), un relata ('''ave''', '''perde'''), o un state ('''sta''', '''fonde'''). En elefen, verbos no cambia per indica cosas como tempo o moda. En loca, on usa averbos – spesial la tre preverbos '''ia''', '''va''', e '''ta'''. On pote [[#Verbos como nomes|usa cada verbo sin cambia]] como un [[Nomes|nom]]. ==Tempo== {{AX|Preverbo}} La tempo futur es indicada par '''va''' (un parola de orijina franses). La tempo pasada (incluinte la pasada e presente perfeta) es indicada par '''ia''' (de xavacano). Estas es averbos spesial cual ''presede'' la verbo. On no marca la tempo presente: <div class="caxa"> * Me '''canta'''. * Me '''va canta'''. * Me '''ia canta'''. </div> Naras descrive comun avenis en la pasada, un pasada imajinada, o un tempo cual no importa a la lejor. En esta casos, on pote lasa '''ia''' cade. Elefen no distingui entre la modas perfeta e nonperfeta de la verbo. Ma on pote clari la segue de tempo de du atas par marca la ata plu temprana con '''ja''': <div class="caxa"> * Cuando tu ia encontra nos, nos '''ia come ja'''. * Si tu reveni doman, me '''va fini ja''' la labora. * Sempre cuando me ateni la fini de un capitol, me '''oblida ja''' la titulo. </div> Elefen ave otra metodos per clari la segue tempal: <div class="caxa"> * Me ia come '''ante aora'''. * Me ia come '''plu temprana'''. * Me ia '''fini''' come. * Me va come '''pronto'''. * Me '''comensa''' come. * Me va come '''pos acel'''. * Me va come '''plu tarda'''. * Me ia '''abitua''' come en la note. * Me ia come '''abitual''' en la note. </div> Elefen ave ance '''ta''', un parola elejable (de orijina en creol aitian), cual indica un moda nonreal, per esemplo cuando un situa es imajinal, dutada, desirada, o sola posible. Un frase con '''ta''' parla sur un mundo alternativa. En un tal frase con '''si''', on inclui '''ta''' en la proposa xef, ma on omete normal lo en la proposa de '''si''' – ma sua inclui no es proibida. '''Ta''' pote sujesta un futur min probable ca lo de '''va'''. On pote ance usa '''ta''' per indica un demanda cortes o per "moli" parolas como '''vole''', '''pote''', e '''debe'''. On usa lo en situas variosa do multe linguas usa un moda dependente o sujuntiva: <div class="caxa"> * Si me '''ta rena''' la mundo, cada dia ta es la dia prima de primavera. * Si lo no esiste, on '''ta debe''' inventa lo. * Si tu canta, me va escuta. * Si tu va canta, me va escuta. * Si tu canta, me ta escuta. * Si tu ta canta, me ta escuta. * Me duta ce tu '''ta dise''' acel. * Tu '''ta dona''' la sal, per favore? </div> Jeneral, on pote usa sola un de '''va''', '''ia''', e '''ta''' con un verbo. Un eseta es '''ia ta''', cual sinifia lo cual la linguas romanica indica par la moda dependente en la pasada, e lo cual engles indica par "would have". Un esemplo es un declara divertinte par Richard Nixon: <div class="caxa"> * Me '''ia ta''' es un bon re. – ''"I would have made a good king."'' </div> Cuando on reporta la parla, on reteni la tempo de la dise orijinal: <div class="caxa"> * El ia dise ce la sala '''es''' fria. = El ia dise: "Oji, la sala '''es''' fria." * El ia demanda esce la sala '''es''' fria. = El ia demanda: "Esce la sala '''es''' fria?" * El ia pensa ce la sala '''ia es''' fria. = El ia pensa: "Ier, la sala '''ia es''' fria." </div> ==Comandas== On no marca la forma de verbos per un comanda. Lo difere de la tempo presente sola par la asentia de la sujeto. La sujeto ta es normal '''tu''' o '''vos''' – la person o persones a cual on dona la comanda. On usa '''ta ce''' si on nesesa inclui la sujeto: <div class="caxa"> * '''Para'''! * '''Pardona''' me. * '''Toca''' la tecla de spasio per continua. * '''Vade''' a via, per favore! * Ta ce tua rena '''veni'''! * Ta ce nos '''dansa'''! </div> ==Negas== On nega un verbo con la averbo '''no''', cual ''presede'' e la preverbos e la verbo: <div class="caxa"> * Me '''no labora''' oji, e me '''no va labora''' doman. * El '''no ia pensa''' ce algun es asi. * '''No traversa''' la strada sin regarda. </div> ==Partisipios== Un '''partisipio''' es un verbo usada como un ajetivo o averbo. On crea un partisipio ativa par ajunta '''-nte''' a la verbo, e un partisipio pasiva par ajunta '''-da''' a la verbo. Estas es ajetivos, ma los es egal bon usable como [[averbos]] o [[nomes]]. La partisipio ativa implica un ata continuante, e la partisipio pasiva sujesta ce la ata aveni en la pasada: <div class="caxa"> * Un ruido '''asustante''' ia veni de la armario. ''(ajetivo)'' * La om '''creante''' scultas es amirable. ''(ajetivo; = la om ci crea scultas)'' * El ia sta '''tremante''' en la porte. ''(averbo)'' * Nos ia colie tota de la '''composantes'''. ''(nom)'' * Per favore, no senta sur la seja '''rompeda'''. ''(ajetivo)'' * El ia cade '''embarasada''' tra la seja. ''(averbo)'' * Sua novela va es un '''bonvendeda'''. ''(nom)'' </div> La partisipio ativa pote ave un ojeto. Ance, lo pote es usada como un completinte de la verbo '''es''' per indica la moda continuante: <div class="caxa"> * Me '''es''' lenta '''asorbente''' la informa. * Me no ia disturba tu, car tu '''ia es laborante'''. </div> Ma un construi con un partisipio es frecuente nonesesada. On ave otra metodos per espresa esta sinifia: <div class="caxa"> * Me '''asorbe lenta''' la informa. * Vade a via: me '''labora'''. * Me '''continua''' come. * Me come '''continual'''. * Me come '''tra la dia intera'''. </div> On pote usa la partisipio pasiva como la completinte de la verbos '''es''' o '''deveni''', per produi un sinifia pasiva. On pote inclui '''par''' si on vole indica la sujeto orijinal: <div class="caxa"> * Esta sala '''ia es pintida''' par un bufon. * La sala '''deveni pintida'''. * Acel ponte '''ia es desiniada par''' un injenior famosa. * Lo '''ia deveni conoseda''' ce el ia es un om perilosa. </div> Comun, on usa '''on''' o '''algun''' como la sujeto de un frase ativa en loca de un frase pasiva: <div class="caxa"> * '''On''' pinti la sala. * '''On''' no conose cuanto persones teme aranias. * '''Algun''' ia come lo. </div> La partisipio ativa de '''es''' es '''esente''': <div class="caxa"> * '''Esente''' un bufon, el ia senta sur la seja rompeda. </div> ==Transitivia== Un '''verbo transitiva''' es un verbo cual pote es direta segueda par un nom (un '''ojeto'''), sin un preposada interveninte. Un '''verbo nontransitiva''' no ave un ojeto. Per esemplo: <div class="caxa"> * Me '''senta'''. ''('''senta''' es nontransitiva)'' * La patatas '''coce'''. ''('''coce''' es nontransitiva)'' * El '''usa''' un computador. ''('''usa''' es transitiva)'' * Los '''come''' bananas. ''('''come''' es transitiva)'' </div> Transitivia es ajustable en elefen. Per esemplo, si on ajunta un ojeto pos un verbo nontransitiva, la verbo deveni transitiva. La ojeto coresponde semantical a la sujeto nontransitiva, e la verbo sinifia aora "causa ce (la ojeto) ...": <div class="caxa"> * Me '''senta''' la enfantes. ''(= Me causa ce la enfantes senta)'' * Me '''coce''' la patatas. ''(= Me causa ce la patatas coce)'' </div> On pote omete la ojeto de un verbo transitiva si lo es ja evidente par la situa o la contesto: <div class="caxa"> * El '''canta''' un melodia. > El '''canta'''. ''(= El canta alga cosa)'' </div> Cuando la ojeto e la sujeto de un verbo es la mesma cosa, on pote usa un pronom refletante per la ojeto: <div class="caxa"> * Me '''senta me'''. ''(= Me deveni sentante)'' * La porte '''abri se'''. ''(= La porte abri – ma con asentua ce lo pare ce nun abri lo; lo pare ce lo abri se mesma)'' </div> E on pote clari ce on usa un verbo en un modo transitiva par usa espresas con '''fa''' o '''causa''': <div class="caxa"> * Me '''fa''' ce la enfantes senta. ''(= Me senta la enfantes)'' * Me '''causa''' ce la fango adere a mea botas. ''(= Me adere la fango a me botas)'' </div> En alga linguas, la ojeto de un verbo transitiva pote ave un completinte. Elefen usa otra construis en loca: <div class="caxa"> * Los ia eleje el '''a''' presidente. ''(preposada de state resultante)'' * Me ia pinti la casa '''a''' blanca. ''(preposada de state resultante)'' * Me ia fa ce el '''es''' felis. ''(proposa nomin)'' * El ia dise '''ce''' me es stupida. ''(proposa nomin)'' </div> La eseta unica es la verbo '''nomi'''. On regarda esta como un esemplo de [[Nomes#Aposa|aposa]]. <div class="caxa"> * La esplorores ia nomi la rio '''la Amazon'''. ''(= los ia dona la nom "la Amazon" a la rio)'' </div> == Verbos con sujetos pupetin == Cada verbo finitiva en elefen ave un sujeto, an si lo es no plu ca un teniloca. En alga linguas, on omete la sujetos de verbos cual refere a la clima o a la ambiente jeneral. En elefen, on usa '''lo''': <div class="caxa"> * '''Lo neva'''. * '''Lo va pluve'''. * '''Lo es''' tro calda en esta sala. * '''Lo es''' bon. </div> Un otra caso es cuando la sujeto vera es la [[Proposas#Proposas nomin|proposa nomin]] cual segue la verbo. Car acel es posponeda, on usa '''lo''' como un sujeto pupetin: <div class="caxa"> * '''Lo pare''' ce tu es coreta. * '''Lo es''' importante ce me no oblida esta. </div> Simil, con la verbo '''es''', cuando la sujeto es un pronom (tipal '''el''', '''lo''', o '''los''') segueda par un [[Proposas#Proposas ajetivin|proposa ajetivin]], on pote move la sujeto a la fini de la frase e usa '''lo''' como un pupetin: <div class="caxa"> * '''Lo es''' me ci ama Maria. = El ci ama Maria es me. * '''Lo es''' Maria ci me ama. = El ci me ama es Maria. * '''Lo es''' la bal blu cual me ia perde. = Lo cual me ia perde es la bal blu. = La bal blu es lo cual me ia perde. </div> On usa '''on ave''' per indica ce alga cosa esiste o es presente: <div class="caxa"> * '''On ave''' un serpente en la rua. * '''On no ave''' pexes en esta lago. * '''On ave''' multe persones asi oji. </div> ==Verbos como nomes== Elefen ave du modos per usa verbos como nomes: la '''infinitiva''' e la '''nom verbal'''. Ambos usa la verbo sin altera. La infinitiva no aseta un sujeto o indicante de tempo o modo, ma lo pote ave averbos e un ojeto. Normal, lo segue un otra verbo o un preposada. La nom verbal es un nom vera, e es presededa par '''la''' o un otra determinante. Lo pote ave ajetivos, ma on debe usa un preposada (frecuente '''de''') si on vole inclui la ojeto. Un usa de la infinitiva es como la ojeto de un otra verbo. En elefen, esta formi lo cual on nomi un '''cadena de verbos'''. La sujeto de la verbo prima debe es ance la sujeto de la verbo du, e la ojeto es poneda pos la verbo du. Pos la verbo prima, on pote inclui averbos cual altera acel verbo, e la parola '''no''' per nega la verbo du: <div class="caxa"> * Me '''espera ariva''' ante tua parti. * Me '''ia gusta''' multe '''escuta''' oji mea musica. * On '''pote''' nunca '''spele''' coreta mea nom. * El '''teme''' no '''velia''' en la matina. </div> En ajunta a opera como la ojeto de un otra verbo, un verbo pote apare pos un [[Preposada|preposada]]. Esta verbo pote aseta ancora '''no''' ante se, e averbos e un ojeto pos lo: <div class="caxa"> * Me viaja '''per vide''' la mundo. * El ia mori '''pos nomi''' sua seguor. * El ia abri la noza '''par colpa''' lo forte con un martel. * On no pote pasea tra la mundo '''sin lasa''' impresas de pede. </div> Un nom verbal ave ance la mesma forma como la verbo, ma lo debe es presededa par '''la''' o un otra determinante, o debe es plural. La nom sinifia o un aveni de la ata de la verbo o sua resulta direta: <div class="caxa"> * '''Sua condui''' ia es vera xocante. * La valsa e la samba es '''dansas'''. * Esta va es '''un ajunta''' bela a la ragu. * Me ia prepara '''du traduis''' de la testo. * "Lfn" es '''un corti''' de "Lingua Franca Nova". * La universo ia es estrema peti a la momento de '''sua crea'''. </div> Con un verbo como '''ajunta''', la difere entre '''un ajunta''' e '''un ajuntada''' es minimal. Ma '''la traduida''' es la testo orijinal de cual on jenera '''la tradui''', e '''un crea''' es un ata cual produi '''la creada'''. Esta segue de la sinifias de la ojetos de la verbos mesma: '''-da''' refere sempre a la ojeto. Con '''crea''', la ojeto es ance la resulta de la ata; ma con '''tradui''', la ojeto e la resulta es du cosas diferente. Con un pico de verbos, per esemplo '''dansa''', do la ojeto e la ata es la mesma cosa, on parla de '''un dansa''', no '''un dansada'''. Un infinitiva usada como la sujeto de un frase pote es fasil confusada con un comanda. On pote evita esta confusa par cambia la verbo a un nom verbal par ajunta '''la''' o otra determinante ante la verbo, o par usa la plural: <div class="caxa"> * '''La nada''' es un bon eserse. * '''La scrive de un bon libro''' es multe difisil. * '''Eras''' es umana, '''pardonas''' es divin. </div> = Preposadas = Un '''preposada''' introdui un [[Nomes#sintagmas de nom|sintagma de nom]], e formi un '''sintagma de preposada'''. Tipal, un sintagma de preposada descrive un nom, pronom, ajetivo, o averbo presedente – o lo pote descrive un frase intera. La preposada indica como la sintagma de nom relata a la strutur cual conteni lo: lo mostra la ''rol'' cual lo ave en la descrive. Elefen ave 22 preposadas: <div class="caxa"> {| |'''[[#A|a]]''' · '''[[#Ante|ante]]''' · '''[[#Asta|asta]]''' · '''[[#Ca|ca]]''' · '''[[#Como|como]]''' · '''[[#Con|con]]''' · '''[[#Contra|contra]]''' · '''[[#De|de]]''' · '''[[#En|en]]''' · '''[[#Entre|entre]]''' · '''[[#Estra|estra]]''' · '''[[#Longo|longo]]''' · '''[[#Par|par]]''' · '''[[#Per|per]]''' · '''[[#Pos|pos]]''' · '''[[#Sin|sin]]''' · '''[[#Sirca|sirca]]''' · '''[[#Su|su]]''' · '''[[#Supra|supra]]''' · '''[[#Sur|sur]]''' · '''[[#Tra|tra]]''' · '''[[#Ultra|ultra]]''' |} </div> == A == '''A''' introdui un loca o tempo cual on regarda como un punto simple, o como un spasio o periodo jeneral, iniorante sua strutur interna: <div class="caxa"> * Nos senta '''a''' la table. * Me va encontra tu '''a''' la crus de vias. * La scala apoia '''a''' la mur. * Tua casa es '''a''' lado de mea casa. * El reposa '''a''' casa. * Sudan es '''a''' sude de Misre. * La barco es '''a''' mar. * El ia fini la labora '''a''' la comensa de la anio. * '''A''' medianote, on va vide focos de arte. * Me debe parti '''a''' la ora des-ses. </div> On usa lo ance per introdui un punto de refere en un relata: <div class="caxa"> * Tu sta tro prosima '''a''' la borda. * La forma de Italia es simil '''a''' un gama. * Esta pen parteni '''a''' me. * Cual aveni si on no conforma '''a''' la regulas? * '''A''' la min tredes persones espeta. </div> Lo espresa ance la move en dirije a un punto. Esta inclui moves metafor, como envias a resetores e cambias a states nova: <div class="caxa"> * Me viaja '''a''' New York. * Pone tua libros '''a''' via. * El leva sua oios '''a''' la sielo. * El ia dona un oso '''a''' la can. * La sorsor ia cambia se '''a''' un capra. * La seja ia cade '''a''' pesos. * La xico ia ajunta sua nom '''a''' la lista. * Dise '''a''' me tua nom. * Me no va responde '''a''' acel demanda. * Nos desira '''a''' tu un bon aniversario. * Tua idea pare asurda '''a''' me. * Me pasea longo la strada, de un fini '''a''' la otra. * Tu irita me de tempo '''a''' tempo. * La note progresa '''a''' la lus prima. * De lundi '''a''' jovedi es cuatro dias. </div> En fato, cualce preposada cual indica un loca pote indica ance un move a esta loca. Per esemplo, '''en''' en '''me pone mea libros en mea saco''' indica evidente un move a la loca '''en me saco'''. Si on desira es plu clar en esta casos, on pote pone '''a''' ante la preposada: <div class="caxa"> * Core '''a''' la casa. * Core '''en''' la casa. * Core '''a en''' la casa. * La gato salta '''sur''' la table. * La gato salta '''a sur''' la table. </div> Un usa spesial de '''a''' es ante un otra preposada, per crea un [[Averbos|averbo]]. Si la preposada refere a un ''loca'', la combina sujesta un move en la dirije indicada. '''A ante''' e '''a pos''' es ance usada per refere a ''tempos'' plu temprana o plu tarda: <div class="caxa"> * La can core '''a ante'''. * Tu pote pone tua saco '''a supra'''. * La sumerjor ia vade '''a su'''. * Vide '''a su'''. * Me ia visita esta vila '''a ante'''. * Nos pote reveni '''a pos'''. </div> Un otra usa spesial de '''a''' es per ajunta un completinte a la ojeto de un frase. (En alga casos, otra preposadas pote opera en la mesma modo.) <div class="caxa"> *El ia pinti sua casa '''a''' blanca. *Me va servi la gambas '''a'''/'''en''' fria. *Los ia eleje Maria '''a'''/'''per''' presidente. </div> La completinte pote es un infinitiva. On pote usa '''per''' en loca de "a", ma alora la sinifia es ce la ''sujeto'' de la verbo xef intende fa la ata de la infinitiva. '''A''' indica ce la sujeto intende ce la ''ojeto'' fa lo: <div class="caxa"> *El comanda la soldatos '''a''' ataca la fortres. *Me va instrui vos '''a''' parla la lingua. </div> == Ante == En spasio, '''ante''' indica un loca a la lado plu importante de un cosa spesifada. Cual lado es plu importante depende de la cosa e sua situa. Multe cosas ave un lado evidente fronte con cual los fasa la mundo; en otra casos, '''ante''' sinifia simple "a la lado plu prosima de". Sua antonim es '''[[#Pos|pos]]''': <div class="caxa"> * Mea peto es '''ante''' mea dorso. * La jornales es '''ante''' la libros. * Lo es tan oscur ce me no pote vide mea mano '''ante''' mea oios. * Un can reposa '''ante''' la boteca. * Nos ave multe labora '''ante''' nos. </div> En tempo, '''ante''' indica un punto cual presede un tempo spesifada: <div class="caxa"> * Janero veni '''ante''' febrero. * Los intende fini la labora '''ante''' la reposa de sol. * Verje a sinistra '''ante''' la fini de la strada. * Nos esperia la lampo '''ante''' la tona. </div> '''Ante''' pote indica ance un move en dirije a la lado plu importante de un cosa (= '''a ante'''): <div class="caxa"> * On ia pone un monton de libros '''ante''' me. * Me veni '''ante''' tu per demanda per tua pardona. </div> '''Ante cuando''' es un [[Juntas|junta]] cual sinifia "ante la tempo cuando": <div class="caxa"> * Nos vide la lampo '''ante cuando''' nos oia la tona. </div> La antonim de '''ante''' es [[#Pos|'''pos''']]. == Asta == '''Asta''' indica un move cual fini a un loca o ojeta spesifada: <div class="caxa"> * El ia acompania me '''asta''' mea auto. * La tera es covreda con neva '''asta''' la montania. * Me es empapada '''asta''' mea pel. * La preso ia cade '''asta''' sola un euro. * El ia visita cada pais de Andora '''asta''' Zambia. * Studia pajes dudes-sinco '''asta''' cuatrodes-du. </div> Esta gida a un sinifia tempal, en cual '''asta''' indica la tempo a cual un ata fini: <div class="caxa"> * El labora '''asta''' medianote. * Espeta '''asta''' la estate. * '''Asta''' doman! </div> == Ca == '''Ca''' indica un punto de refere per un compara de nonegalia: <div class="caxa"> * Mea can es plu intelijente '''ca''' me. * Acel es multe min interesante '''ca''' esta. * La sielo e tera ave cosas plu '''ca''' tu imajina en tua filosofia. </div> == Como == '''Como''' indica la punto de refere per un compara de egalia: <div class="caxa"> * El rie '''como''' un iena. * Tua cor es dur '''como''' petra. * Iogurte es '''como''' crema. * Tu ia veni a la mesma conclui '''como''' me. * Me pote salta tan alta '''como''' tu. * Condui '''como''' un adulte. </div> == Con == '''Con''' introdui un person, cosa, o state cual acompania. La antonim es [[#Sin|'''sin''']]: <div class="caxa"> * Me vide la xica '''con''' sua padre. * Los vole come '''con''' nos. * Nos bevi cafe '''con''' lete. * On ia misca la zucar '''con''' sal. * Los batalia '''con''' la elementos. * No multe parolas comensa '''con''' X. * El ia dona a me un libro '''con''' multe fotos. * Elena es un xica '''con''' capeles roja. * La om vea senta '''con''' un pipa en sua boca. * Sua sposa regarda el '''con''' stona. * Compara esta '''con''' la clima de ier. * Tota cambia '''con''' la pasa de tempo. * A cada dia, me leva '''con''' la sol. * E '''con''' acel parolas, el ia desapare. </div> '''Con''' pote ance sinifia "par la usa de", ante un cosa cual on usa como un util: <div class="caxa"> * Me scrive '''con''' un pen. * Nos oia '''con''' nosa oreas. * La cavalo colpa '''con''' sua pede. * El ia compra un casa '''con''' la mone cual el ia erita. </div> Cuando un ata aveni par la usa de alga cosa plu astrata o min simil a un util, on prefere '''par'''. '''An con''' introdui un cosa cual fali impedi un ata, contra la espeta: <div class="caxa"> * Nos va fali '''an con''' tu aida. </div> == Contra == '''Contra''' introdui un cosa cual fasa o move en la dirije oposante, en realia o en un modo metafor: <div class="caxa"> * Clui tua oios '''contra''' la lus. * Esta camera es secur '''contra''' acua. * La elinicas antica ia batalia '''contra''' Parsa. * La scala es '''contra''' la sepe. * El lisca e cade '''contra''' la mur. * Nada '''contra''' la flue es difisil. * Me es '''contra''' la gera. * Tu ia ata '''contra''' mea desiras. </div> == De == '''De''' presenta un cosa o loca como un orijina: <div class="caxa"> * Me es '''de''' New York. * Me viaja '''de''' Paris a London. * La paperes ia cade '''de''' la fenetra. * Me ia reseta un letera '''de''' la re. * La furor asconde sua fas '''de''' la cameras. * La acua difere '''de''' la asida par sua cimica. * La resulta depende '''de''' la metodo usada. * Nos labora ja '''de''' la lus prima. * Multe anios ia pasa '''de''' la gera. * La table es fada '''de''' lenio. * Tu gusta carne '''de''' oveta? </div> Par un estende metafor, '''de''' introdui un posesor – un person o cosa a cual alga cosa parteni: <div class="caxa"> * Acel es la auto '''de''' mea frate. * Me gusta escuta la canta '''de''' la avias. * El ia es impresada par la cuietia '''de''' la foresta. * Dona un peso '''de''' torta a me, per favore. </div> Plu astrata, '''de''' indica frecuente un relata jeneral entre du cosas, o entre un cualia o ata e un cosa: <div class="caxa"> * Me ave tre caxas '''de''' libros per vende. * El ia presta a me un tela '''de''' un color fea. * La tore ave cuatro metres '''de''' altia. * Esta balde es plen '''de''' pexes. * Nos vole es libre '''de''' vos. * La ora ia veni per parla '''de''' multe cosas. </div> Nomes composada en alga otra linguas es comun espresada par du nomes juntada par '''de''' en elefen: <div class="caxa"> * Mea oculo '''de''' sol es rompeda. * La gavota es un avia '''de''' mar. * Esta va es tua sala '''de''' dormi. * Tu ia oblida aplica la freno '''de''' mano. * Per sua come '''de''' matina, el bevi sola cafe. * El es la campion '''de''' mundo '''de''' tenis '''de''' table. </div> '''De''' es la parte du en alga espresas fisada cual opera como preposadas complicada: <div class="caxa"> * Los ia ajunta tota ingredientes '''con eseta de''' la sal. * Los ia usa zucar '''en loca de''' sal. * Me es tarda '''par causa de''' un conjesta de trafica. * La campaneria es '''a destra de''' la catedral. </div> On pote pone '''de''' ante un otra preposada per indica un move cual parti de un loca: <div class="caxa"> * La gato salta '''de sur''' la seja. * Un arania rampe '''de pos''' la orolojo. * La pasaros asende '''de entre''' la arbores. </div> Como [[#A|'''a''']], '''de''' pote cambia un preposada a un [[Averbos|averbo]]. La averbo sinifia "de la loca o tempo en la dirije indicada a via de la cosa sujestada par la situa": <div class="caxa"> * La monstro ia veni '''de su'''. * La gidor ia cria '''de ante''', ma me no ia pote oia. </div> '''De cuando''' es un [[Juntas|junta]] cual sinifia "de la tempo cuando": <div class="caxa"> * '''De cuando''' me ia es un enfante, me desira sta sur la luna. </div> == En == '''En''' indica un loca en spasio o tempo cual es intera o partal contenida par un otra cosa. Sua antonim es [[#Estra|'''estra''']]: <div class="caxa"> * Mea cor es '''en''' mea peto. * La sol es '''en''' la sielo. * Nos espeta '''en''' la auto. * La plantas es '''en''' vasos. * Sua ditos es fisada '''en''' la manico de un tas. * Me ave alga pensas '''en''' mea mente. * Gatos no gusta es '''en''' acua. * Nos no vide la stelas '''en''' la dia. * Beethoven ia nase '''en''' 1770. * Nos ia visita la museo '''en''' febrero. * El ia scrive la libro '''en''' tre semanas. </div> Metafor, la loca pote es un state, un ativia, o un modo: <div class="caxa"> * Me no vole viaja '''en''' esta clima. * La construida es '''en''' foco. * Nos es '''en''' peril. * Esce nos es '''en''' acorda? * '''En''' ajunta, me vide un problem nova. * '''En''' fato, me vide du problemes. * Nos ia pasa un ora '''en''' conversa. * La enfantes senta '''en''' un sirculo. * Me va repete esta '''en''' elinica. * La presos es '''en''' euros. </div> '''En''' pote indica ance un move a la interna de un cosa (= '''a en'''): <div class="caxa"> * El ia cade '''en''' la rio. * Pone la dejeto '''en''' la baldon. * Un bon idea ia veni '''en''' sua testa. * Me ia tradui la article '''en''' franses. * Nos pasa '''en''' un eda nova. </div> '''En cuando''' sinifia "a un punto en la tempo cuando": <div class="caxa"> * Lo ia comensa pluve forte '''en cuando''' la reportor ia parla. </div> == Entre == '''Entre''' sinifia ce un loca o tempo es ensircada par du o plu otras: <div class="caxa"> * Mea testa es '''entre''' mea oreas. * La table es '''entre''' la seja e la mur. * Txesco es '''entre''' Deutxland, Osteraic, Slovenia, e Polsca. * El viaja '''entre''' Paris e Madrid a cada semana. * Tu es '''entre''' amis asi. * La bal ia cade '''entre''' la flores. * Cual es la difere '''entre''' un mur e un sepe? * Elefen promove comunica '''entre''' poplas. * On va ave un interval de des minutos '''entre''' la du atas. * El ia nase '''entre''' la geras. * Me velia usual '''entre''' sete e oto. * On debe paia '''entre''' des e dudes euros. </div> == Estra == '''Estra''' indica un loca cual ''no'' es contenida par alga otra cosa. Sua antonim es [[#En|'''en''']]: <div class="caxa"> * Mea sapato es '''estra''' mea calseta. * El abita '''estra''' la site. * On no ave aira '''estra''' la barcon. * Tu es aora '''estra''' peril. * No telefoni '''estra''' la oras de labora. </div> '''Estra''' pote indica ance un move a un tal loca (= '''a estra'''): <div class="caxa"> * La enfantes core '''estra''' la casa. </div> Como un metafor, '''estra''' pote sinifia "esetante", "con eseta de": <div class="caxa"> * El recorda no cosa '''estra''' sua nom. </div> == Longo == '''Longo''' indica la via cual alga cosa segue cuando lo move: <div class="caxa"> * Me pasea '''longo''' la strada. * La balsa ia flota '''longo''' la rio. * La xico lisca '''longo''' la ramo. * Un arania rampe '''longo''' mea gama. </div> Par estende, lo pote ance sinifia "seguente la opina de" cuando on refere a lo cual algun ia dise o scrive: <div class="caxa"> * Longo la predise, oji va es an plu calda. * La viaja tra tempo es posible, longo esta fisiciste. </div> == Par == '''Par''' indica la ator de un verbo pasiva, o la faor de un obra: <div class="caxa"> * El ia es colpada '''par''' un bal de neva. * Me es surprendeda '''par''' tua reata. * Suiz es ensircada '''par''' otra paises. * ''Hamlet'' es un teatral '''par''' Shakespeare. </div> Par estende, lo indica ance un ata o metodo per fa un cosa: <div class="caxa"> * Me ia viaja asi '''par''' tren. * Roberto es mea fio '''par''' sposi. * La botelas es codigida '''par''' color. * Nos ia descovre tua secretas '''par''' nos spiores. * La prisonida ia evade '''par''' desembla se como un porte. * Me va destrui la sepe '''par''' sola un colpa de pede. * On no pote solve esta problem '''par''' negosia. </div> Cuando on converti un [[Verbos#Transitivia|verbo transitiva]] a un nom, e la sujeto e ojeto de la verbo es de spesie simil (per esemplo, ambos es persones), on usa '''par''' per indica la sujeto e '''de''' o '''a''' per indica la ojeto: <div class="caxa"> * La ama '''par''' la madre. – La madre ama. * La ama '''de'''/'''a''' la madre. – On ama la madre. * La ataca '''de''' la troianes '''par''' la elinicas. – La elinicas ataca la troianes. </div> == Per == '''Per''' introdui un gol o resetor intendeda: <div class="caxa"> * Nos labora '''per''' mone. * Tases es usada '''per''' bevi. * Me viaja '''per''' vide la mundo. * Tu es vestida '''per''' un sera de dansa. * Me va vade a la botecas '''per''' tu. * El ia scrive la libro '''per''' sua madre. * La viaja va es perilosa '''per''' tu. * Me batalia '''per''' mea vive. * '''Per''' esta razona, me no pote parla longa. * '''Per''' esemplo, considera la balena. </div> Par estende, lo indica ance un cosa cual on intercambia per un otra: <div class="caxa"> * Tu ia paia tro '''per''' acel computador. * Me ia compra lo '''per''' mil euros. * Grasias '''per''' tua carta postal. </div> Lo pote indica un periodo de tempo intendeda: <div class="caxa"> * Nos vade a Colorado '''per''' un semana. * Me no va retarda tu '''per''' plu ca un minuto. </div> Como un caso spesial, '''per''' pote introdui un cosa cual on favore, o cual on representa en parla: <div class="caxa"> * Me ia vota '''per''' la proposa, ma tu ia vota contra lo. * Car tu no ia es ala, me ia parla '''per''' tu. </div> == Pos == En spasio, '''pos''' indica un loca a la lado min importante de un ojeto spesifada. Sua antonim es [[#Ante|'''ante''']]: <div class="caxa"> * Mea dorso es '''pos''' mea peto. * La aparatos es '''pos''' un porte securida. * La xicos turbosa ia asconde '''pos''' la cabana. </div> En tempo, '''pos''' indica un punto cual segue un tempo spesifada: <div class="caxa"> * Desembre veni '''pos''' novembre. * Los va comensa bevi '''pos''' la reposa de sol. * Verje a destra '''pos''' la eglesa. * Me va reveni '''pos''' tre dias. </div> '''Pos''' pote indica ance un move a un punto a la lado min importante (= '''a pos'''): <div class="caxa"> * La serpente ia desapare '''pos''' la arbor. </div> '''Pos cuando''' es un [[Juntas|junta]] cual sinifia "pos la tempo cuando": <div class="caxa"> * Nos oia la tona '''pos cuando''' nos vide la lampo. </div> == Sin == '''Sin''' indica un cosa cual es asente: <div class="caxa"> * Tua sposa gusta sua cafe '''sin''' lete. * Me ia pasea tra la pluve '''sin''' parapluve. * On ave no fuma '''sin''' foco. * Me va decora la casa intera '''sin''' aida. * Tu es tota '''sin''' compatia. * El ia adormi '''sin''' intende. * La rexercor ia sorti '''sin''' descovre la responde. * La depinta ia cade '''sin''' causa evidente. </div> == Sirca == '''Sirca''' introdui un cosa cual es ensircada o encluida par alga otra cosa: <div class="caxa"> * La campores fa cantas '''sirca''' la foco. * Mea mano es cluida '''sirca''' mea diton. * Edera crese '''sirca''' la tronco. * On ave pinta verde '''sirca''' la fenetras. </div> Lo pote indica ance un move longo un via ensircante: <div class="caxa"> * La luna vade '''sirca''' la tera, e la tera vade '''sirca''' la sol. * Nos intende viaja '''sirca''' la mundo par cavalo. * El vaga '''sirca''' la jardin e ole la flores. </div> En espresas de tempo o cuantia, '''sirca''' indica ce la valua no es esata, e ce la valua vera es a alga punto en la estende ensircante: <div class="caxa"> * Me ave '''sirca''' sincodes anios. * Me pote pensa a '''sirca''' sento razonas per no revela mea eda. * La conserta ia comensa '''sirca''' dui pos dudes. * '''Sirca''' la lus prima, me ia oia tua can abaiante. </div> == Su == '''Su''' indica un loca cual es plu basa ca un otra, fisical o metafor: <div class="caxa"> * La neva craci '''su''' mea pedes. * La solo es '''su''' la sofito. * Antilopes ia reposa '''su''' la arbores. * On ave un table de sanduixes '''su''' la fenetra. * Tu pare '''su''' la influe de la vino. * Me no pote labora '''su''' tua regulas. </div> Par estende, '''su''' pote indica ance cualce loca cual es fisical covreda par alga cosa, o vera plu basa o no: <div class="caxa"> * La color vera de la sofito es apena vidable '''su''' esta pinta fea. * Me ave un paceta '''su''' mea braso. * El ia porta un sueter '''su''' sua jaca. </div> '''Su''' pote indica ance un move a un tal loca (= '''a su'''): <div class="caxa"> * La acua ia vade '''su''' la mobilas. </div> == Supra == '''Supra''' indica un loca cual es plu alta ca un otra, fisical o metafor: <div class="caxa"> * La nubes es '''supra''' mea testa. * La teto es '''supra''' la sofito. * El ia apoia '''supra''' la table per ateni la sal. * Un tempesta enorme developa '''supra''' la mar. </div> '''Supra''' implica un spasio entre la du cosas. Si no spasio esiste, on usa [[#Sur|'''sur''']] en loca. Par estende, '''supra''' pote indica ance cualce cosa cual covre fisical alga otra cosa, o vera plu alta o no: <div class="caxa"> * La montania lansa un ombra '''supra''' nosa casa. * El ia porta un covretota '''supra''' sua otra vestes. </div> '''Supra''' pote indica ance un move a un loca plu alta (= '''a supra'''): <div class="caxa"> * La sol leva '''supra''' la tera. </div> == Sur == '''Sur''' indica un loca a la surfas de un cosa, o tenida ala par gravita, o fisada a lo par un otra modo: <div class="caxa"> * Mea xapo es '''sur''' mea testa. * No senta '''sur''' la seja rompeda. * Si on sta '''sur''' la balcon, on vide la mar. * La asfalto '''sur''' la strada fonde en la caldia. * Esce la vive esiste '''sur''' Marte? * Me va pende esta depinta '''sur''' la mur. * La om ia besa la fem '''sur''' sua jena. </div> '''Sur''' pote indica ance un move a un tal loca (= '''a sur'''): <div class="caxa"> * Pone tua cartas '''sur''' la table. * Un roca cual cade '''sur''' la tera es nomida un meteorite. * El ia pone un dital '''sur''' sua dito. </div> Como un metafor, '''sur''' sinifia "consernante", "a la tema de": <div class="caxa"> * La teatral es '''sur''' la gera. * Me ia leje multe libros '''sur''' la tema. * La xica plora '''sur''' sua popa perdeda. </div> == Tra == '''Tra''' indica un loca en cual un move aveni, pasante de un lado a la otra: <div class="caxa"> * Acua flue '''tra''' la tubos. * La enfantes ia core '''tra''' la vileta. * La pluve ia trova un via '''tra''' mea saco. * La tren vade de Milano a Roma '''tra''' Bologna. * Un rueta gida '''tra''' la campos a la lago. * Me regarda la stelas '''tra''' la fenetra abrida. * Los ia resta juntada '''tra''' la anios. * El ia senta en un sejon '''tra''' la note. * On ia oia la esplode '''tra''' la site. </div> == Ultra == '''Ultra''' indica un loca a la otra lado de alga cosa: <div class="caxa"> * La scola es '''ultra''' la eglesa. * '''Ultra''' la ponte es un vista merveliosa. * Esta taxe es '''ultra''' mea capasia. </div> Lo pote indica ance un move a un tal loca (= '''a ultra'''): <div class="caxa"> * La esplorores ia viaja '''ultra''' la montanias. * Los ia remi un barceta '''ultra''' la lago. </div> = Juntas = Un '''junta''' es un parola cual lia du cosas la un a la otra. On ave du spesies: [[#Conjuntas|conjuntas]] e [[#Sujuntas|sujuntas]]. == Conjuntas == Un '''conjunta''' lia du composantes de la mesma spesie, per produi un composante plu grande de acel spesie. Per esemplo, du [[Nomes#sintagmas nomin|sintagmas nomin]] juntada par '''e''' produi un sintagma nomin plu grande. Elefen ave cuatro conjuntas: <div class="caxa"> *'''e''' ''(ambos composantes es egal pertinente)'' *'''o''' ''(un de la composantes pertine; posible ambos pertine)'' *'''no''' ''(la composante prima pertine; la composante du no pertine)'' *'''ma''' ''(ambos composantes pertine, ma los contrasta la un con la otra)'' </div> Esemplos: <div class="caxa"> * La om '''e''' la fem vade a la casa. * Tu es multe vea '''e''' saja. ''(probable multe saja, car si no, la frase ta es '''tu es saja e multe vea''')'' * El ia labora ante '''e''' pos sua vacanse. * Sua aniversario es en marto '''o''' april. * Tu desira cafe '''o''' te? * On pote visita la museo a lundi '''o''' jovedi. ''(= o ambos)'' * On ia eleje tu, '''no''' me. * Me ia conta no sola la oveas '''ma''' ance la capras. </div> Con listas de plu ca du cosas, un virgula sustitui per la conjunta, ma no entre la du cosas final. Frecuente en tal listas, on inclui ance un virgula ante la conjunta: <div class="caxa"> * Nos va viaja tra Italia''',''' Suiz''',''' Osteraic''',''' '''e''' Deutxland. </div> Per asentua, on pote dupli '''e''', '''o''', e '''no''', e pone ance un de los ante la composante prima. Un '''o''' duple elimina la posablia ce ambos composantes es pertinente: <div class="caxa"> *'''e... e''' *'''o... o''' *'''no... no''' </div> Esemplos: <div class="caxa"> * '''E''' Luis '''e''' Maria vade a scola. * '''O''' tu '''o''' me gania, ma no ambos. * Me ave '''no''' la tempo '''no''' la desira per leje plu. </div> '''E''', '''o''', e '''ma''' pote ance lia du proposas o frases: <div class="caxa"> * Me ia vade a la biblioteca, '''e''' tu ia visita la museo. * '''O''' nos solve esta problem, '''o''' la mundo va fini. * '''Ma''' acel es difisil. </div> La averbos '''donce''' e '''alora''' es ance usada en esta modo, como cortis de '''e donce''' e '''e alora''': <div class="caxa"> * Me pensa, '''donce''' me esiste. * Nos no ave un mapa, '''donce''' nos es perdeda. * Me fini mea come, '''alora''' me lava la platos. </div> == Sujuntas == Un '''sujunta''' lia un suproposa a la proposa major, per indica la rol de acel suproposa en la frase. On ave tre spesies: la [[#Pronomes-sujuntas|pronomes-sujuntas]], la [[#Averbos-sujuntas|averbos-sujuntas]], e la [[#Sujuntas spesial|sujuntas spesial]]. == Pronomes-sujuntas == La pronomes de demanda '''cual''' e '''ci''' pote funsiona ance como sujuntas per introdui [[Proposas#Suproposas ajetivin|suproposas ajetivin]]: <div class="caxa"> *La om '''ci''' ia abita asi ia vade a New York. *La poma '''cual''' ia cade de mea saco es aora noncomable. *La fem '''de ci''' nos parla labora a mea ofisia. *Tua libro, '''en cual''' me ia scrive sua nom, es sur la table. </div> Los refere normal a un nom presedente. A veses, on omete acel nom. Alora, on pote ajunta un pronom per clari la intende: <div class="caxa"> * Esta es lo '''cual''' parteni a tu. * La auto blu es lo en '''cual''' nos vole viaja. * Acel es el '''ci''' me ia vide. * Tu es el a '''ci''' me ia parla ier. * '''Ci''' osa, gania. </div> La usa de '''cual''' e '''ci''' en [[Demandas#Demandas reportada|demandas reportada]] es multe simil. == Averbos-sujuntas == La averbos de demanda – '''do''', '''cuando''', '''cuanto''', '''como''', e '''perce''' – pote funsiona como sujuntas per introdui [[Proposas#Suproposas averbin|suproposas averbin]]: <div class="caxa"> * Nos parla '''como''' nos pensa. * Me dormi '''cuando''' me pote. * Me va esplica '''cuanto''' me comprende. * Nos abita '''do''' la du rios encontra. * Me ia fini la taxe '''en cuando''' tu ia parla a me. * Nos va core '''a do''' la vias encontra. </div> On pote usa los ance pos un nom, como sujuntas cual introdui [[Proposas#Suproposas ajetivin|suproposas ajetivin]]: <div class="caxa"> * Me labora en Paris, '''do''' me abita. * El va visita en Julio, '''cuando''' la clima es bon. * Acel es la razona '''perce''' Juan ia parti. </div> E on usa los ance en [[Demandas#Demandas reportada|demandas reportada]] (un spesie de [[Proposas#Suproposas nomin|suproposa nomin]]). == Sujuntas spesial == La sujuntas spesial '''ce''' e '''esce''' introdui [[Proposas#Suproposas nomin|suproposas nomin]]. '''Ce''' introdui un informa reportada, e '''esce''' introdui un demanda reportada sur la veria de un informa: <div class="caxa"> * Me pensa '''ce''' tu nesesa un vacanse. * Me no sabe '''esce''' el va veni. </div> On pote usa los pos alga nomes, ajetivos, e preposadas per completi la sinifia: <div class="caxa"> * La idea '''ce''' la Sol orbita la Tera es un era. * Nos es surprendeda '''ce''' vos no ia cexa. * Me es felis '''ce''' tu ia susede. * Los no ia es serta '''esce''' la tren ia parti ja. * La gato ia entra la sala sin '''ce''' algun vide el. </div> On pote ance usa '''ce''' per introdui alga suproposas cual espresa un resulta: <div class="caxa"> *El ia es tan fatigada '''ce''' el no ia pote pensa. *El ia es tan fame '''ce''' el ia pote oia la ronca de sua stomaco. </div> La sujuntas spesial '''afin''', '''car''', '''si''', e '''ca''' introdui [[Proposas#Suproposas averbin|suproposas averbin]]: <div class="caxa"> * Me va veni '''si''' tu clama. * Me labora '''afin''' mea enfantes pote come. * Lo es calda '''car''' la sol brilia. * Esta es plu labora '''ca''' me ia espeta. </div> = Demandas = On ave tre spesies de '''demanda''': los a cual on pote responde simple con "si" o "no"; los cual presenta un lista de elejes posible; e los cual xerca un informa spesifada. Plu, demandas pote es '''direta''' ("Do nos vade?") o '''reportada''' ("Me ia demanda a tu do nos vade", "Me no sabe ci me es"). Demandas direta fini con un sinia de demanda ('''?'''). ==Demandas de "si" o "no"== On pote cambia un frase a un demanda de "si" o "no" par ajunta '''esce''' a la comensa de la frase: <div class="caxa"> *'''Esce''' tu parla deutx? *'''Esce''' tu ia come la salada? </div> On ave ance du otra metodos. En parla, en demandas cual proposa un posible e xerca mera un confirma de lo, on pote ajunta '''si?''' o '''no?''' a la fini de la frase. E en demandas multe simple, on pote fa no plu ca alti la melodia de sua vose a la fini de la frase: <div class="caxa"> *Tu ia come la salada, '''si'''? *Tu ia come la salada, '''no'''? *Tu ia come, '''si'''? *Nos es perdeda, '''no'''? *Vos comprende'''?''' </div> On responde a un tal demanda con la parola '''si''' o '''no'''. '''Si''' dise ce la posible espresada en la demanda es vera; '''no''' dise ce lo es falsa: <div class="caxa"> *Tu desira bir? **'''Si''', per favore. ''(me desira bir)'' **'''No''', grasias. ''(me no desira bir)'' </div> Si la demanda ave un forma negativa, '''si''' e '''no''' indica la mesma sinifias como si la demanda no ta es negativa. Ma esta pote es confusante. Donce, on pote responde plu clar con un frase completa: <div class="caxa"> *Tu no desira bir? **'''Si'''. – Yes. ''(me desira bir)'' **'''No'''. – No. ''(me no desira bir)'' **'''Si''', me desira bir. **'''No''', me no desira bir. </div> ==Demandas entre posibles== Estas demanda mera ce la escutor eleje un de alga posibles, comun espresada como un lista liada par la [[Juntas|junta]] '''o''': <div class="caxa"> * Tu desira te, cafe, '''o''' bir? ** Cafe, per favore. * Tu ia veni par auto, '''o''' par bisicle, '''o''' tu ia pasea? ** Par auto, probable. </div> ==Otra demandas== Otra demandas usa [[Determinantes#Determinantes de demanda|determinantes]], [[Pronomes#Pronomes de demanda|pronomes]], o [[Averbos#Averbos de demanda|averbos]] de demanda, per esemplo '''cual''', '''ci''', '''cuando''', '''cuanto''', '''como''', '''do''', e '''perce'''. La plu comun, la parola de demanda es moveda a la comensa de la frase, ma lo pote ance resta a la loca do sua responde ta apare: <div class="caxa"> * '''Cual''' libro tu leje? = Tu leje '''cual''' libro? * '''Ci''' es tua autor prefereda? = Tu autor prefereda es '''ci'''? * '''Cual''' es acel musica fea? = Acel musica fea es '''cual'''? * '''Cuando''' tu dormi? = Tu dormi '''cuando'''? * '''Cuanto''' tu ia paia? = Tu ia paia '''cuanto'''? * '''Como''' vos ia evade? = Vos ia evade '''como'''? * '''Do''' nos es? = '''Do''' es nos? = Nos es '''do'''? * '''Perce''' tu core? = Tu core '''perce'''? * '''Con cual''' tu come la salada? = Tu come la salada '''con cual'''? * '''Cual force''' tu usa per come la salada? = Tu usa '''cual force''' per come la salada? * '''Con cual force''' tu come la salada? = Tu come la salada '''con cual force'''? * '''Como rapida''' tu pote come la salada? = Tu pote come la salada '''como rapida'''? </div> ==Demandas reportada== Demandas reportada (ance nomida "demandas nondireta") es espresada como [[Proposas#Suproposas nomin|suproposas nomin]], cual conteni normal la mesma serie de parolas como la demanda direta ta ave, incluinte la mesma tempo de la verbo. En demandas reportada, la parola de demanda sta sempre a la comensa de la suproposa: <div class="caxa"> * Vos va demanda: "Ci tu ia vide?" &nbsp;&gt;&nbsp; Vos va demanda '''ci''' me ia vide. * Me no recorda: "A ci me ia parla?" &nbsp;&gt;&nbsp; Me no recorda a '''ci''' me ia parla. * Los no sabe: "Cual nos va fa?" &nbsp;&gt;&nbsp; Los no sabe '''cual cosa''' los va fa. * Me vide: "Do me va senta?" &nbsp;&gt;&nbsp; Me vide '''do''' me va senta. * Me no ia sabe: "Cuando nos va parti?" &nbsp;&gt;&nbsp; Me no ia sabe '''cuando''' nos va parti. </div> Demandas de "si" o "no" reportada usa sempre '''esce''': <div class="caxa"> * El no sabe: "Esce los ia parti?" &nbsp;&gt;&nbsp; El no sabe '''esce''' los ia parti. * El ia demanda: "Esce tu pote aida?" &nbsp;&gt;&nbsp; El ia demanda '''esce''' me pote aida. </div> En alga casos, la difere entre un demanda reportada e un suproposa ajetivin es multe sutil: <div class="caxa"> * (a) Me ia descovre '''cual cosa ia es en la caxa'''. (un demanda reportada) * (b) Me ia descovre lo '''cual ia es en la caxa'''. (un suproposa ajetivin) </div> En esemplo (a), me ia descovre la ''identia'' de la cosa en la caxa, an si me no ia vide o toca lo direta. En esemplo (b), me ia descovre ''lo'', la cosa fisical. = Proposas = Como un frase, un '''proposa''' conteni un sujeto e un verbo, ma lo es un parte de un frase completa. Cada frase conteni un '''proposa major'''. On pote altera esta en modos variosa con un o plu '''suproposas''' (proposas suordinada) . Si un suproposa altera un [[Nomes#sintagma nomin|sintagma nomin]], lo es nomida un [[#Suproposas ajetivin|suproposa ajetivin]]. Si lo altera un verbo o la proposa major completa, lo es nomida un [[#Suproposas averbin|suproposa averbin]]. E si lo ave la rol de un nom, lo es nomida un [[#Suproposas nomin|suproposa nomin]]. Plu, un frase pote conteni [[#Proposas coordinada|plu ca un proposa major]]. === Suproposas === ==== Suproposas ajetivin ==== Un '''suproposa ajetivin''' es un suproposa cual altera un nom. Suproposas ajetivin segue la nomes cual los altera, e los comensa normal con un de la [[Pronomes#Pronomes de demanda|pronomes de demanda]], '''ci''' e '''cual''', usada como un [[Juntas#Pronomes-sujuntas|sujunta]] (un "[[Pronomes#Pronomes-sujuntas|pronom-sujunta]]"): <div class="caxa"> *La om '''ci''' ia abita asi ia vade a New York. *La poma '''cual''' ia cade de mea saco es aora noncomable. </div> Per claria, un suproposa ajetivin pote es separada de la resta de la frase par virgulas, spesial si lo es longa o complicada: <div class="caxa"> *La poma, '''cual''' ia cade de mea saco en la fango a matina ier, es aora noncomable. </div> Alga proposas ajetivin no es esensal per la sinifia de la frase, ma ajunta mera un comenta en pasante. Tal suproposas es sempre separada par virgulas: <div class="caxa"> *La can, '''ci''' ave manxas negra, ia morde la polisior. *Mea padre, '''ci''' ia jubila, abita en Mexico. *Esta jus, '''cual''' Ana ia fa, ave un bon sabor. </div> '''Ci''' e '''cual''' pote opera como o la sujeto o la ojeto de la suproposa ajetivin. Ojetos segue normal la verbo, ma cuando un de esta pronomes es la ojeto, lo presede e la sujeto e la verbo de la suproposa ajetivin: <div class="caxa"> *La fem '''ci''' me ama veni de Frans. *La robot '''cual''' me ia construi no opera. *Nos ta vade a mea casa, '''cual''' es prosima. </div> Cuando un pronom-sujunta es la ojeto de un [[Preposada|preposada]], la preposada vade prima: <div class="caxa"> *La fem '''de ci''' nos parla labora a mea ofisia. *Tua libro, '''en cual''' me ia scrive sua nom, es sur la table. </div> Cuando '''de ci''' o '''de cual''' introdui un nom poseseda en la suproposa ajetivin, esta nom es normal introduida par '''sua''' per claria: <div class="caxa"> * Esta fem, '''de ci''' '''sua''' sposo labora en la banco, es un cocor eselente. * La fem, '''de ci''' tu conose '''sua''' sposo, labora a me ofisia. * La fem, '''de ci''' tu ia dona la letera a '''sua''' sposo, es encantante. * Mea auto, '''de cual''' '''sua''' motor es rompeda, es aora dejetada. </div> En alga linguas, un suproposa ajetivin pote refere a la intera de la proposa presedente. En elefen, si acel ta es ambigua, on pote dise '''e lo''', '''e esta''', o '''e acel''' (o un espresa simil) en loca: <div class="caxa"> * El pote salta a un metre alta, '''e esta''' ia surprende me. * Los studia la pragmatica, '''e acel es per dise''' la rol de contesto en la comprende de frases. </div> Un otra modo per comensa un suproposa ajetivin es con un [[Averbos#Averbos de demanda|averbo de demanda]], usada como un sujunta (un "[[Averbos#Averbo-sujuntas|averbo-sujunta]]"): <div class="caxa"> * Me labora en Paris, '''do''' me abita. * El va visita en Julio, '''cuando''' la clima es bon. * Acel es la razona '''perce''' Juan ia parti. </div> Tal suproposas ajetivin es frecuente simil a [[#Suproposas averbin|suproposas averbin]]: <div class="caxa"> *Me labora '''do''' me abita. *El va visita '''cuando''' la clima es bon. </div> ==== Suproposas averbin ==== Un '''suproposa averbin''' altera o la verbo de la proposa major o la proposa major mesma. Un suproposa averbin es introduida par un de la [[Juntas#Averbos-sujuntas|averbos-sujuntas]] ('''como''', '''cuando''', '''cuanto''', '''do''') o un de la [[Juntas#Sujuntas spesial|sujuntas spesial]] '''si''', '''car''', '''afin''', e '''ca''': <div class="caxa"> *Me no teme la can, '''car''' el es multe peti. *'''Si''' los redui tro rapida sua pesa, los va regania lo. * Me core '''afin''' la rinoseros no catura me. *El ia scrive '''cuando''' sua madre ia demanda. *El dise ce el es felis '''do''' el abita. *On no ia permete ce me fa la cosas '''como''' me ia desira. *Esta es plu labora '''ca''' me ia previde. </div> Suproposas averbin cual es introduida par la averbo-sujuntas ('''como''', '''cuando''', '''cuanto''', '''do''') pote es regardada como [[#Suproposas ajetivin|suproposas ajetivin]]. Per esemplo, on pote espresa la tre esemplos final a supra en la modo seguente: <div class="caxa"> *El ia scrive '''a la ora cuando''' sua madre ia demanda. *El dise ce el es felis '''a la loca do''' el abita. *On no ia permete ce me fa la cosas '''en la modo''' como me desira. </div> ==== Suproposas nomin ==== Un '''suproposa nomin''' ave la rol de un nom: lo pote es la sujeto o la ojeto de un verbo o preposada. Suproposas nomin pote es introduida par la [[Juntas#Sujuntas spesial|sujuntas spesial]] '''ce''' o '''esce''', par un de la [[Juntas#Pronomes-sujuntas|pronomes-sujuntas]] '''ci''' e '''cual''', par un de la [[Determinantes#Determinantes de demanda|determinantes de demanda]] '''cual''' e '''cuanto''', o par un de la [[Juntas#Averbos-sujuntas|averbos-sujuntas]]. Per proba esce un suproposa es vera un suproposa nomin, sustitui "el", "lo", o "los" per la suproposa. Si la resulta es un bon frase, la suproposa es un suproposa nomin. Suproposas nomin es comun ojetos de verbos de pensa, sensa, o emosia: <div class="caxa"> * Me vide '''do''' tu es. * '''Cuando''' me va parti, me no sabe. * Me sabe '''de do''' tu veni. * Me sabe '''ci''' ia dise acel. * Me ia oia '''cual''' tu ia dise. * Me pote divina '''cual''' libro el leje. </div> Multe suproposas nomin es introduida par la [[Juntas#Sujuntas spesial|sujuntas spesial]] '''ce''' o '''esce''': <div class="caxa"> * Me pensa '''ce''' el es bela. * Me pensa '''ce''' el pote salta a un metre alta. * Me pensa '''ce''' si. * Me duta '''esce''' el pote salta a un metre alta. </div> Suproposas nomin es comun usada per sita dises e per reporta pensas o demandas. En tota casos, la tempo de la verbo en la suproposa nomin resta la mesma como en la dise, pensa, o demanda orijinal: <div class="caxa"> *Me ia dise: "Me '''veni''' de London." &nbsp;&gt;&nbsp; Me ia dise ce me '''veni''' de London. *El pensa: "La tren '''ia es''' tarde." &nbsp;&gt;&nbsp; El pensa ce la tren '''ia es''' tarde. *El ia demanda: "Cuando nos '''va parti'''?" &nbsp;&gt;&nbsp; El ia demanda cuando nos '''va parti'''. *Me va vole sabe: "Do la selebra '''es'''?" &nbsp;&gt;&nbsp; Me va vole sabe do la selebra '''es'''. </div> Suproposas ajetivin o averbin es comun confusable con suproposas nomin. Per clari ce on intende un suproposa ajetivin o averbin, ajunta un nom o pronom ante '''cual''' o '''ci''': <div class="caxa"> * Me no comprende '''la ata''' cual tu intende. * Me ia oia '''lo''' cual tu ia dise. * Me no conose '''el''' ci tu ia indica. * Me vide '''la loca''' do tu es. * Me no sabe '''la ora''' cuando me va parti. </div> == Proposas coordinada == Du proposas major pote es liada par [[Juntas#Conjuntas|conjuntas]] per deveni sola un frase. On inclui frecuente un virgula ante la conjunta: <div class="caxa"> *Me ia desira la auto, '''ma''' me no ia ave la mone. *Me desira un bon carera '''e''' me vole ance trova un sposa bela. </div> Tal proposas pote sta como frases autonom, con o sin conjuntas: <div class="caxa"> *El ia vole canta '''e''' el ia vole dansa, '''ma''' el ia teme. *El ia vole canta. '''E''' el ia vole dansa. '''Ma''' el ia teme. *El ia vole canta. El ia vole dansa. El ia teme. </div> = Numeros = == Numeros cardinal == La numeros fundal es: <div class="caxa"> *'''zero''' – 0 *'''un''' – 1 *'''du''' – 2 *'''tre''' – 3 *'''cuatro''' – 4 *'''sinco''' – 5 *'''ses''' – 6 *'''sete''' – 7 *'''oto''' – 8 *'''nove''' – 9 *'''des''' – 10 *'''sento''' – 100 *'''mil''' – 1000 *'''milion''' – 1 000 000 </div> On scrive cada numero asta 999 como sola un parola cual pote conteni asta tre composantes, liada par ifenes. Cada composante representa un dijito, e es fada de un numero cardinal entre '''un''' e '''nove''', con '''des''' o '''sento''' ajuntada a la fini si la dijito representa un multiple de 10 o 100. Per un multiple solitar de 10 o 100, on dise simple '''des''' e '''sento''', sin usa '''un'''. On omete completa la composantes per multiples asente (como la "0" en "209"). <div class="caxa"> *'''des-un''' – 11 *'''des-du''' – 12 *'''des-nove''' – 19 *'''dudes''' – 20 *'''dudes-un''' – 21 *'''dudes-sinco''' – 25 *'''sento-un''' – 101 *'''sento-des-du''' – 112 *'''tresento-dudes-un''' – 321 *'''cuatrosento''' – 400 *'''novesento-sinco''' – 905 </div> On scrive '''mil''' e '''milion''' sempre como parolas individua cual separa cada grupo de tre dijitos: <div class="caxa"> *'''mil setesento-sesdes-tre''' – 1763 *'''du mil un''' – 2001 *'''tre mil des-cuatro''' – 3014 *'''cuatrodes-sinco mil sessento-setedes-oto''' – 45 678 *'''novesento-otodes-sete milion sessento-sincodes-cuatro mil tresento-dudes-un balones roja''' – 987 654 321 balones roja </div> Cuando on scrive numeros en dijitos en elefen, on pone un spasio entre cada grupo de tre dijitos, como mostrada a supra. On scrive la sinia desimal como o un punto o un virgula, seguente sua prefere, e simil on pronunsia lo como o '''punto''' o '''virgula'''. Dijitos pos la sinia desimal es simple listada: <div class="caxa"> * '''tre punto un cuatro un ses''' – 3.1416 * '''du virgula zero nove''' – 2,09 </div> On espresa numeros negativa con '''min''': <div class="caxa"> *'''min sinco grados''' – -5 grados </div> == Miles de miliones == La parola "bilion" pote sinifia o 1 000 000 000 o 1 000 000 000 000, dependente de la cultur. "Trilion", "cuadrilion", etc ave problemes simil. Per evita confusa, elefen prefere espresa tal numeros a modo plen: <div class="caxa"> * '''mil milion''' – 1 000 000 000 (un con nove zeros, 10⁹) *'''milion milion''' – 1 000 000 000 000 (10¹²) *'''mil milion milion''' – 1 000 000 000 000 000 (10¹⁵) </div> La parolas '''bilion''', '''trilion''', '''cuadrilion''', etc esiste en elefen, ma un parlor ci usa los debe serti ce el clari la sinifia intendeda. En scrives siensal, la eleje la plu clar es usa la prefisas internasional: <div class="caxa"> * '''deca-''' (da) – 10 * '''hecto-''' (h) – 100 * '''cilo-''' (k) – 10³ * '''mega-''' (M) – 10⁶ * '''giga-''' (G) – 10⁹ * '''tera-''' (T) – 10¹² * '''peta-''' (P) – 10¹⁵ * '''exa-''' (E) – 10¹⁸ * '''zeta-''' (Z) – 10²¹ * '''iota-''' (Y) – 10²⁴ </div> == Numeros ordinal == Cuando un numero ''presede'' un nom, lo es un numero cardinal, e lo indica un cuantia: <div class="caxa"> *'''tre''' omes e '''cuatro''' femes </div> Ma cuando un numero ''segue'' un nom, lo es un numero ordinal, e lo indica un loca en un segue: <div class="caxa"> *la '''om tre''' *la '''pato ses''' *la '''paje un''' </div> '''Prima''' es un alternativa comun per '''un''' ordinal, ma on no pote usa lo per ordinales plu alta cual fini acaso con la dijito "1": <div class="caxa"> *la '''paje prima''' *sala '''sento-un''' </div> On pote usa '''numero''' como un nom vacua per suporta un numero ordinal: <div class="caxa"> *El es '''numero tre'''. *A cual paje tu es? Me es a '''numero setedes'''. *'''Numero tre''', me vole grasia la furnores de come. </div> ==Fratos== Un usa de la sufisa '''-i''' es per formi parolas per numeros fratal: <div class="caxa"> *'''dui''' – ½ *'''tri''' – ⅓ *'''cuatri''' – ¼ *'''desi''' – 1/10 *'''des-dui''' – 1/12 *'''cuatrodesi''' – 1/40 *'''senti''' – 1/100 *'''tresento-sesdeso-sinci''' – 1/365 *'''mili''' – 1/1000 *'''dudes-mili''' – 1/20 000 </div> Fratos segue la regulas per [[Nomes|nomes]] comun: <div class="caxa"> *'''un tri''' de la tarte = 1/3 de la tarte *'''du tris''' de la tarte = 2/3 de la tarte *'''esta tri ardeda''' de la tarte = esta 1/3 ardeda de la tarte *'''un cuatri''' de un sentenio = 1/4 de un sentenio *'''tre tredes-duis''' de un diton = 3/32 de un diton </div> On ave ance alga otra metodos per indica fratos: <div class="caxa"> *'''tre e un dui''' oras = 3 1/2 oras *tre oras e '''un dui''' = 3 1/2 oras *'''sete e un dui''' milion anios = 7 500 000 anios *'''des persentos''' de la popla = 10% de la popla *'''des sentis''' de la popla = 10% de la popla *'''du punto sete sinco oto''' metres = 2.758 metres </div> Per scrive siensal, prefisas internasional es disponable: <div class="caxa"> *'''desi-''' (d) – 1/10 *'''senti-''' (c) – 1/100 *'''mili-'''(m) – 10^-3 *'''micro-''' (μ) – 10^-6 *'''nano-''' (n) – 10^-9 *'''pico-''' (p) – 10^-12 *'''femto-''' (f) – 10^-15 *'''ato-''' (a) – 10^-18 *'''zepto-''' (z) – 10^-21 *'''iocto''' (y) – 10^-24 </div> ==Multiples== La sufisa '''-uple''' formi parolas per multiples numeral: <div class="caxa"> *'''duple''' *'''truple''' *'''cuatruple''' </div> sintagmas con '''ves''' o '''veses''' espresa la frecuentia de avenis: <div class="caxa"> *'''a un ves''' *'''a du veses''' *'''a tre veses''' </div> '''Ves''' no espresa la [[#Aritmetica|multipli aritmetical]]. ==Aritmetica== On espresa ajuntas con '''plu''' o '''e''': <div class="caxa"> *Un '''plu''' un es du. – 1 + 1 = 2 *Du '''e''' du no es sinco. – 2 + 2 ≠ 5 </div> On espresa sutraes con '''min''': <div class="caxa"> *Ses '''min''' tre es tre. – 6 - 3 = 3 </div> On espresa multiplis con '''multiplida par''', comun simplida a sola '''par''': <div class="caxa"> *Du '''multiplida par''' tre es ses. – 2 × 3 = 6 *Ses '''par''' cuatro es dudes-cuatro. – 6 × 4 = 24 </div> On espresa divides con '''divideda entre''', comun simplida a sola '''entre''': <div class="caxa"> *Des '''divideda entre''' du es sinco. – 10 / 2 = 5 *Sinco '''entre''' du es du e un dui. – 5 / 2 = 2½ *Sinco '''entre''' du es du punto sinco. – 5 / 2 = 2.5 *Sinco '''entre''' du es du virgula sinco. – 5 /2 = 2,5 </div> On espresa potias con '''a potia''' e un numero ordinal. '''Cuadrida''' e '''cubida''' es alternativas per '''a potia du''' e '''a potia tre''': <div class="caxa"> *Tre '''a potia du''' es nove. – 3² = 9 *Tre '''cubida''' es dudes-sete. – 3³ = 27 *des '''a potia min nove''' – 10^-9 *des '''a potia sento''' – 10¹⁰⁰ </div> On espresa radises con '''a radis''' e un numero ordinal: <div class="caxa"> *256 '''a radis cuatro''' es 4. – ⁴√256 = 4 *La '''radis cuadral''' de 64 es 8. – √64 = 8 *La '''radis cubo''' de 27 es 3. – ³√27 = 3 </div> == Mesuras == On pote espresa mesuras fisical en modos variosa: <div class="caxa"> *'''Cuanto alta es''' la tore? *'''Cuanto de altia''' la tore ave? *La tore '''es cuanto alta'''? *La tore '''ave cuanto de altia'''? *La tore '''es 40 metres alta'''. *La tore '''ave 40 metres de altia'''. *La tore '''es un metre plu alta ca''' la casa. *La tore '''ave un metre plu de altia ca''' la casa. *La tore '''es du veses plu alta ca''' la casa. *La tore '''ave du de la altia de''' la casa. *La casa '''ave un dui de la altia de''' la tore. *La tore '''es duple plu alta ca''' la casa. *La tore '''ave duple la altia de''' la casa. </div> Un prinsipe fundal es ce on ''ave'' altia ma ''es'' alta. '''40 metres alta''' sinifia leteral ce la metres mesma es alta, ma par estende natural lo oteni la sinifia "con 40 metres de altia". La mesma posibles es usada con otra mesuras, como: <div class="caxa"> *'''larga''', '''largia''' *'''grande''', '''grandia''' *'''pesosa''', '''pesa''' *'''longa''', '''longia''' *'''longa''', '''tempo''' *'''vea''', '''eda''' *'''basa''', '''basia''' *'''profunda''', '''profundia''' *'''frecuente''', '''frecuentia''' *'''rapida''', '''rapidia''' *'''densa''', '''densia''' </div> = Crea de parolas = En elefen, on pote formi parolas nova par ajunta [[#Prefisas|prefisas]] o [[#Sufisas|sufisas]] a parolas esistente, o par combina du parolas esisente como un [[#Nomes composada|nom composada]]. On pote ance reusa direta [[Ajetivos#Ajetivos como nomes|un ajetivo como un nom]], e [[Verbos#Verbos como nomes|un verbo como un nom]], sin ajunta un afisa. Un cuantia peti de ajetivos de color (per esemplo '''ambar''' e '''orania''') es direta derivada de nomes de cosas, sin afisa. ==Prefisas== '''Anti-''' formi ajetivos e nomes per cosas oposante o oposada: <div class="caxa"> *'''sosia''' &nbsp;&gt;&nbsp; '''antisosial''' – no obedinte costumes sosial *'''avion''' &nbsp;&gt;&nbsp; '''antiavion''' – usada per ataca aviones enemi *'''proton''' &nbsp;&gt;&nbsp; '''antiproton''' – un varia de proton con carga negativa </div> '''Auto-''' formi nomes, verbos, e ajetivos cual indica atas automatida o fada par algun a se mesma: <div class="caxa"> *'''respeta''' &nbsp;&gt;&nbsp; '''autorespeta''' – respeta per se mesma *'''flue''' &nbsp;&gt;&nbsp; '''autoflue''' – flue automatida a la linia seguente (en refere a un parola tapeda a la fini de un linia) *'''adere''' &nbsp;&gt;&nbsp; '''autoaderente''' – aderente ja par se mesma (sin otra cola) </div> '''Des-''' formi verbos cual sinifia la reversa de un ata. Lo simpli a '''de-''' ante S, Z, X, o J: <div class="caxa"> *'''botoni''' &nbsp;&gt;&nbsp; '''desbotoni''' *'''infeta''' &nbsp;&gt;&nbsp; '''desinfeta''' *'''jela''' &nbsp;&gt;&nbsp; '''dejela''' *'''sifri''' &nbsp;&gt;&nbsp; '''desifri''' </div> '''Inter-''' formi nomes, verbos, e ajetivos cual indica atas o states mutua: <div class="caxa"> *'''cambia''' &nbsp;&gt;&nbsp; '''intercambia''' *'''nasional''' &nbsp;&gt;&nbsp; '''internasional''' </div> '''Media-''' formi nomes cual indica la punto media de un cosa: <div class="caxa"> *'''note''' &nbsp;&gt;&nbsp; '''medianote''' *'''estate''' &nbsp;&gt;&nbsp; '''mediaestate''' *'''punto''' &nbsp;&gt;&nbsp; '''mediapunto''' </div> '''Non-''' formi ajetivos e nomes cual indica la reversa o manca de un cualia. Lo simpli a '''no-''' ante N: <div class="caxa"> *'''justa''' &nbsp;&gt;&nbsp; '''nonjusta''' *'''ativa''' &nbsp;&gt;&nbsp; '''nonativa''' *'''nativa''' &nbsp;&gt;&nbsp; '''nonativa''' *'''nesesada''' &nbsp;&gt;&nbsp; '''nonesesada''' *'''crede''' &nbsp;&gt;&nbsp; '''noncrede''' </div> '''Pos-''' formi nomes, verbos, e ajetivos cual refere a un tempo (o loca) cual es situada [[Preposadas#Pos|pos]] un otra: <div class="caxa"> *'''graduada''' &nbsp;&gt;&nbsp; '''posgraduada''' *'''media''' &nbsp;&gt;&nbsp; '''posmedia''' *'''alveolo''' &nbsp;&gt;&nbsp; '''posalveolal''' </div> '''Pre-''' formi nomes, verbos, e ajetivos cual refere a un tempo (o loca) cual es situada [[Preposadas#Ante|ante]] un otra: <div class="caxa"> *'''graduada''' &nbsp;&gt;&nbsp; '''pregraduada''' *'''istoria''' &nbsp;&gt;&nbsp; '''preistoria''' *'''judi''' &nbsp;&gt;&nbsp; '''prejudi''' </div> '''Re-''' formi verbos cual indica un ata repeteda, o un ata en un dirije reversada: <div class="caxa"> *'''comensa''' – &nbsp;&gt;&nbsp; '''recomensa''' – comensa denova *'''pleni''' – &nbsp;&gt;&nbsp; '''repleni''' – pleni denova *'''paia''' – &nbsp;&gt;&nbsp; '''repaia''' – paia per compensa un otra paia *'''veni''' – &nbsp;&gt;&nbsp; '''reveni''' – veni denova / veni a la loca de comensa pos un viaja </div> '''Su-''' formi nomes, verbos, e ajetivos cual indica un punto min alta en un ierarcia: <div class="caxa"> *'''teninte''' &nbsp;&gt;&nbsp; '''suteninte''' *'''divide''' &nbsp;&gt;&nbsp; '''sudivide''' *'''consensa''' &nbsp;&gt;&nbsp; '''suconsensa''' *'''indise''' &nbsp;&gt;&nbsp; '''suindise''' *'''campion''' &nbsp;&gt;&nbsp; '''sucampion''' </div> '''Supra-''' formi nomes, verbos, e ajetivos cual indica un punto plu alta en un ierarcia: <div class="caxa"> *'''computador''' &nbsp;&gt;&nbsp; '''supracomputador''' *'''pasa''' &nbsp;&gt;&nbsp; '''suprapasa''' *'''dramosa''' &nbsp;&gt;&nbsp; '''supradramosa''' *'''fem''' &nbsp;&gt;&nbsp; '''suprafem''' *'''natural''' &nbsp;&gt;&nbsp; '''supranatural''' </div> '''Vis-''' formi nomes cual indica ofisiores suordinada: <div class="caxa"> *'''presidente''' &nbsp;&gt;&nbsp; '''vispresidente''' *'''re''' &nbsp;&gt;&nbsp; '''visre''' </div> '''Bon-''' e '''mal-''' formi varias bon e mal (o erante) de ajetivos e verbos, a veses en un modo metafor: <div class="caxa"> * '''parla''' &nbsp;&gt;&nbsp; '''bonparlante''' – capas de parla fluente e convinsente * '''vende''' &nbsp;&gt;&nbsp; '''bonvendeda''' – tal ce on vende multe copias * '''dise''' &nbsp;&gt;&nbsp; '''bondise''' – clama la favore divin a * '''veni''' &nbsp;&gt;&nbsp; '''bonveni''' – saluta amin * '''acusa''' &nbsp;&gt;&nbsp; '''malacusa''' – fa declaras falsa cual dana la reputa de un person * '''comprende''' &nbsp;&gt;&nbsp; '''malcomprende''' – comprende erante * '''nomida''' &nbsp;&gt;&nbsp; '''malnomida''' – erante nomida * '''odorosa''' &nbsp;&gt;&nbsp; '''malodorosa''' – con un odor forte e mal </div> On usa [[numero|numeros]] e [[Numero razonal|fratos]] como prefisas con alga parolas. Con membros de la familia, numeros indica jeneras sempre plu distante: <div class="caxa"> *'''avo''' &nbsp;&gt;&nbsp; '''duavo''' – la patro de la avo o ava *'''neta'''&nbsp;&gt;&nbsp; '''treneta''' – la fia de la fia o fio de la neta o neto *'''pede''' &nbsp;&gt;&nbsp; '''cuatropede''' – con cuatro pedes *'''sore''' &nbsp;&gt;&nbsp; '''duisore''' – un sore con ci on ave sola un jenitor comun *'''galon''' &nbsp;&gt;&nbsp; '''cuatrigalon''' – un cuatri de un galon </div> ==Sufisas== Multe sufisas comensa con un vocal. Cuando on ajunta un tal sufisa a un parola cual fini ja con un vocal, on sutrae la vocal esistente, estra cuando lo ia es la vocal solitar en la parola orijinal: <div class="caxa"> * '''fruta''' &nbsp;&gt;&nbsp; '''frutosa''' * '''jua''' &nbsp;&gt;&nbsp; '''jueta''' * '''fe''' &nbsp;&gt;&nbsp; '''fein''' </div> Do un sufisa ta crea un [[Spele e pronunsia#Fonotatica|mal segue de vocales]], on sutrae la vocal du de la segue: <div class="caxa"> * '''comedia''' + '''-iste''' &nbsp;&gt;&nbsp; (comediiste) &nbsp;&gt;&nbsp; '''comediste''' </div> Esta regulas ave du esetas: <div class="caxa"> * '''tre''' + '''-i''' &nbsp;&gt;&nbsp; '''tri''' * '''tre''' + '''-uple''' &nbsp;&gt;&nbsp; '''truple''' </div> ==Sufisa cual formi verbos== Esata como otra [[verbos]], on pote usa la verbos produida par esta sufisa en modos [[Verbos#Transitivia|transitiva e nontransitiva]], o [[Verbos#Verbos como nomes|como nomes]]. On ajunta '''-i''' a nomes e ajetivos per formi verbos cual sinifia "(fa) deveni ...", "(fa) cambia a ...". Como un caso spesial, esta inclui ance verbos cual sinifia "emete un sustantia o un parte nova": <div class="caxa"> *'''arco''' &nbsp;&gt;&nbsp; '''arci''' *'''roja''' &nbsp;&gt;&nbsp; '''roji''' *'''umida''' &nbsp;&gt;&nbsp; '''umidi''' *'''duple''' &nbsp;&gt;&nbsp; '''dupli''' *'''saliva''' &nbsp;&gt;&nbsp; '''salivi''' *'''flor''' &nbsp;&gt;&nbsp; '''flori''' </div> '''-i''' crea ance verbos cual sinifia "usa ..." (comun en la modo de un util o aparato), o "aplica ..." (un sustantia o costum): <div class="caxa"> *'''boton''' &nbsp;&gt;&nbsp; '''botoni''' *'''telefon''' &nbsp;&gt;&nbsp; '''telefoni''' *'''sponja''' &nbsp;&gt;&nbsp; '''sponji''' *'''pinta''' &nbsp;&gt;&nbsp; '''pinti''' *'''nom''' &nbsp;&gt;&nbsp; '''nomi''' </div> ==Sufisas cual formi ajetivos== Esata como otra [[ajetivos]], on pote reusa la ajetivos produida par esta sufisas como nomes cual indica persones o cosas cual ave la cualia spesifada. On ajunta '''-in''' a un nom per crea un ajetivo cual sinifia "simil a ...": <div class="caxa"> * '''ami''' &nbsp;&gt;&nbsp; '''amin''' * '''enfante''' &nbsp;&gt;&nbsp; '''enfantin''' * '''fantasma''' &nbsp;&gt;&nbsp; '''fantasmin''' * '''menta''' &nbsp;&gt;&nbsp; '''mentin''' * '''monstro''' &nbsp;&gt;&nbsp; '''monstrin''' * '''serpente''' &nbsp;&gt;&nbsp; '''serpentin''' </div> On ajunta '''-osa''' a un nom per formi un ajetivo cual sinifia "plen de ..." o "fada de ...": <div class="caxa"> * '''zucar''' &nbsp;&gt;&nbsp; '''zucarosa''' *'''oro''' &nbsp;&gt;&nbsp; '''orosa''' *'''capel''' &nbsp;&gt;&nbsp; '''capelosa''' *'''festa''' &nbsp;&gt;&nbsp; '''festosa''' *'''melma''' &nbsp;&gt;&nbsp; '''melmosa''' *'''jua''' &nbsp;&gt;&nbsp; '''juosa''' *'''caos''' &nbsp;&gt;&nbsp; '''caososa''' </div> On ajunta '''-al''' a un nom per crea un ajetivo jeneral cual sinifia "pertinente a ..." o "relatada a ..." <div class="caxa"> *'''fotografia''' &nbsp;&gt;&nbsp; '''fotografial''' *'''nasion''' &nbsp;&gt;&nbsp; '''nasional''' *'''siensa''' &nbsp;&gt;&nbsp; '''siensal''' *'''averbo''' &nbsp;&gt;&nbsp; '''averbal''' *'''erita''' &nbsp;&gt;&nbsp; '''erital''' *'''mito''' &nbsp;&gt;&nbsp; '''mital''' *'''monce''' &nbsp;&gt;&nbsp; '''moncal''' </div> On ajunta '''-iste''' a un nom cual indica un crede, como un relijio o un filosofia, per formi un ajetivo jeneral. Si la nom fini con '''-isme''', '''-iste''' prende sua loca. En alga parolas do la radis es un nom propre, on reteni la vocal final de la nom, si esta produi un parola plu internasional: <div class="caxa"> *'''bigamia''' &nbsp;&gt;&nbsp; '''bigamiste''' *'''otimisme''' &nbsp;&gt;&nbsp; '''otimiste''' *'''puria''' &nbsp;&gt;&nbsp; '''puriste''' *'''Mitra''' &nbsp;&gt;&nbsp; '''mitraiste''' </div> On ajunta '''-an''' a alga nomes cual indica estendes de spasio o tempo (locas e edas), per formi ajetivos jeneral: <div class="caxa"> * '''suburbe''' &nbsp;&gt;&nbsp; '''suburban''' * '''Victoria''' &nbsp;&gt;&nbsp; '''victorian''' </div> '''-an''' es ance un de la sinco sufisas normal per formi ajetivos cual indica linguas e poplas. La otra cuatro es '''-es''', '''-ica''', '''-i''', e '''-sce'''. Per esta ajetivos, elefen usa parolas cual sona tan simil como posible a la nomes nativa: en resulta, alga nomes aseta un sufisa propre e spesial, o simple no sufisa, e on cambia ance la radis en alga casos: <div class="caxa"> *'''Africa''' &nbsp;&gt;&nbsp; '''african''' *'''Frans''' &nbsp;&gt;&nbsp; '''franses''' *'''Elas''' &nbsp;&gt;&nbsp; '''elinica''' *'''Arabia''' &nbsp;&gt;&nbsp; '''arabi''' *'''Rusia''' &nbsp;&gt;&nbsp; '''rusce''' *'''Europa''' &nbsp;&gt;&nbsp; '''european''' *'''Deutxland''' &nbsp;&gt;&nbsp; '''deutx''' *'''Britan''' &nbsp;&gt;&nbsp; '''brites''' </div> On ajunta '''-ica''' a un nom cual indica un problem medical, psicolojial, o simil, per formi un ajetivo per descrive un person ci esperia la problem: <div class="caxa"> *'''catalesia''' &nbsp;&gt;&nbsp; '''catalesica''' *'''xenofobia''' &nbsp;&gt;&nbsp; '''xenofobica''' </div> On ajunta '''-nte''' a un verbo per crea la partisipio ativa, un ajetivo cual sinifia "tal ce lo fa (la ata spesifada)". La partisipio ativa de la verbo '''es''' es '''esente''': <div class="caxa"> *'''ama''' &nbsp;&gt;&nbsp; '''amante''' *'''depende''' &nbsp;&gt;&nbsp; '''dependente''' *'''dormi''' &nbsp;&gt;&nbsp; '''dorminte''' *'''obedi''' &nbsp;&gt;&nbsp; '''obedinte''' *'''pare''' &nbsp;&gt;&nbsp; '''parente''' *'''es''' &nbsp;&gt;&nbsp; '''esente''' </div> On ''no'' usa nomes cual fini con '''-nte''' como nomes de atas: <div class="caxa"> *La '''covrente''' es sur la caxa. ''(la cosa cual covre la caxa)'' *'''Covre''' la caxa es un bon idea. ''(la ata de covre la caxa)'' </div> On ajunta '''-da''' a un verbo per formi la partisipio pasiva, un ajetivo cual sinifia "tal ce on (ia) fa ... a lo": <div class="caxa"> *'''ama''' &nbsp;&gt;&nbsp; '''amada''' *'''clui''' &nbsp;&gt;&nbsp; '''cluida''' *'''conose''' &nbsp;&gt;&nbsp; '''conoseda''' *'''jela''' &nbsp;&gt;&nbsp; '''jelada''' *'''nesesa''' &nbsp;&gt;&nbsp; '''nesesada''' *'''putri''' &nbsp;&gt;&nbsp; '''putrida''' </div> On ''no'' usa '''-da''' per indica la tempo pasada de verbos: <div class="caxa"> *La caxa es '''covreda''' par la tela. ''(aora, la tela covre la caxa)'' *La tela '''ia covre''' la caxa. ''(en la pasada, la tela ia covre la caxa)'' </div> On ajunta '''-able''' a un verbo per crea un ajetivo cual sinifia "tal ce lo pote es ...da" o "tal ce lo merita es ...da": <div class="caxa"> *'''ama''' &nbsp;&gt;&nbsp; '''amable''' *'''come''' &nbsp;&gt;&nbsp; '''comable''' *'''infla''' &nbsp;&gt;&nbsp; '''inflable''' *'''loda''' &nbsp;&gt;&nbsp; '''lodable''' *'''nota''' &nbsp;&gt;&nbsp; '''notable''' *'''titila''' &nbsp;&gt;&nbsp; '''titilable''' </div> ==Sufisas cual formi nomes== Cuando on ajunta '''-or''' a un verbo, lo formi un nom cual sinifia un person ci fa la ata spesifada, en multe casos en un modo frecuente o abitual. Cuando on ajunta lo a un nom, lo formi un nom cual sinifia un person ci labora con la cosa spesifada, o jua la sporte spesifada: <div class="caxa"> *'''aida''' &nbsp;&gt;&nbsp; '''aidor''' *'''deteta''' &nbsp;&gt;&nbsp; '''detetor''' *'''dirije''' &nbsp;&gt;&nbsp; '''dirijor''' *'''fumi''' &nbsp;&gt;&nbsp; '''fumor''' *'''gania''' &nbsp;&gt;&nbsp; '''ganior''' *'''jogla''' &nbsp;&gt;&nbsp; '''joglor''' *'''parla''' &nbsp;&gt;&nbsp; '''parlor''' *'''pexa''' &nbsp;&gt;&nbsp; '''pexor''' *'''carne''' &nbsp;&gt;&nbsp; '''carnor''' *'''vaso''' &nbsp;&gt;&nbsp; '''vasor''' *'''futbal''' &nbsp;&gt;&nbsp; '''futbalor''' *'''tenis''' &nbsp;&gt;&nbsp; '''tenisor''' </div> '''-ador''' crea nomes cual sinifia un util o macina cual fa la ata spesifada, o labora con la cosa spesifada: <div class="caxa"> *'''caldi'''&nbsp;&gt;&nbsp; '''caldador''' *'''computa''' &nbsp;&gt;&nbsp; '''computador''' *'''fax''' &nbsp;&gt;&nbsp; '''faxador''' *'''lava''' &nbsp;&gt;&nbsp; '''lavador''' *'''parla''' &nbsp;&gt;&nbsp; '''parlador''' *'''surfa''' &nbsp;&gt;&nbsp; '''surfador''' *'''umidi''' &nbsp;&gt;&nbsp; '''umidador''' </div> On ajunta '''-eria''' a un nom o verbo per crea un nom cual sinifia un loca, comun un boteca, asosiada con la ata o cosa spesifada: <div class="caxa"> *'''cafe''' &nbsp;&gt;&nbsp; '''caferia''' *'''pan''' &nbsp;&gt;&nbsp; '''paneria''' *'''beli''' &nbsp;&gt;&nbsp; '''beleria''' *'''campana''' &nbsp;&gt;&nbsp; '''campaneria''' *'''fruto''' &nbsp;&gt;&nbsp; '''fruteria''' *'''monce''' &nbsp;&gt;&nbsp; '''monceria''' *'''planeta''' &nbsp;&gt;&nbsp; '''planeteria''' *'''xef''' &nbsp;&gt;&nbsp; '''xeferia''' </div> '''-ia''' formi nomes consetal cual servi como la nomes de cualias. Cuando on ajunta '''-ia''' a un parola cual fini con '''-ia''', la parola no cambia: <div class="caxa"> *'''ajil''' &nbsp;&gt;&nbsp; '''ajilia''' *'''felis''' &nbsp;&gt;&nbsp; '''felisia''' *'''jelosa''' &nbsp;&gt;&nbsp; '''jelosia''' *'''neutra''' &nbsp;&gt;&nbsp; '''neutria''' *'''madre''' &nbsp;&gt;&nbsp; '''madria''' *'''enfante''' &nbsp;&gt;&nbsp; '''enfantia''' *'''sultan''' &nbsp;&gt;&nbsp; '''sultania''' *'''fria''' &nbsp;&gt;&nbsp; '''fria''' *'''vea''' &nbsp;&gt;&nbsp; '''veia''' </div> Parolas como '''enfantia''' e '''sultania''' pote indica tempos o locas en cual un cualia pertine. La nomes de multe campos de studia fini ance en '''ia''' (o '''ica''') ma esta es un parte de la radis, e no un sufisa. On formi la nomes de la praticores corespondente con '''-iste'''. On usa '''-iste''' ance per formi la nomes de credores en un relijio o filosofia (como derivada de [[#Sufisas cual formi ajetivos|la sufisa ajetival '''-iste''']]), la nomes de musicistes, e la nomes de alga otra persones cual fini internasional con "-ist-": <div class="caxa"> *'''jeografia''' &nbsp;&gt;&nbsp; '''jeografiste''' *'''psicolojia''' &nbsp;&gt;&nbsp; '''psicolojiste''' *'''cimica''' &nbsp;&gt;&nbsp; '''cimiciste''' *'''eletrica''' &nbsp;&gt;&nbsp; '''eletriciste''' *'''musica''' &nbsp;&gt;&nbsp; '''musiciste''' *'''Crixna''' &nbsp;&gt;&nbsp; '''crixnaiste''' *'''ideal''' &nbsp;&gt;&nbsp; '''idealiste''' *'''gitar''' &nbsp;&gt;&nbsp; '''gitariste''' *'''solo''' &nbsp;&gt;&nbsp; '''soliste''' *'''jornal''' &nbsp;&gt;&nbsp; '''jornaliste''' *'''sicle''' &nbsp;&gt;&nbsp; '''sicliste''' </div> '''-isme''' formi la nomes de sistemes de crede. On sustitui lo per '''-iste''' en la nom de la credor. Lo apare ance en alga otra parolas cual fini internasional con "-ism-": <div class="caxa"> *'''dauiste''' &nbsp;&gt;&nbsp; '''dauisme''' *'''altruiste''' &nbsp;&gt;&nbsp; '''altruisme''' *'''raziste''' &nbsp;&gt;&nbsp; '''razisme''' *'''sindicatiste''' &nbsp;&gt;&nbsp; '''sindicatisme''' *'''turiste''' &nbsp;&gt;&nbsp; '''turisme''' *'''simbol''' &nbsp;&gt;&nbsp; '''simbolisme''' *'''canibal''' &nbsp;&gt;&nbsp; '''canibalisme''' </div> ==Sufisas min produosa== La sufisas seguente es usada sola con parolas spesifada, como definida en la disionario. On ajunta '''-eta''' a alga nomes per crea un nom per un varia de un cosa cual es reduida en un modo spesial. Esta inclui la nomes de animales joven e vestes interna. Simil, on pote ajunta '''-eta''' a alga verbos e ajetivos per formi parolas per varias reduida de atas o cualias: <div class="caxa"> *'''bebe''' &nbsp;&gt;&nbsp; '''bebeta''' – un bebe multe joven *'''caro''' &nbsp;&gt;&nbsp; '''careta''' – un caro peti con un rota, du gamas, e du manicos *'''imaje''' &nbsp;&gt;&nbsp; '''imajeta''' – un imaje reduida per aida reconose la imaje plen *'''lente''' &nbsp;&gt;&nbsp; '''lenteta''' – un lente plastica cual on pone direta sur la oio *'''mone''' &nbsp;&gt;&nbsp; '''moneta''' – un disco de metal usada como mone *'''orolojo''' &nbsp;&gt;&nbsp; '''orolojeta''' – un orolojo peti cual on porta sur sua polso *'''bove''' &nbsp;&gt;&nbsp; '''boveta''' – un bove joven *'''ovea''' &nbsp;&gt;&nbsp; '''oveta''' – un ovea joven *'''calsa''' &nbsp;&gt;&nbsp; '''calseta''' – un calsa corta *'''camisa''' &nbsp;&gt;&nbsp; '''camiseta''' – un camisa interna, o un camisa de forma simil *'''jaca''' &nbsp;&gt;&nbsp; '''jaceta''' – un spesie de jaca sin colar e sin mangas *'''pluve''' &nbsp;&gt;&nbsp; '''pluveta''' – pluve poca par gotas peti *'''rie''' &nbsp;&gt;&nbsp; '''rieta''' – rie poca en un modo ansiosa o bobo *'''parla''' &nbsp;&gt;&nbsp; '''parleta''' – parla nonformal e amin *'''bela''' &nbsp;&gt;&nbsp; '''beleta''' – con aspeta amable ma no vera bela </div> On ajunta '''-on''' a alga nomes per crea un nom per un varia de un cosa cual es aumentada en un modo spesial. Esta inclui la nomes de vestes esterna: <div class="caxa"> *'''abea''' &nbsp;&gt;&nbsp; '''abeon''' – un abea grande e capelosa *'''caxa''' &nbsp;&gt;&nbsp; '''caxon''' – un caxa grande per transporta benes *'''dente''' &nbsp;&gt;&nbsp; '''denton''' – un dente longa e agu *'''dito''' &nbsp;&gt;&nbsp; '''diton''' – acel dito de la mano cual on pote oposa a la otra ditos *'''padre''' &nbsp;&gt;&nbsp; '''padron''' – un om ci ave la rol de padre en un organiza *'''sala''' &nbsp;&gt;&nbsp; '''salon''' – un sala en un casa en cual on diverti visitores, regarda la TV, etc *'''seja''' &nbsp;&gt;&nbsp; '''sejon''' – un seja grande e comfortosa con reposabrasos *'''calsa''' &nbsp;&gt;&nbsp; '''calson''' – un veste simil a du calsas liada a la taie *'''jaca''' &nbsp;&gt;&nbsp; '''jacon''' – un jaca longa cual on porta estra casa </div> '''-eta''' e '''-on''' no es sinonimes de '''peti''' e '''grande''': on pote ave fasil '''un careta grande''' o '''un salon peti'''. En loca, los formi parolas con sinifias nova cual es spesifada, e cual on pote descrive laxe como varias plu peti o grande de la orijinal. On ajunta '''-o''' e '''-a''' a alga [[Nomes#Seso|nomes cual indica membros de la familia]], per cambia la sinifia entre mas e fema (en acel ordina): <div class="caxa"> *'''tio''', '''tia''' </div> On formi la nomes de alga arbores par cambia la '''-a''' final de la nom de la fruta o noza a '''-o''': <div class="caxa"> *'''pera''' &nbsp;&gt;&nbsp; '''pero''' </div> On ajunta '''-esa''' a alga [[Nomes#Seso|nomes cual indica roles sosial de istoria]] per nomi la fema corespondente: <div class="caxa"> *'''prinse''' &nbsp;&gt;&nbsp; '''prinsesa''' </div> ==Afisas tecnical== Termas siensal e medical internasional es formida de fontes latina e elinica par ajunta multe [[Afisas tecnical|prefisas e sufisas tecnical]]. On usa esta afisas ance en elefen, e los segue la [[Transcrive|regulas de transcrive]] de elefen. La sufisas '''-i''' e '''-uple''' es usada per nomi [[Numeros#Fratos|fratos]] e [[Numeros#Multiples|multiples]]. == Nomes composada == On pote formi un nom composada par combina un verbo con sua ojeto, en acel ordina. La resulta sinifia un person o cosa cual fa la ata spesifada a la ojeto spesifada: <div class="caxa"> *'''corti''', '''ungia''' &nbsp;&gt;&nbsp; '''cortiungia''' – un util per corti ungias *'''covre''', '''table''' &nbsp;&gt;&nbsp; '''covretable''' – un tela per covre un table *'''fura''', '''bolsa''' &nbsp;&gt;&nbsp; '''furabolsa''' – un person ci fura de poxes e sacos *'''lansa''', '''petra''' &nbsp;&gt;&nbsp; '''lansapetra''' – un util per lansa petras *'''para''', '''morde''' &nbsp;&gt;&nbsp; '''paramorde''' – un aparato poneda sur la beco de un animal afin el no morde persones *'''para''', '''pluve''' &nbsp;&gt;&nbsp; '''parapluve''' – un aparato pliable e portable per proteje un person contra la pluve *'''pasa''', '''tempo''' &nbsp;&gt;&nbsp; '''pasatempo''' – un ata cual on fa frecuente per diverti *'''porta''', '''mone''' &nbsp;&gt;&nbsp; '''portamone''' – un contenador pliable per porta biletas e cartas *'''porta''', '''vose''' &nbsp;&gt;&nbsp; '''portavose''' – un person ci parla e representa un organiza *'''brinca''', '''dorso''' &nbsp;&gt;&nbsp; '''brincadorso''' – un jua en cual on salta sur la dorsos de otra persones ''(vera la nom de un juor, ma usada metaforal per la jua)'' </div> Cuando la ojeto comensa con un vocal, on reteni lo, estra cuando lo es la mesma como la vocal final de la verbo, como en '''portavion'''. Elefen no permete nomes composada de du nomes. En loca, on debe usa un preposada entre la du nomes. Per esemplo: <div class="caxa"> *avia '''de''' mar *casa '''per''' avias *xef '''de''' polisia </div> A veses noncomun, un tal espresa ave un sinifia spesial e nonleteral, e on debe regarda lo como un parola fisada. Per esemplo, un '''leon-de-mar''' no es un leon. En tal casos, la parolas es juntada par ifenes, e ajetivos debe segue la nom du. On pote usa ifenes ance per composadas plu leteral, si esta aida la claria: <div class="caxa"> *un '''leon-de-mar''' grande *un '''leon''' grande '''de mar''' ''(un leon ci veni de la mar, e no un leon-de-mar)'' *un '''avion''' grande '''de mar''' ''(car un avion de mar es ancora un avion leteral)'' *un '''avion-de-mar''' grande ''(alternativa)'' *un '''avion de mar''' grande ''(ambigua, car lo pare vole dise ce la mar es grande)'' </div> = Cortis = On usa alga '''cortis''' en elefen. On no scrive los con puntos. On corti alga parolas o sintagmas comun. Estas no reseta un letera major, estra a la comensa de un frase: <div class="caxa"> *'''acc''' – ance conoseda como *'''aec''' – ante la eda comun *'''ec''' – de la eda comun *'''etc''' – e tal cosas, e tal continuante *'''lfn''' – lingua franca nova *'''n''' – numero *'''nb''' – nota bon *'''ovn''' – ojeto volante nonidentifiada *'''p''' – paje / pajes *'''pe''' – per esemplo *'''pf''' – per favore *'''ps''' – pos scrive *'''tv''' – televisa, televisador *'''v''' – vide (per introdui un refere a un otra testo) </div> Elefen reteni de otra linguas ance alga cortis cual on reconose internasional, incluinte la cortis normal per la [[unias metral]]: <div class="caxa"> *'''cd''' – disco compata *'''pc''' – computador personal *'''cm''' – sentimetre *'''km''' – cilometre *'''mg''' – miligram *'''μm''' – micrometre *'''MB''' – megabait </div> La formas cortida de nomes propre e titulos usa leteras major. Ma on no inclui en la corti la parolas minor como '''la''' e '''de''' – a cual on no dona un letera major en la forma plen de la nom. On introdui frecuente tal nomes con '''la''', an cuando cortida: <div class="caxa"> *'''dr''' – dotor (como parte de la nom de un person) *'''sr''' – senior (como parte de la nom de un person) *'''sra''' – seniora (como parte de la nom de un person) *la '''NU''' – la Nasiones Unida *la '''RU''' – la Rena Unida *la '''SUA''' – la Statos Unida de America </div> Internasional, alga nomes propre es la plu bon conoseda como cortis nontraduida, e on reteni estas en elefen: <div class="caxa"> *'''IBM''' – International Business Machines Corporation *'''KGB''' – Комитет государственной безопасности ('Komitét gosudárstvennoy bezopásnosti') (Comite per Securia de Stato) </div> = Puntua = Jeneral, elefen lasa la scrivores eleje sua '''puntua''' – la normas solitar es ce on ta es clar e coerente. An tal, alga abituas fundal esiste, e estas es la mesma como en la plu linguas european. La parola prima en un frase comensa con un [[Spele e pronunsia#Leteras major|letera major]]. == Sinias major == Un frase comun fini con un '''punto''' (&nbsp;<tt>.</tt>&nbsp;). Si un frase es un demanda direta, lo fini con un '''sinia de demanda''' (&nbsp;<tt>?</tt>&nbsp;). On pote pone un '''sinia de esclama''' (&nbsp;<tt>!</tt>&nbsp;) a la fini de un frase cual ta ave un intensia emosial en parla. Un '''virgula''' (&nbsp;<tt>,</tt>&nbsp;) indica un pausa natural en un frase, o a veses on inclui lo sola per separa clar un parte de un frase (como un proposa) de un otra. On usa virgulas ance per separa la cosas en un lista. Cuando on scrive un cuantia en dijitos, on pote usa o un virgula o un punto per indica la comensa de la parte fratal. On pote usa un spasio per separa grupos de tre dijitos. La '''dupunto''' (&nbsp;<tt>:</tt>&nbsp;) introdui un presenta plu detaliosa de la cosa cual presede lo. Pos un dupunto, usa un letera major si la seguente es un frase completa, ma no si lo es sola un lista o un parte de un frase. On pote usa la '''punto-virgula''' (&nbsp;<tt>;</tt>&nbsp;) en loca de un punto entre du frases cual refleta o ecuilibra prosima la un la otra. Un punto-virgula pote separa ance la cosas en un lista, si estas es longa o conteni sua propre virgulas. No scrive un spasio ante un sinia de puntua major. Ma scrive un spasio a pos, estra a la fini de un paragraf. == Sinias de sita == Un '''sinia de sita''' apare a la comensa e fini de parolas cual on presenta como un sita direta. Ave formas variosa de sinia de sita en la mundo, incluinte <tt>'</tt> <tt>"</tt> <tt>‹</tt>...<tt>›</tt> <tt>«</tt>...<tt>»</tt>. En elefen, on usa normal la forma <tt>"</tt>, cual es clar, fasil tapable, e internasional. Cuando un sita apare en un otra sita, on pone <tt>'</tt> sirca la sita interna – ave un esemplo a su. En bon tipografia, como en libros, la formas curva <tt>“”</tt> e <tt>‘’</tt> es usada, ma estas no es nesesada en comunicas comun. No pone spasios entre la sinias de sita e la testo sitada. En alga linguas, on scrive un sinia de junta longa (&nbsp;—&nbsp;) en media de un dialogo cuando un person nova comensa parla, en loca de sinias de sita. Nos recomenda evita esta en elefen, car lo es min clar, e pote es confusada con otra usas de sinias de junta. Cuando on sita la parolas de un carater en un nara, on acompania comun la sita con un ''indica'' de la parlor e sua manera. Per tal frases en elefen, on prefere pone un sinia de junta entre esta indica e cada parte de la sita. En esta modo, on reteni fasil la puntua esata de la frase orijinal: <div class="caxa"> * La vendor murmura – "Ma lo no es tan simple, mea ami." * "Me acorda." – la om responde felis. * "Perce tu es asi?" – la fem demanda. * "Cisa" – la bonvolor sujesta – "me pote aida." * "Me ave un ami nomida Freda," – el esplica – "ci es un tortuga." </div> Cuando on scrive sur linguas e sita un parola o espresa per refere a lo, on usa sola sinias de sita: <div class="caxa"> * Me gusta la parola "xuxa". * Sua sposa ia comenta – "Me gusta la parola 'xuxa'." </div> == Sinias minor == La '''trepunto''' (&nbsp;<tt>…</tt>&nbsp;) sujesta un pausa, o indica ce on ia omete alga parolas. '''Sinias de junta longa''' (&nbsp;–&nbsp; o &nbsp;—&nbsp;) e '''brasetas''' (&nbsp;<tt>(</tt>...<tt>)</tt>&nbsp;) ensirca comentas cual on introdui en la flue normal de un frase. La '''sinia de elidi''' (&nbsp;<tt>'</tt>&nbsp;) indica ce on ia omete un vocal. Normal, esta aveni sola en poesias e cantas. En elefen, on scrive '''sinias de mone''' (€, ¥, £, $, etc) ante o pos la dijitos de un preso, dependente de la costum de la pais consernada. Ancora otra sinias de puntua esiste, ma sua usas relata apena a la regulas de elefen. = Lias esterna = * [http://elefen.org/disionario/gramatica.pdf Descarga esta gramatica como un fix PDF.] {{Lingua franca nova}} [[Categoria:Gramaticas]] [[Category:Lingua franca nova]] nyoxsvayiib36y20krvceinhu7q7ihb 0 1704 38047 37801 2022-08-25T01:29:34Z Sdiabhon Sdiamhon 4353 /* Lista de elementos par sua cortis, con lias a articles */ wikitext text/x-wiki {|style="width: 100%" !Grupo !Group 1 element|1 !Group 2 element|2 !Group 3 element|3 !Group 4 element|4 !Group 5 element|5 !Group 6 element|6 !Group 7 element|7 !Group 8 element|8 !Group 9 element|9 !Group 10 element|10 !Group 11 element|11 !Group 12 element|12 !Group 13 element|13 !Group 14 element|14 !Group 15 element|15 !Group 16 element|16 !Group 17 element|17 !Group 18 element|18 |- !Periodo |colspan="19"|<br /> |- !Period 1 element|1 |style="text-align:center;background-color:#a0ffa0;color:red;border:1px solid black;"|1<br />H |colspan="16"|<br /> |style="text-align:center;background-color:#c0ffff;color:red;border:1px solid black;"|2<br />He |- !Period 2 element|2 |style="text-align:center;background-color:#ff6666;color:black;border:1px solid black;"|3<br />Li |style="text-align:center;background-color:#ffdead;color:black;border:1px solid black;"|4<br />Be |colspan="10"|<br /> |style="text-align:center;background-color:#cccc99;color:black;border:1px solid black;"|5<br />B |style="text-align:center;background-color:#a0ffa0;color:black;border:1px solid black;"|6<br />[[Carbono|C]] |style="text-align:center;background-color:#a0ffa0;color:red;border:1px solid black;"|7<br />N |style="text-align:center;background-color:#a0ffa0;color:red;border:1px solid black;"|8<br />O |style="text-align:center;background-color:#ffff99;color:red;border:1px solid black;"|9<br />F |style="text-align:center;background-color:#c0ffff;color:red;border:1px solid black;"|10<br />Ne |- !Period 3 element|3 |style="text-align:center;background-color:#ff6666;color:black;border:1px solid black;"|11<br />Na |style="text-align:center;background-color:#ffdead;color:black;border:1px solid black;"|12<br />Mg |colspan="10"|<br /> |style="text-align:center;background-color:#cccccc;color:black;border:1px solid black;"|13<br />Al |style="text-align:center;background-color:#cccc99;color:black;border:1px solid black;"|14<br />Si |style="text-align:center;background-color:#a0ffa0;color:black;border:1px solid black;"|15<br />P |style="text-align:center;background-color:#a0ffa0;color:black;border:1px solid black;"|16<br />S |style="text-align:center;background-color:#ffff99;color:red;border:1px solid black;"|17<br />Cl |style="text-align:center;background-color:#c0ffff;color:red;border:1px solid black;"|18<br />Ar |- !Period 4 element|4 |style="text-align:center;background-color:#ff6666;color:black;border:1px solid black;"|19<br />K |style="text-align:center;background-color:#ffdead;color:black;border:1px solid black;"|20<br />Ca |style="text-align:center;background-color:#ffc0c0;color:black;border:1px solid black;"|21<br />Sc |style="text-align:center;background-color:#ffc0c0;color:black;border:1px solid black;"|22<br />Ti |style="text-align:center;background-color:#ffc0c0;color:black;border:1px solid black;"|23<br />V |style="text-align:center;background-color:#ffc0c0;color:black;border:1px solid black;"|24<br />Cr |style="text-align:center;background-color:#ffc0c0;color:black;border:1px solid black;"|25<br />Mn |style="text-align:center;background-color:#ffc0c0;color:black;border:1px solid black;"|26<br />Fe |style="text-align:center;background-color:#ffc0c0;color:black;border:1px solid black;"|27<br />Co |style="text-align:center;background-color:#ffc0c0;color:black;border:1px solid black;"|28<br />Ni |style="text-align:center;background-color:#ffc0c0;color:black;border:1px solid black;"|29<br />Cu |style="text-align:center;background-color:#ffc0c0;color:black;border:1px solid black;"|30<br />Zn |style="text-align:center;background-color:#cccccc;color:black;border:1px solid black;"|31<br />Ga |style="text-align:center;background-color:#cccc99;color:black;border:1px solid black;"|32<br />Ge |style="text-align:center;background-color:#cccc99;color:black;border:1px solid black;"|33<br />As |style="text-align:center;background-color:#a0ffa0;color:black;border:1px solid black;"|34<br />Se |style="text-align:center;background-color:#ffff99;color:green;border:1px solid black;"|35<br />Br |style="text-align:center;background-color:#c0ffff;color:red;border:1px solid black;"|36<br />Kr |- !Period 5 element|5 |style="text-align:center;background-color:#ff6666;color:black;border:1px solid black;"|37<br />Rb |style="text-align:center;background-color:#ffdead;color:black;border:1px solid black;"|38<br />Sr |style="text-align:center;background-color:#ffc0c0;color:black;border:1px solid black;"|39<br />Y |style="text-align:center;background-color:#ffc0c0;color:black;border:1px solid black;"|40<br />Zr |style="text-align:center;background-color:#ffc0c0;color:black;border:1px solid black;"|41<br />Nb |style="text-align:center;background-color:#ffc0c0;color:black;border:1px solid black;"|42<br />Mo |style="text-align:center;background-color:#ffc0c0;color:black;border:1px dashed black;"|43<br />Tc |style="text-align:center;background-color:#ffc0c0;color:black;border:1px solid black;"|44<br />Ru |style="text-align:center;background-color:#ffc0c0;color:black;border:1px solid black;"|45<br />Rh |style="text-align:center;background-color:#ffc0c0;color:black;border:1px solid black;"|46<br />Pd |style="text-align:center;background-color:#ffc0c0;color:black;border:1px solid black;"|47<br />Ag |style="text-align:center;background-color:#ffc0c0;color:black;border:1px solid black;"|48<br />Cd |style="text-align:center;background-color:#cccccc;color:black;border:1px solid black;"|49<br />In |style="text-align:center;background-color:#cccccc;color:black;border:1px solid black;"|50<br />Sn |style="text-align:center;background-color:#cccc99;color:black;border:1px solid black;"|51<br />Sb |style="text-align:center;background-color:#cccc99;color:black;border:1px solid black;"|52<br />Te |style="text-align:center;background-color:#ffff99;color:black;border:1px solid black;"|53<br />I |style="text-align:center;background-color:#c0ffff;color:red;border:1px solid black;"|54<br />Xe |- !Period 6 element|6 |style="text-align:center;background-color:#ff6666;color:black;border:1px solid black;"|55<br />Cs |style="text-align:center;background-color:#ffdead;color:black;border:1px solid black;"|56<br />Ba |style="vertical-align: top; text-align:center;background-color:#ffbfff;"|*<br /> |style="text-align:center;background-color:#ffc0c0;color:black;border:1px solid black;"|72<br />Hf |style="text-align:center;background-color:#ffc0c0;color:black;border:1px solid black;"|73<br />Ta |style="text-align:center;background-color:#ffc0c0;color:black;border:1px solid black;"|74<br />W |style="text-align:center;background-color:#ffc0c0;color:black;border:1px solid black;"|75<br />Re |style="text-align:center;background-color:#ffc0c0;color:black;border:1px solid black;"|76<br />Os |style="text-align:center;background-color:#ffc0c0;color:black;border:1px solid black;"|77<br />Ir |style="text-align:center;background-color:#ffc0c0;color:black;border:1px solid black;"|78<br />Pt |style="text-align:center;background-color:#ffc0c0;color:black;border:1px solid black;"|79<br />Au |style="text-align:center;background-color:#ffc0c0;color:green;border:1px solid black;"|80<br />Hg |style="text-align:center;background-color:#cccccc;color:black;border:1px solid black;"|81<br />Tl |style="text-align:center;background-color:#cccccc;color:black;border:1px solid black;"|82<br />Pb |style="text-align:center;background-color:#cccccc;color:black;border:1px solid black;"|83<br />Bi |style="text-align:center;background-color:#cccc99;color:black;border:1px dashed black;"|84<br />Po |style="text-align:center;background-color:#ffff99;color:black;border:1px dashed black;"|85<br />At |style="text-align:center;background-color:#c0ffff;color:red;border:1px dashed black;"|86<br />Rn |- !Period 7 element|7 |style="text-align:center;background-color:#ff6666;color:black;border:1px dashed black;"|87<br />Fr |style="text-align:center;background-color:#ffdead;color:black;border:1px dashed black;"|88<br />Ra |style="vertical-align: top; text-align:center;background-color:#ff99cc;"|**<br /> |style="text-align:center;background-color:#ffc0c0;color:black;border:1px dotted black;"|104<br />Rf |style="text-align:center;background-color:#ffc0c0;color:black;border:1px dotted black;"|105<br />Db |style="text-align:center;background-color:#ffc0c0;color:black;border:1px dotted black;"|106<br />Sg |style="text-align:center;background-color:#ffc0c0;color:black;border:1px dotted black;"|107<br />Bh |style="text-align:center;background-color:#ffc0c0;color:black;border:1px dotted black;"|108<br />Hs |style="text-align:center;background-color:#ffc0c0;color:black;border:1px dotted black;"|109<br />Mt |style="text-align:center;background-color:#ffc0c0;color:black;border:1px dotted black;"|110<br />Ds |style="text-align:center;background-color:#ffc0c0;color:black;border:1px dotted black;"|111<br />Rg |style="text-align:center;background-color:#ffc0c0;color:green;border:1px dotted black;"|112<br />Cn |style="text-align:center;background-color:#cccccc;color:black;border:1px dotted black;"|113<br />Nh |style="text-align:center;background-color:#cccccc;color:black;border:1px dotted black;"|114<br />Fl |style="text-align:center;background-color:#cccccc;color:black;border:1px dotted black;"|115<br />Mc |style="text-align:center;background-color:#cccccc;color:black;border:1px dotted black;"|116<br />Lv |style="text-align:center;background-color:#cccccc;color:black;border:1px dotted black;"|117<br />Ts |style="text-align:center;background-color:#cccccc;color:black;border:1px dotted black;"|118<br />Og |- |colspan="21"|<br /> |- |colspan="4" style="text-align:right"|* '''Lantanidos''' |style="text-align:center;background-color:#ffbfff;color:black;border:1px solid black;"|57<br />La |style="text-align:center;background-color:#ffbfff;color:black;border:1px solid black;"|58<br />Ce |style="text-align:center;background-color:#ffbfff;color:black;border:1px solid black;"|59<br />Pr |style="text-align:center;background-color:#ffbfff;color:black;border:1px solid black;"|60<br />Nd |style="text-align:center;background-color:#ffbfff;color:black;border:1px dashed black;"|61<br />Pm |style="text-align:center;background-color:#ffbfff;color:black;border:1px solid black;"|62<br />Sm |style="text-align:center;background-color:#ffbfff;color:black;border:1px solid black;"|63<br />Eu |style="text-align:center;background-color:#ffbfff;color:black;border:1px solid black;"|64<br />Gd |style="text-align:center;background-color:#ffbfff;color:black;border:1px solid black;"|65<br />Tb |style="text-align:center;background-color:#ffbfff;color:black;border:1px solid black;"|66<br />Dy |style="text-align:center;background-color:#ffbfff;color:black;border:1px solid black;"|67<br />Ho |style="text-align:center;background-color:#ffbfff;color:black;border:1px solid black;"|68<br />Er |style="text-align:center;background-color:#ffbfff;color:black;border:1px solid black;"|69<br />Tm |style="text-align:center;background-color:#ffbfff;color:black;border:1px solid black;"|70<br />Yb |style="text-align:center;background-color:#ffbfff;color:black;border:1px solid black;"|71<br />Lu |- |colspan="4" style="text-align:right"|** '''Actinidos''' |style="text-align:center;background-color:#ff99cc;color:black;border:1px dashed black;"|89<br />Ac |style="text-align:center;background-color:#ff99cc;color:black;border:1px solid black;"|90<br />Th |style="text-align:center;background-color:#ff99cc;color:black;border:1px dashed black;"|91<br />Pa |style="text-align:center;background-color:#ff99cc;color:black;border:1px solid black;"|92<br />U |style="text-align:center;background-color:#ff99cc;color:black;border:1px dashed black;"|93<br />Np |style="text-align:center;background-color:#ff99cc;color:black;border:1px solid black;"|94<br />Pu |style="text-align:center;background-color:#ff99cc;color:black;border:1px dotted black;"|95<br />Am |style="text-align:center;background-color:#ff99cc;color:black;border:1px dotted black;"|96<br />Cm |style="text-align:center;background-color:#ff99cc;color:black;border:1px dotted black;"|97<br />Bk |style="text-align:center;background-color:#ff99cc;color:black;border:1px dotted black;"|98<br />Cf |style="text-align:center;background-color:#ff99cc;color:black;border:1px dotted black;"|99<br />Es |style="text-align:center;background-color:#ff99cc;color:black;border:1px dotted black;"|100<br />Fm |style="text-align:center;background-color:#ff99cc;color:black;border:1px dotted black;"|101<br />Md |style="text-align:center;background-color:#ff99cc;color:black;border:1px dotted black;"|102<br />No |style="text-align:center;background-color:#ff99cc;color:black;border:1px dotted black;"|103<br />Lr |} <table align="center"> <caption>'''Series Cimical de la Table Periodal'''</caption><tr> <td bgcolor="#ff6666">Metal alcalin</td> <td bgcolor="#ffdead">Metal alcalin de tera</td> <td bgcolor="#ffbfff">Lantanido</td> <td bgcolor="#ff99cc">Actinido</td> <td bgcolor="#ffc0c0">Metal media</td></tr> <tr> <td bgcolor="#cccccc">Metal povre</td> <td bgcolor="#cccc99">Metaloide</td> <td bgcolor="#a0ffa0">Nonmetal</td> <td bgcolor="#ffff99">Alojen</td> <td bgcolor="#c0ffff">Gas nobil</td> </tr> </table> '''State a temperatur e presa normal''' * Aceles en leteras <span style="color:red;">roja</span> es gases (H, He, N, O, F, Ne, Cl, Ar, Kr, Xe, Rn) * Aceles en leteras <span style="color:green;">verde</span> es licuidas (Br, Hg) * Aceles en leteras <span style="color:black;">negra</span> es solidas * La states de la elementos sinteseda no es serta '''Elementos cual aveni natural o no natural''' * <div style="border:dotted 1px black;padding:1px;">Aceles en cuadros con bordas puntosa es sinteseda (Am, Cm, Bk, Cf, Es, Fm, Md, No, Lr, Rf, Db, Sg, Bh, Hs, Mt, Ds, Rg, Mt, Ds, Rg, Cn, Nh, Fl, Mc, Lv)</div> * <div style="border:dashed 1px black;padding:1px;">Aceles en cuadros con bordas de linietas veni de la dejenera de otra elementos (Tc, Pm, Po, At, Rn, Ra, Ac, Pa, Np)</div> * <div style="border:solid 1px black;padding:1px;">Aceles en cuadros con bordas solida es plu vea ca la tera</div> ==Lista de elementos par sua cortis, con lias a articles== {| class="toccolours" border="1" cellpadding="4" style="margin: 0 0 1em 1em; width: 40%; border-collapse: collapse; font-size: 95%; clear: right" |1||H||[[Idrojen]] |- |2||He||[[Elio]] |- |3||Li||[[Litio]] |- |4||Be||[[Berilio]] |- |5||B||[[Boro]] |- |6||C||[[Carbono]] |- |7||N||[[Nitrojen]] |- |8||O||[[Osijen]] |- |9||F||[[Fluor]] |- |10||Ne||[[Neon]] |- |11||Na||[[Sodio]] (Natrio) |- |12||Mg||[[Magnesio]] |- |13||Al||[[Aluminio]] |- |14||Si||[[Silisio]] |- |15||P||[[Fosfor]] |- |16||S||[[Sulfur]] |- |17||Cl||[[Cloro]] |- |18||Ar||[[Argon]] |- |19||K||[[Potasio]] (Calio) |- |20||Ca||[[Calsio]] |- |21||Sc||[[Scandio]] |- |22||Ti||[[Titanio]] |- |23||V||[[Vanadio]] |- |24||Cr||[[Cromo]] |- |25||Mn||[[Manganes]] |- |26||Fe||[[Fero]] |- |27||Co||[[Cobalto]] |- |28||Ni||[[Nicel]] |- |29||Cu||[[Cupre]] |- |30||Zn||[[Zinco]] |- |31||Ga||[[Galio]] |- |32||Ge||[[Germanio]] |- |33||As||[[Arsenico]] |- |34||Se||[[Selenio]] |- |35||Br||[[Bromo]] |- |36||Kr||[[Cripton]] |- |37||Rb||[[Rubidio]] |- |38||Sr||[[Strontio]] |- |39||Y||[[Itrio]] |- |40||Zr||[[Zirconio]] |- |41||Nb||[[Niobio]] |- |42||Mo||[[Molibdeno]] |- |43||Tc||[[Tecnesio]] |- |44||Ru||[[Rutenio]] |- |45||Rh||[[Rodio]] |- |46||Pd||[[Paladio]] |- |47||Ag||[[Arjento]] |- |48||Cd||[[Cadmio]] |- |49||In||[[Indio]] |- |50||Sn||[[Stanio]] |- |51||Sb||[[Antimonio]] (Stibio) |- |52||Te||[[Telurio]] |- |53||I||[[Iodo]] |- |54||Xe||[[Xenon]] |- |55||Cs||[[Sesio]] |- |56||Ba||[[Bario]] |- |57||La||[[Lantano]] |- |58||Ce||[[Serio]] |- |59||Pr||[[Praseodimio]] |- |60 ||Nd||[[Neodimio]] |- |61||Pm||[[Prometio]] |- |62||Sm||[[Samario]] |- |63||Eu||[[Europio]] |- |64||Gd||[[Gadolinio]] |- |65||Tb||[[Terbio]] |- |66||Dy||[[Disprosio]] |- |67||Ho||[[Holmio]] |- |68||Er||[[Erbio]] |- |69||Tm||[[Tulio]] |- |70 ||Yb||[[Iterbio]] |- |71||Lu||[[Lutesio]] |- |72||Hf||[[Hafnio]] |- |73||Ta||[[Tantalo]] |- |74||W||[[Uolframio]] |- |75||Re||[[Renio]] |- |76||Os||[[Osmio]] |- |77||Ir||[[Iridio]] |- |78||Pt||[[Platino]] |- |79||Au||[[Oro]] |- |80 ||Hg||[[Mercurio (elemento)|Mercurio]] |- |81||Tl||[[Talio]] |- |82||Pb||[[Plomo]] |- |83||Bi||[[Bismuto]] |- |84||Po||[[Polonio]] |- |85||At||[[Astato]] |- |86||Rn||[[Radon]] |- |87||Fr||[[Fransio]] |- |88||Ra||[[Radio]] |- |89||Ac||[[Actinio]] |- |90 ||Th||[[Torio]] |- |91||Pa||[[Protatinio]] |- |92||U||[[Uranio]] |- |93||Np||[[Netunio]] |- |94||Pu||[[Plutonio]] |- |95||Am||[[Amerisio]] |- |96||Cm||[[Curio]] |- |97||Bk||[[Bercelio]] |- |98||Cf||[[Californio]] |- |99||Es||[[Einsteinio]] |- |100||Fm||[[Fermio]] |- |101||Md||[[Mendelevio]] |- |102||No||[[Nobelio]] |- |103||Lr||[[Laurensio]] |- |104||Rf||[[Ruterfordio]] |- |105||Db||[[Dubnio]] |- |106||Sg||[[Seaborgio]] |- |107||Bh||[[Bohrio]] |- |108||Hs||[[Hasio]] |- |109||Mt||[[Meit­nerio]] |- |110||Ds||[[Darm­stadtio]] |- |111||Rg||[[Roent­genio]] |- |112||Cn||[[Coper­nicio]] |- |113||Nh||[[Nihon­io]] |- |114||Fl||[[Flerov­io]] |- |115||Mc||[[Moscov­io]] |- |116||Lv||[[Liver­morio]] |- |117||Ts||[[Tenness­in]] |- |118||Og||[[Oga­nesson]] |} [[Category:Cimica]] [[Category:Lista]] [[Categoria:Elementos]] s1zvu0pbzfblmzl87ve79ieszsstfvi 0 1812 38042 36326 2022-08-25T00:36:44Z 176.104.110.11 wikitext text/x-wiki {{Infocaxa pais |nom = Republica de Cosovo<br>''Republika e Kosovës''<br>''Република Косово''<br>''Republika Kosovo'' |bandera = Flag of Kosovo.svg |scermo = Coat of arms of Kosovo.svg |mapa = [[Image:Europe-Republic of Kosovo.svg|307px]] |capital = [[Pristina]] |lingua ofisial = [[Xcip (lingua)|Xcip]] |governa = Republica parlamental |xef de stato = Presidente [[Vjosa Osmani]] |xef de governa = Ministro xef [[Albin Kurti]] |area = 10 887 |popla = 1 739 825 |densia = 159,81 |PIB = 13 020 milion |mone = Euro |zona de ora = CET (UTC+1) |interede = |numero de telefon = +383 |loca = [[File:Kosovo-map.gif|307px]] }} '''Cosovo''' es un teritorio disputada e stato partal reconoseda en [[Europa]] sude-este. Lo ia declara sua autonomia de [[Serbia]] en febrero 2008 como la '''Republica de Cosovo'''. Lo es en la Penisola Balcan sentral, ma sin costa. Par causa de sua loca stratejial, lo es un lia major entre Europa sentral e sude, la Mar Adriatica e la Mar Negra. Sua capital e site la plu grande es [[Pristina]], e otra urbes major inclui [[Prizren]], [[Peć]] e Ferizaj. Lo es bordada par Xciperia a la sude-ueste, la Republica de Macedonia a la sude-este, Tsernagora a la ueste, e la parte nondisputada de Serbia a la norde e este. An si Serbia reconose la maneja de la teritorio par la governa elejeda de Cosovo, lo continua reclama lo como sua propre Provinse Autonom de Cosovo e Metohia. La istoria de Cosovo comensa en la eda paleolitica, representada par la cultures Vinča e Starčevo. En la periodo clasica, lo ia es abitada par poplas ilirian-dardanian e celta. En 168 aec, la rejion ia es proprida par la romanes. En la eda medieval, la pais ia es concistada par la Imperos Bizantian, Balgarsce e Serbsce. On regarda la Batalia de Cosovo en 1389 como un de la momentos defininte de la istoria medieval serbsce. La pais ia es la nucleo de la stato medieval de Serbia, e ia es ance la seja de la Eglesa Ortodox Serbsce de la sentenio 14, cuando sua grado ia alti a un patriarcia. Cosovo ia es un parte de la Impero Osmanian de la sentenio 15 asta la temprana de la sentenio 20. En la tarda de la sentenio 19, lo ia deveni la sentro de la velia nasional xcip. Pos sua defeta en la Geras Balcan, la osmanianes ia sede Cosovo a Serbia e Tsernagora. Ambos paises ia junta se a Iugoslavia pos la Gera Mundal Prima, e pos un periodo de unisme iugoslavian en la rena, la constitui de Iugoslavia pos la Gera Mundal Du ia institui la Provinse Autonom de Cosovo e Metohia en la Republica de Serbi, alora un composante de Iugoslavia. Tensa entre la comunias xcip e serbsce de Cosovo ia esiste en modo supresada tra la sentenio 20, e ia eruta como violentia major a veses, culminante con la Gera de Cosovo de 1998 e 1999, cual ia resulta la retira de soldatos serbsce e la institui de la Mision de Maneja Tempora de la Nasiones Unida en Cosovo. A 17 febrero 2008, Cosovo ia declara uniladal sua autonomia de Serbia. A pos, lo ia es diplomata reconoseda como un stato autonom par 110 statos membros de la NU. Serbia refusa reconose Cosovo como stato, an si lo ia aseta la legalia de sua instituidas pos la Acorda de Bruxelles de 2013. Cosovo ave un economia de revenu media basa, e ia esperia crese economial en cada anio pos la comensa de la crise finansial global en 2008. La area es sirca 10 908 cilometres cuadrida. La cuantia de abitores, en la anio 2007, ia es sirca 1 804  838 persones. {{Paises de Europa}} [[Category:Cosovo]] [[Category:Jeografia]] КОСОВА РЕПУБЉИК СЉАДОЉЕДА И БУРЕКА czegtdy767n8cpn4k9n4o6dd4n51tzo 38043 38042 2022-08-25T00:37:09Z 1234qwer1234qwer4 3860 Editas par [[Special:Contributions/176.104.110.11|176.104.110.11]] ([[User talk:176.104.110.11|discute]]) ia es reversada a la revisa la plu resente par [[User:Dentela|Dentela]] wikitext text/x-wiki {{Infocaxa pais |nom = Republica de Cosovo<br>''Republika e Kosovës''<br>''Република Косово''<br>''Republika Kosovo'' |bandera = Flag of Kosovo.svg |scermo = Coat of arms of Kosovo.svg |mapa = [[Image:Europe-Republic of Kosovo.svg|307px]] |capital = [[Pristina]] |lingua ofisial = [[Xcip (lingua)|Xcip]] |governa = Republica parlamental |xef de stato = Presidente [[Vjosa Osmani]] |xef de governa = Ministro xef [[Albin Kurti]] |area = 10 887 |popla = 1 739 825 |densia = 159,81 |PIB = 13 020 milion |mone = Euro |zona de ora = CET (UTC+1) |interede = |numero de telefon = +383 |loca = [[File:Kosovo-map.gif|307px]] }} '''Cosovo''' es un teritorio disputada e stato partal reconoseda en [[Europa]] sude-este. Lo ia declara sua autonomia de [[Serbia]] en febrero 2008 como la '''Republica de Cosovo'''. Lo es en la Penisola Balcan sentral, ma sin costa. Par causa de sua loca stratejial, lo es un lia major entre Europa sentral e sude, la Mar Adriatica e la Mar Negra. Sua capital e site la plu grande es [[Pristina]], e otra urbes major inclui [[Prizren]], [[Peć]] e Ferizaj. Lo es bordada par Xciperia a la sude-ueste, la Republica de Macedonia a la sude-este, Tsernagora a la ueste, e la parte nondisputada de Serbia a la norde e este. An si Serbia reconose la maneja de la teritorio par la governa elejeda de Cosovo, lo continua reclama lo como sua propre Provinse Autonom de Cosovo e Metohia. La istoria de Cosovo comensa en la eda paleolitica, representada par la cultures Vinča e Starčevo. En la periodo clasica, lo ia es abitada par poplas ilirian-dardanian e celta. En 168 aec, la rejion ia es proprida par la romanes. En la eda medieval, la pais ia es concistada par la Imperos Bizantian, Balgarsce e Serbsce. On regarda la Batalia de Cosovo en 1389 como un de la momentos defininte de la istoria medieval serbsce. La pais ia es la nucleo de la stato medieval de Serbia, e ia es ance la seja de la Eglesa Ortodox Serbsce de la sentenio 14, cuando sua grado ia alti a un patriarcia. Cosovo ia es un parte de la Impero Osmanian de la sentenio 15 asta la temprana de la sentenio 20. En la tarda de la sentenio 19, lo ia deveni la sentro de la velia nasional xcip. Pos sua defeta en la Geras Balcan, la osmanianes ia sede Cosovo a Serbia e Tsernagora. Ambos paises ia junta se a Iugoslavia pos la Gera Mundal Prima, e pos un periodo de unisme iugoslavian en la rena, la constitui de Iugoslavia pos la Gera Mundal Du ia institui la Provinse Autonom de Cosovo e Metohia en la Republica de Serbi, alora un composante de Iugoslavia. Tensa entre la comunias xcip e serbsce de Cosovo ia esiste en modo supresada tra la sentenio 20, e ia eruta como violentia major a veses, culminante con la Gera de Cosovo de 1998 e 1999, cual ia resulta la retira de soldatos serbsce e la institui de la Mision de Maneja Tempora de la Nasiones Unida en Cosovo. A 17 febrero 2008, Cosovo ia declara uniladal sua autonomia de Serbia. A pos, lo ia es diplomata reconoseda como un stato autonom par 110 statos membros de la NU. Serbia refusa reconose Cosovo como stato, an si lo ia aseta la legalia de sua instituidas pos la Acorda de Bruxelles de 2013. Cosovo ave un economia de revenu media basa, e ia esperia crese economial en cada anio pos la comensa de la crise finansial global en 2008. La area es sirca 10 908 cilometres cuadrida. La cuantia de abitores, en la anio 2007, ia es sirca 1 804  838 persones. {{Paises de Europa}} [[Category:Cosovo]] [[Category:Jeografia]] c7lzi5i8h9moxjudx25qvxpqdplvx6m 0 4714 38048 28102 2022-08-25T01:50:16Z Kwamikagami 2190 wikitext text/x-wiki [[File:Peace symbol (bold).svg|thumb|La simbol de pas, cuasi universal en la mundo moderne]] '''Pasisme''' es la oposa a gera, militarisme, o viole. La parola ia es creada (como "pacifism") par la promover franses de pas [[Émile Arnaud]] (1864–1921), e ia es adotada par otra ativistes a la [[Congresa des de Pas Universal]] en [[Glasgow]], en 1901. Un terma relatada es ''ahimsa'' (sanscrito per "no feri"), cual es un filosofia sentral en [[Induisme]], [[Budisme]], e [[Jainisme]]. Lo es ance un idea sentral en la lesones par [[Jesus Cristo]]. En tempos moderne, interesa ia es reviveda par persones como [[Henry David Thoreau]] e [[Leo Tolstoy]] en sua obras tarde, spesial en ''La rena de dio es en tu''. [[Mahatma Gandhi]] (1869–1948) promoveda la pratica de oposa firma nonviolente, cual el nomi ''satyagraha'', importante en sua rol en la promove per autonomia indian. La efetosia de esta ia inspira [[Martin Luther King Jr]], [[James Lawson]], [[Thich Nhat Hanh]], e multe otras en la promove per diretos sivil. Pasisme es compende par individuas en modos diferente. La interpreta la plu estrema es pasisme completa, cual dise ce cualce forma de viole es mal. Esta no es un idea fasil realida, an si lodable. Con la multe casos de malia en la mundo, algun ci no atenta combata lo en tota casos es, en alga opinas, aidante la malia. La plu de pasistes crede ce viole es serta mal, ma on ave casos en cual viole no pote es evitada. La esemplos plu clar es cuando on es atacada, e nonata ta resulta en moria, o cuando algun ataca un inosente, pe un enfante, un person sin defendes, o un person ci es atacada per no razona plu ca odi. Un caso multe difisil es la idea de un [[gera justida]]. Multe geras es causada par la persones ci rena o controla un tribu, nasion, o otra organiza, per estende sua potia, ricia, etc. La plu de pasistes crede ce razonas como "suporta tua nasion" o "batalia per tua re", no sufisi. Ma lo es posible, los pensa, ce un gera es nesesada, denova per [[autodefende]] o la defende de la inosentes. Otras ta ajunta razonas como batalia per libria, contra tiranos, contra invadores, e simil. Ma otras ancora crede ce la metodos de nonviole, como los de Gandhi, es plu produosa. [[Categoria:Politica]] 39vaq6b3zenksj4kdtnv0prmanaferz 0 6304 38045 33770 2022-08-25T01:13:29Z Sdiabhon Sdiamhon 4353 wikitext text/x-wiki [[File:Irelands history.jpg|thumb|Newgrange, la tomba con pasajes la plu grande de Er neolitica, sirca 3200 aec]] [[File:Newgrange, Meath.jpg|thumb|La porton a Newbrange, e la petra de entra]] '''Er preistorial''' ia comensa con la indicas prima de umanas en [[Er]] sirca 10,500 aec, e fini con la comensa de la arcivo istorial de sirca 400 ec. Ambos de esta datos es plu tarda ca multe de Europa e tota de Asia sude-ueste. La periodo preistorial inclui la [[paleolitica]], [[mesolitica]], [[neolitica]], [[eda de cupre]], [[eda de bronze]], e [[eda de fero]] de la sosias de Er. Per la plu de Europa, la arcivo istorial comensa cuando la romanes invade; car Er no ia es invadeda par la romanes, sua arcivos istorial ia comensa plu tarda, con la ariva de cristiania. La du periodos cual ia dona a nos la restas la plu merveliosa es la neolitica, con sua tombas megalital, e la joalas de oro de la eda de bronze, cuando Er ia es un sentro major de mina de oro. Er ave multe areas de [[pantan]], e un cuantia grande de trovas arceolojial ia es de esta areas. La situa nonairobial a veses pote conserva materias organica multe bon, como la casos de corpos de pantan, un trapa de pexores de vim de la mesolitica, e un peso de stofa delicata con borlas de capeles de cavalos. ==Glasia e la paleolitica== [[File:Www.wesleyjohnston.com-users-ireland-maps-historical-ice age.gif|thumb|Mapa de Er en la eda glasial]] En la glasia cuatronaria la plu resente, telones de glasa plu ca 3000 metres de spesia ia covre la tera de Er, polvinte rocas e osos, e eliminante tota mostras de vilas de la umanas temprana en la periodo calda de Glenavian; restas umana cual dati ante la glasia final ia es descovreda en la sude estrema de Britan, cual ia evita apena la avansa de la glasias. En la [[Masima Glasial Final]] (sirca 26,000 - 19,000 anios a ante, Er ia es un tundra artica. La efetos de esta periodo sur Er ia es nomida la Glasia Jeneral Interna. Lo ia es crededa a ante ce en esta periodo, jelo ia covre du tris de Er. Indicas plu resente ia mostra ce esta no es vera, e sujesta ce la telon de jelo ia estende ultra la costa sude de Er. En la periodo entre 17,500 e 12,000 anios a ante, un periodo plu calda, nomida la Bølling-Allerød, ia permete la reabita de areas de Europa norde par coliores-xasores nomada. Indicas jenetica sujesta ce esta reocupa ia comensa en Europa sude-ueste, e restas de animales sujesta ce un refuja en Iberia esiste cual estende tan norde ca Frans. Spesies como renos e uros ia es entre la spesies cual ia es atraeda par la norde. Alga locas tan norde como Sveria cual ia es abitada plu temprana ca 10,000 anios a ante, sujesta ce umanas ia usa la finis de la glasias como loca de cual los ia xasa predas migrante. La esiste de predas e la cambias de clima ia trae umanas a la borda de la zonas sin jelo la plu norde par la comensa de la olosene, e esta ia inclui rejiones prosima a Er. Ma la clima de Er mesma no ia es multe bonveninte per la plu de animales e plantas european, e abita par umanas no ia es probable, an si pexa ia es posible. Britan e Er ia es posible liada par un ponte de tera, ma car esta lia ia ta es taliada par niveles de la mar levante tan temprana en la periodo calda, probable par 16,000 aec, poca plantas e animales ia ta crusi a Er. Serpentes e otra retiles no ia pote repopla Er car cualce ponte de tera ia desapare ante temperatures ia deveni sufisinte calda per los. Cuando la niveles de la mar ia redui e relia Britan e Europa, cual permane multe plu longa, probable asta sirca 5600 aec. La umanas moderna la plu temprana en Er dati a la eda paleolitica tarda. [[Dati radiocarbonal]] de un oso de un urso cual ia es taliada ia dona un dato de sirca 10,500 aec. Un loca brites a la costa este de la [[Mar Eres]], datida a 11,000 aec, ia indica de persones ia es en la area ia come un dieta maral cual ia inclui crustaseos e moluscos. Esta umanas ia pote ance posible coloni Er par crusi de Cerno. Otra locas cual ofre crusis fasil e entre Er e Cimri sude, e entre Er e Scotland a moderna Kintyre. Esta popla ia pote trova poca recursos estra pexa per crustaseos e moluscos e colie cuercas, e donce ia abita la area temprana. La costa temprana de Er es aora cuasi tota su mar, donce la confirma de la esiste de poplas costal es perdeda. La reveni de un clima multe fria en la periodo de la [[Drias plu joven]], cual ia dura de 10,900 a 9700 aec, probable despopla Er. La nivel de la mar ia continua leva e no ponte entre Britan e Er ia redevelopa. ==Mesolitica (8000–4000 aec)== [[File:Hunter gatherer's camp at Irish National Heritage Park - geograph.org.uk - 1252699.jpg|thumb|Un campa de la xasores-coliores, de la mesolitica]] [[File:First Irish farmers hut, Irish National Heritage Park - geograph.org.uk - 1252729.jpg|thumb|Un casa de la cultivores prima, de la neolitica]] La eda glasial final ia fini en Er sirca 8000 aec. La indica de abita par umanas la plu temprana pos la retrae de la jelo ia es datida a la mesolitica, sirca 7000 aec. An si la niveles de la mar ia es ancora plu basa ca oji, Er ia es probable ja un isola par la tempo cuando la colonistes prima ia ariva par barco de Britan. La abitantes la plu temprana ia es marinores ci ia depende per la plu de sua nesesadas de la mar, e an colonias plu interna no ia es tro distante de la acua. Indicas per xasores-coliores de la mesolitica ia es trovada tra la isola: Un cuantia de escavas clavin es la loca de colonia a [[Monte Sandel]] en [[Contia Londonderry]], la senis a la riva de la [[Rio Shannon]] en [[Contia Limerick]], e la campa a [[Lough Boora]] en [[Contia Offaly.]] La xasores-coliores de la mesolitica ia vive sur un dieta variada de comedas de mar, avias, porcos savaje, e nozetas. On ave no indicas de servos en la mesolitica eres, e lo es probable ce la servos roja prima ia es introduida en la fases temprana de la neolitica. La popla ia xasa con lansas, arcos e flexas, e arpones, puntida con lamas peti de petra nomida microlitos, e aumenta sua dieta con nozas, frutas, e bacas. Los ia abita en campas saisonal, cual los ia construi par estende peles de animales o palia supra strutures de lenio. Los ia usa ximinerias estra casa per coce sua comedas. En la mesolitica, la cuantia de persones en Er ia es probable no plu ca alga miles. fabricadas survivente inclui lamas e puntos de microlitos peti, e utiles e armas de petra plu grande, e spesial la flocos multiusal de Bann (pesos grande sin multe refina). ==Neolitica (4000–2500 aec)== Multe areas de Europa ia entra la eda neolitica con un "paco" de sereal de varias elejeda, animales domada (boves, capras, e oveas), vasos, tecnicas de texe, construi de casas, e cultures de entera, cual ia ariva simultan, comensante en Europa sentral como la [[cultur de vasos de bandas]] (LBK) sirca 6000 aec. En alga sentos de anios, esta cultur es videda en Frans norde. Un otra cultur neolitica, la [[cultur La Hoguette]], ia ariva en Frans norde-ueste, e pare como un derivada de la cultur cardial de Iberia e Italia. Esta cultur ia eleva oveas e capras plu intensa. Per 5100 aec, on ave indicas de la usa de lete de bove en England sude, e boves simil a los de England oji ia comensa apare, de los cual ia es domada orijinal en la rejion de la Mar Ejean plu temprana. Esta animales ia es probable derivada de la boves de LBK. Sirca 4300 aec, boves ia ariva en Er norde en la mesolitica tarda. La servos roja ia es ance introduida a esta tempo. Restas de esta paco neolitica en Er inclui la sereales, construidas (simil a los en Scotland), e monumentos de petra ia es trovada. La indicas clar de la esiste de neolitica cultivores en Er es a la [[Penisola Dingle]], como osos de boves, un dente de un ovea, e un cotel de silica datida a 4350 aec. En [[Contia Mayo]], un sistem de campos neolitica estendosa ia es conservada su un covre de pantan - un de la plu vea en la mundo. Composada de campos peti separada par mures de petras, la [[Campos Ceide]] ia es cultivada per alga sentenios entre 3500 e 3000 aec. Trigo e orzo ia es la sereales prinsipe. Vasos ia apare sirca esta periodo de cultiva ance, tipal simil a los trovada en Britan norde, apare en la mesma periodo en Ulster e Limerick. Tipal de esta vasos ia es boles con bocas larga e basas ronda. Alga rejiones de Er ia mostra motifes de pastoria cual ia indica ce alga popla neolitica ia continua move, e ce ativias pastoral ia domina ativias cultival en multe rejiones, o ce on ave un divide de labora entre la du aspetas de la neolitica. A la culmina de la neolitica, la cuantia de persones de la isola ia es probable plu ca 100,000, e posible tan alta como 200,000. Ma lo pare ce un colasa de la economia de la isola ia aveni sirca 2500 aec, e la cuantia de persones ia declina per un periodo. ===Monumentos=== [[File:Creevykeel2.jpg|thumb|Un tomba con patio a Creevykee en Contia Sligo]] [[File:Knowth02.jpg|thumb|Knowth, un tomba con pasaje a Brú na Bóinne]] [[File:Pollnabrone.jpg|thumb|La dolmen Poulnabrone, un tomba con porton a la Burren]] [[File:Glantane East Wedge Tomb.jpg|thumb|Un tomba cuneo a Glantane este]] La cualia la plu stonante de la neolitica en Er ia es la apare subita e sperde dramosa de la [[monumentos megalital]]. La plu grande de esta tombas ia es clar locas de importa relijiosa e ritual per la popla. En la plu de la tombas cual ia es escavada, restas umana es trovada, plu comun (ma no tota) senida. Benes funeral - puntos de flexas, vasos, perletas, pendentes, axas, etc - ia es ance descovreda. Esta tombas megalital, plu ca 1200 de cual ia es aora conoseda, pote es divideda entre cuatro grupos larga, tota de cual ia es orijinal covreda con tera, ca en multe casos ia es erodeda a via per revela strutures de petra multe impresante: Monumentos con patios per entra: Los es trovada cuasi tota en la norde de la isola, e es crededa como inclui la esemplos la plu vea. Mayo norde ave multe de esta tipos de megalitos - Faulagh, Kilcommon, Erris. Tombas con pasajes: Estas es la grupo la plu peti en cuantia, ma los es la plu impresante en grandia e importa. Los es ance trovada tra Europa, e en Er es distribuida xef tra la norde e este, spesial en la cuatro semeteros grande neolitica de [[Contia Meath]] e [[Contia Sligo]]. La plu famosa es [[Newgrange]], un de la plu vea monumentos astronomial aliniada en la mundo. Lo ia es construida sirca 3200 aec. A la solstisio de inverno, la raios prima de la sol levante brilia tra un caxa de lus supra la entra a la tomba e lumina la camera de entera a la sentro de la monumento. Un otra de la megalitos de Boyne, Knowth, ia es crededa como conteni la mapa la plu vea de la luna, siselida en petra. Tombas con portones: Esta tombas inclui la dolmenes plu bon reconoseda. Los es composada de tre o plu petras vertical suportante un petra ultima orizonal. Los ia es orijinal covreda con tera per formi un tumulo, ma comun, sua covre ia es aora erodeda, cual revela un strutur de petra multe impresante. La plu de los es trovada en du consentras, a la sude-ueste de la isola e a la norde. Du en [[Contia Waterford]] es esemplos spesial. Tombas cuneo: La plu grande e plu sperdeda de la cuatro grupos, la tombas cuneo es spesial comun en la ueste e sude-ueste. [[Contia Clare]] es spesial rica con los. Los es la tipos la plu tarda e parteni a la fini de la neolitica. Los deriva sua nom de la cameras de entera en la forma de cuneos. ===Fabricadas portable=== La axa de petra ia es la util xef e esensal per cultiveria, fabricada curante en un varia de stilo, e comun briliada. La produidas de la fabricerias de axas prosima a fontes de [[porselanita]], un petra spesial bon, ia es intercambiada tra Er. La locas major ia es en [[Contia Antrim]]. On ave ance importas de Britan, incluinte la produidas de la industria de axas en Langdale, de la [[Distrito de Lagos (Britan)]]. On ave un clase plu rara de axas importada per sua prestijia, fabricada de [[jadeita]] de Italia norde. Estas pote es intercambiada lente tra Europa per ateni Er tra un periodo de sentenios, e mostra no indicas de usa. Axas miniatur, tro peti per usa, ia es ance fabricada. Un esemplo ave un fora per un corda, e es posible portada como joalas o como un joalas majiosa. Otra utiles de petra ia es siseles, axias, rompetestas, e puntos per lansas. Los pote ance es trovada un formas miniatur. Perletas perforada e pendentes ia es trovada, e du colaretas de concas, es fabricada con multe cura, con concas de [[litorina]]s. Estas es trovada sur la corpos de du omes. Como un esemplo de la conserva estrema de la pantanes, parte de un saco, delicata texeda, con manicos sirculo, ia survive. Lo ia es fabricada de materia de cana, enrolada sirca bandas magra de lenio. Vasos decorada, probable fabricada per usa funeral, pare atenta imita la desinias de sestos. ==Edas de cupre e bronze (2500–500 aec)== [[File:Blessington lunula.BM.WG.31 (cropped).jpg|thumb|Un lunula de Blessington, 2400-2000 BC]] [[File:UlsterMuseumPrehistoryBrGold (2).JPG|thumb|Fisadores de vestes e un torce de oro, e un colareta de ambar, eda de bronze]] [[File:Gleninsheen gold gorget.jpg|thumb|Un covrecolo de oro de Gleninsheen]] [[File:Bronze Age bracelet from Castlederg.jpg|thumb|Un braseleta de Castlederg, eda de bronze]] [[File:Gold Dress Fastener of Clones in Co Monaghan (800-700 BC) in National Museum Dublin.jpg|thumb|Un fisador de Clones en Contia Monaghan, 800-700 aec]] [[File:Broighter Gold, Dublin, October 2010 (01) (cropped).JPG|thumb|Un model de un barcon, de la cumula de Broighter, Dublin, sirca 100 aec]] [[Metalurjia]] ia ariva en Er con un popla nova, jeneral conoseda como la popla de la cultur de vasos campanin, nomida per sua vasos, cual ave la forma de un campania inversada. Esta ia es multe diferente de la vasos con un basa ronda. Lo es trovada, per esemplo, a [[Isola Ross]], e es asosiada con la mina de cupre ala, cual ia comensa a min en 2400 aec. La rexercores no acorda sirca cuando la parlores de la lingua celta ia ariva prima en Er, ma alga crede ce los es la popla de esta cultur. Otras crede de la celtas ia ariva en la comensa de la eda de fero. La eda de bronze ia comensa cuando cupre ia es aliada con stanio per produi fabricadas vera bronze, e esta ia aveni sirca 2000 aec cuando alga axas plata (de la tipo Ballybeg) e otra cosas de bronze ia es produida. La stanio ia debe es importada, tipal de [[Cuerno]]. En la periodo ante esta, en cual la plu de la axas plata ia es produida, es conoseda como la eda de cupre, comensante sirca 2500 aec. Bronze ia es usada per la fabrica de armas e utiles. Spadas, axas, dagas, axetas, alabardas, alenas, copas, e trompas ia es alga de la cosas trovada a locas de la eda de bronze. Artisanes eres ia es spesial notada per la trompas, cual ia es fabricada par la prosede de sira perdeda. La cupre usada en la fabrica de bronze ia es minada en Er, xef en la sude-ueste de la isola, e la stanio ia es importada de Cerno en Britan. La mineria la plu vea conoseda ia es a Isola Ross, cual ia opera entre 2400 e 1800 aec. Un otra mineria bon conservada ia es descovreda a [[Monte Gabriel]] en [[Contia Cork]], cual ia opera per alga sentenios en la media de la milenio du aec. La minerias en Cork e Kerry ia produi tan multe como 370 tones de cupre en la eda de bronze. Er ia es ance rica en oro nativa, e la eda de bronze ia ave la fabrica estendente prima de esta metal cara par artisanes eres. Plu cumulas de oro de la eda de bronze ia es descovreda en Er ca cualce otra loca en Europa. Ornas de oro eres ia es trovada tan distante como Deutxland e Scandinavia, e comersia relatada a oro ia es posible un fator major en la economia de Er en esta eda. En la periodos temprana de la eda de bronze, la ornas de oro ia inclui lunetas simple ma delicata decorada, un tipo spesial eres, e plu tarda ance fabricada en Britan e Europa continental, e discos de folia magra de oro. Multe de estas pare es en usa per un tempo longa ante es deponeda. Plu tarda, la [[torce]], magra e torseda, ia apare; esta ia es un colareta composada de un bara o banda de metal, torseda a un spiral. Otra tipos de joalas de oro fabricada en Er (e en Britan) ia inclui orealetas, discos de sol, brasaletas, fisantes per vestes, e en la eda de bronze tarda, la covrecolos grande e joalas majiosa sferin. Pos la eda de bronze, ojetos de oro sesa es produida en Er. Posible, la depones de oro en Er ia deveni consumada. Construi de tombas cuneo ia diminui de sirca 2200 aec, e an si la tradision pasada de monumentos grande ia es multe reduida, la monumentos esistente ia continua es usada per rituos. A la fini de la eda de bronze, la caxones funeral ia apare. Los es composada de un caxa de petra, peti e retangulo, covreda con un bloco e enterada un distantia corte su la surfas. La corpo ia pote es senida, o no. Vasos decorada acompania frecuente la restas, e plu tarda la restas senida ia es poneda en la vaso, cual es inversada. Un cuantia de sirculos de petra ia es erijeda ance a esta tempo, xef en Ulster e Munster. La eda de bronze es suposada la tempo en cual la plu de la construis fortida nomida [[cranog]]es en Er ia comensa, an si multe locas pare es usada, continuante o a veses, tra longa periodos, an a la eda medieval. Estas es casas de lenio construida en lagos basa per securia, comun con un paseria magra a la riva. Alga ia usa e estende isoletas natural, e la plu grande probable es abituada multe familias e sua animales. La cumula grande de Dowris, orijinal de plu ca 200 cosas, la plu de bronze, ia dona sua nom a la periodo Dowris, la nom per la fase final de la eda de bronze de Er, sirca 900-600 aec. Con 48 esemplos, la cumula ia conteni cuasi tota de la ''crotales'', clicadores en la forma de un testiculo de un bove, e 24 trompas, armas, e vasos. La "onca de carne" de Dunaverney (sirca 1050-900 aec), un strumento longa per tira pesos de carne de un calderon grande de ragu, sujesta ce bancetas grande de la elites ia es importante, e refleta influe de Europa. Calderones multe grande de bronze rebitida ia es ance fabricada. Cuantias grande de armas de bronze ia es produida, e formas tipal de spadas ia cambia de cortas per dagi e puxa sur pede, a longas, posible per un geror sur cavalo. En la eda de bronze, la clima de Er ia dejenera, e desforesti estendeda ia aveni. La cuantia de persones en Er a la fini de la eda ia es probable plu ca 100,000 o tan alta como 200,000. Lo es posible no plu grande ca cuando a la culmina de la eda neolitica. La eda de bronze en Er ia dura asta 500 aec, plu tarda ca en Britan e Europa continental. ==Eda de fero (500 aec – 400 ec)== [[File:NavanFortIronAge (2).JPG|thumb|Un model de un fortres sirculo de 100 BC]] [[File:Ptolemy's Ireland.png|thumb|Un mapa de la tribus de Er, seguente Ptolemia]] La eda de fero eres ia comensa sirca 500 aec e alora continua asta la eda de cristiania en Er, cual trae alga arcivos scriveda e alora marca la fini de Er preistorial. Ma alga dati radiocarbonal resente de la ase de lenio de un punto de fero trovada en la [[Rio Inny]], dona un dato de entre 811 e 673 aec. Esta pote erode la crede, ancora tenida par alga, ce la ariva de fero ia marca la comensa de la ariva de la celtas a la isola. A la otra lado, multe teni la vista ce esta ia aveni con la popla de la cultur de vasos campanin, probable parlante un lingua indoeuropean, ia ateni Er en la eda plu temprana de bronze. La [[linguas celta]] de Britan e Er es tipal divideda entre du: [[Goidelica]] e [[Britonica]]. La arcivos scriveda en celta ia apare en la sentenio sinco, en la forma de eres primitiva en Er, e en la forma de britonica comun en Britan. La eda de fero inclui la periodo en cual la romanes ia rena la parte la plu grande de Britan. La interesa cual la romanes ia ave en la area, incluinte Er, ia resulta en la scrives plu temprana sur Er. La nomes de sua tribus ia es arcivida par la jeografiste [[Ptolemia]] en la sentenio du ec. La tribus de Er ia inclui a min tre con nomes la mesma como o simil a tribus brites o galo: la ''brigantes'' (ance la nom de la tribu la plu grande en Britan norde e media), la ''manapii'' (posible la mesma como la ''menapii,'' un tribu beljes de Galia norde), e la ''coriondi'' (un nom simila lo de ''corinion'', de Britan norde). Asta sirca 150 aec, on ave multe trovas cual mostra la influe de stilos de Europa continental e alga importas direta. Pos acel dato, relatas con stilos brites domina, posible refletante alga move de poplas. Esemplos de Er de la eda de fero de la stilo de la [[cultur La Tene]] es rara, cual es alga confusante. Estas es pos cuando arte celta en otra partes de Europa, incluinte Britan, ia es ja incluida en arte galo-roman e simil. An tal, lo ia es en Er ce acel stilo ia pare revive en la periodo cristian temprana, per formi la arte de la [[libro de Kells]] e otra obras mestral, posible influeda par la stilos roman tarda e brites pos roman. La cumula de oro de Broighter, de Ulster, de la sentenio prima aec, ia inclui un model de un barco peti, un torce grande con decoras relevada en un stilo clasica, e otra joalas de oro probable importada de la mundo roman, posible tan distante como Alesandria. Lo es posible ce la capo de Drumanagh, prosima a [[Dublin]], ia es un sentro per comersia con Britan roman. Lo es un esemplo de un fortres promontania cual usa la presipes, con un "colo" magra, per redui la estende de forti nesesada. En Er, estas pare es xef un marca de la eda de fero, con algas posible datinte a la eda de bronze, e continuante es usada en la eda medieval temprana. La plu de esta fortreses dati de la periodo istorial, ma alga de la sirca 60,000 de fortreses anelo en Er dati a retro a la eda de fero tarda. Estas varia multe en grandia, de abitadas per un familia e sua sclavos e un ensirca per animales, a algas multe plu grande cual ia ave clar un sinifia political e militar. On ave alga fortreses anelo en la compleso sur la [[colina de Tara]], cual pare ave sua orijinas en la eda de fero tarda, an si la loca inclui ance un entera con pasaje de la neolitica e otra tombas plu temprana, Esta es un de un cuantia de locas major liada en leteratur e mitolojia plu tarda con res, e probable ia ave un sinifia ritual e relijiosa, cual no pote es clarida aora. La fortres Navan, un otra loca sur un colina, ia ave un construida sirculo multe grande construida en sirca 100 aec. Lo ia es 40 metres diagonal, con 275 palos de arbores en anelos. La plu grande ia es la palo sentral, un arbor cortida sirca 95 aec. En un sola sentenio seguente, la tota construida ia es destruida en un modo ritual. Otra construis grande, cual nesesa multe organiza sosial, inclui murones de tera, probable per indica bordas e ata como blocos contra atacas per boves, e la vias de lenios tra areas de pantan, incluinte la via a Corlea, datida a 148-147 aec, e sirca un km longa e tre metres larga. La eda de fero tarda ia vide cambias grande en ativia umana. Esta "eda oscur eres" ia es un periodo de stania economial e cultural, durante de 100 aec a 300 ec. La sentenios 3 e 4 ia vide recovre rapida. Lo ia es posible ce la recovre ia es liada a la "eda orosa" de Britan roman en sentenios 3 e 4. Esta es ance la tempo en cual alga arcivos ia comensa apare. Leteratur eres no ia es scriveda asta multe plu tarda, ma multe rexercores ia es preparada per aseta ce la sicles ia es conservada en alga forma la elementos de multe plu temprana, e dona alga comprende de la mundo de la elites final de Er preistorial. ==Corpos de la pantanes== [[File:Bog-body Clonycavan-Man.jpg|thumb|La corpo de la om de Clonycavan, conservada par la pantan]] La areas grande de pantan en Er ia produi plu ca 10 corpos antica, la plu de la eda de fero. Algas ia es trovada e reenterada ante rexerca arceolojial e siensal ia es posible. Algas ia survive sola como sceletos. Ma la esemplos la plu bon conservada ia reteni la pel, capeles, e vestes completa. La plu vea es la [[om de Stoneyisland]] de la neolitica, posible la vitim de un asidente en un barceta sirca 3320-3220 aec. La [[om de Cashel]] ia es matada sirca 2500-2000 aec en la eda de bronze temprana, e es un mata posible ritual. Eruditas pensa aora ce estas ia es res deponeda sacrifiada pos un fali en sua rena, posible pos falis de la colies. Du esemplos de la eda de fero, ambos de sira 400 a 175 aec, pare es vitimes elite de matas ritual. Otra corpos pare es simple enteras normal. [[Categoria:Arceolojia]] [[Categoria:Er]] i6mkjl0238iy66yyvcxe21xsmw7g286 38046 38045 2022-08-25T01:14:46Z Sdiabhon Sdiamhon 4353 wikitext text/x-wiki [[File:Irelands history.jpg|thumb|Newgrange, la tomba con pasajes la plu grande de Er neolitica, sirca 3200 aec]] [[File:Newgrange, Meath.jpg|thumb|La porton a Newbrange, e la petra de entra]] '''Er preistorial''' ia comensa con la indicas prima de umanas en [[Er]] sirca 10,500 aec, e fini con la comensa de la arcivo istorial de sirca 400 ec. Ambos de esta datos es plu tarda ca multe de [[Europa]] e tota de [[Asia]] sude-ueste. La periodo preistorial inclui la [[paleolitica]], [[mesolitica]], [[neolitica]], [[eda de cupre]], [[eda de bronze]], e [[eda de fero]] de la sosias de Er. Per la plu de Europa, la arcivo istorial comensa cuando la romanes invade; car Er no ia es invadeda par la romanes, sua arcivos istorial ia comensa plu tarda, con la ariva de cristiania. La du periodos cual ia dona a nos la restas la plu merveliosa es la neolitica, con sua tombas megalital, e la joalas de oro de la eda de bronze, cuando Er ia es un sentro major de mina de oro. Er ave multe areas de [[pantan]], e un cuantia grande de trovas arceolojial ia es de esta areas. La situa nonairobial a veses pote conserva materias organica multe bon, como la casos de corpos de pantan, un trapa de pexores de vim de la mesolitica, e un peso de stofa delicata con borlas de capeles de cavalos. ==Glasia e la paleolitica== [[File:Www.wesleyjohnston.com-users-ireland-maps-historical-ice age.gif|thumb|Mapa de Er en la eda glasial]] En la glasia cuatronaria la plu resente, telones de glasa plu ca 3000 metres de spesia ia covre la tera de Er, polvinte rocas e osos, e eliminante tota mostras de vilas de la umanas temprana en la periodo calda de Glenavian; restas umana cual dati ante la glasia final ia es descovreda en la sude estrema de Britan, cual ia evita apena la avansa de la glasias. En la [[Masima Glasial Final]] (sirca 26,000 - 19,000 anios a ante, Er ia es un tundra artica. La efetos de esta periodo sur Er ia es nomida la Glasia Jeneral Interna. Lo ia es crededa a ante ce en esta periodo, jelo ia covre du tris de Er. Indicas plu resente ia mostra ce esta no es vera, e sujesta ce la telon de jelo ia estende ultra la costa sude de Er. En la periodo entre 17,500 e 12,000 anios a ante, un periodo plu calda, nomida la Bølling-Allerød, ia permete la reabita de areas de Europa norde par coliores-xasores nomada. Indicas jenetica sujesta ce esta reocupa ia comensa en Europa sude-ueste, e restas de animales sujesta ce un refuja en Iberia esiste cual estende tan norde ca Frans. Spesies como renos e uros ia es entre la spesies cual ia es atraeda par la norde. Alga locas tan norde como Sveria cual ia es abitada plu temprana ca 10,000 anios a ante, sujesta ce umanas ia usa la finis de la glasias como loca de cual los ia xasa predas migrante. La esiste de predas e la cambias de clima ia trae umanas a la borda de la zonas sin jelo la plu norde par la comensa de la olosene, e esta ia inclui rejiones prosima a Er. Ma la clima de Er mesma no ia es multe bonveninte per la plu de animales e plantas european, e abita par umanas no ia es probable, an si pexa ia es posible. Britan e Er ia es posible liada par un ponte de tera, ma car esta lia ia ta es taliada par niveles de la mar levante tan temprana en la periodo calda, probable par 16,000 aec, poca plantas e animales ia ta crusi a Er. Serpentes e otra retiles no ia pote repopla Er car cualce ponte de tera ia desapare ante temperatures ia deveni sufisinte calda per los. Cuando la niveles de la mar ia redui e relia Britan e Europa, cual permane multe plu longa, probable asta sirca 5600 aec. La umanas moderna la plu temprana en Er dati a la eda paleolitica tarda. [[Dati radiocarbonal]] de un oso de un urso cual ia es taliada ia dona un dato de sirca 10,500 aec. Un loca brites a la costa este de la [[Mar Eres]], datida a 11,000 aec, ia indica de persones ia es en la area ia come un dieta maral cual ia inclui crustaseos e moluscos. Esta umanas ia pote ance posible coloni Er par crusi de Cerno. Otra locas cual ofre crusis fasil e entre Er e Cimri sude, e entre Er e Scotland a moderna Kintyre. Esta popla ia pote trova poca recursos estra pexa per crustaseos e moluscos e colie cuercas, e donce ia abita la area temprana. La costa temprana de Er es aora cuasi tota su mar, donce la confirma de la esiste de poplas costal es perdeda. La reveni de un clima multe fria en la periodo de la [[Drias plu joven]], cual ia dura de 10,900 a 9700 aec, probable despopla Er. La nivel de la mar ia continua leva e no ponte entre Britan e Er ia redevelopa. ==Mesolitica (8000–4000 aec)== [[File:Hunter gatherer's camp at Irish National Heritage Park - geograph.org.uk - 1252699.jpg|thumb|Un campa de la xasores-coliores, de la mesolitica]] [[File:First Irish farmers hut, Irish National Heritage Park - geograph.org.uk - 1252729.jpg|thumb|Un casa de la cultivores prima, de la neolitica]] La eda glasial final ia fini en Er sirca 8000 aec. La indica de abita par umanas la plu temprana pos la retrae de la jelo ia es datida a la mesolitica, sirca 7000 aec. An si la niveles de la mar ia es ancora plu basa ca oji, Er ia es probable ja un isola par la tempo cuando la colonistes prima ia ariva par barco de Britan. La abitantes la plu temprana ia es marinores ci ia depende per la plu de sua nesesadas de la mar, e an colonias plu interna no ia es tro distante de la acua. Indicas per xasores-coliores de la mesolitica ia es trovada tra la isola: Un cuantia de escavas clavin es la loca de colonia a [[Monte Sandel]] en [[Contia Londonderry]], la senis a la riva de la [[Rio Shannon]] en [[Contia Limerick]], e la campa a [[Lough Boora]] en [[Contia Offaly.]] La xasores-coliores de la mesolitica ia vive sur un dieta variada de comedas de mar, avias, porcos savaje, e nozetas. On ave no indicas de servos en la mesolitica eres, e lo es probable ce la servos roja prima ia es introduida en la fases temprana de la neolitica. La popla ia xasa con lansas, arcos e flexas, e arpones, puntida con lamas peti de petra nomida microlitos, e aumenta sua dieta con nozas, frutas, e bacas. Los ia abita en campas saisonal, cual los ia construi par estende peles de animales o palia supra strutures de lenio. Los ia usa ximinerias estra casa per coce sua comedas. En la mesolitica, la cuantia de persones en Er ia es probable no plu ca alga miles. fabricadas survivente inclui lamas e puntos de microlitos peti, e utiles e armas de petra plu grande, e spesial la flocos multiusal de Bann (pesos grande sin multe refina). ==Neolitica (4000–2500 aec)== Multe areas de Europa ia entra la eda neolitica con un "paco" de sereal de varias elejeda, animales domada (boves, capras, e oveas), vasos, tecnicas de texe, construi de casas, e cultures de entera, cual ia ariva simultan, comensante en Europa sentral como la [[cultur de vasos de bandas]] (LBK) sirca 6000 aec. En alga sentos de anios, esta cultur es videda en Frans norde. Un otra cultur neolitica, la [[cultur La Hoguette]], ia ariva en Frans norde-ueste, e pare como un derivada de la cultur cardial de Iberia e Italia. Esta cultur ia eleva oveas e capras plu intensa. Per 5100 aec, on ave indicas de la usa de lete de bove en England sude, e boves simil a los de England oji ia comensa apare, de los cual ia es domada orijinal en la rejion de la Mar Ejean plu temprana. Esta animales ia es probable derivada de la boves de LBK. Sirca 4300 aec, boves ia ariva en Er norde en la mesolitica tarda. La servos roja ia es ance introduida a esta tempo. Restas de esta paco neolitica en Er inclui la sereales, construidas (simil a los en Scotland), e monumentos de petra ia es trovada. La indicas clar de la esiste de neolitica cultivores en Er es a la [[Penisola Dingle]], como osos de boves, un dente de un ovea, e un cotel de silica datida a 4350 aec. En [[Contia Mayo]], un sistem de campos neolitica estendosa ia es conservada su un covre de pantan - un de la plu vea en la mundo. Composada de campos peti separada par mures de petras, la [[Campos Ceide]] ia es cultivada per alga sentenios entre 3500 e 3000 aec. Trigo e orzo ia es la sereales prinsipe. Vasos ia apare sirca esta periodo de cultiva ance, tipal simil a los trovada en Britan norde, apare en la mesma periodo en Ulster e Limerick. Tipal de esta vasos ia es boles con bocas larga e basas ronda. Alga rejiones de Er ia mostra motifes de pastoria cual ia indica ce alga popla neolitica ia continua move, e ce ativias pastoral ia domina ativias cultival en multe rejiones, o ce on ave un divide de labora entre la du aspetas de la neolitica. A la culmina de la neolitica, la cuantia de persones de la isola ia es probable plu ca 100,000, e posible tan alta como 200,000. Ma lo pare ce un colasa de la economia de la isola ia aveni sirca 2500 aec, e la cuantia de persones ia declina per un periodo. ===Monumentos=== [[File:Creevykeel2.jpg|thumb|Un tomba con patio a Creevykee en Contia Sligo]] [[File:Knowth02.jpg|thumb|Knowth, un tomba con pasaje a Brú na Bóinne]] [[File:Pollnabrone.jpg|thumb|La dolmen Poulnabrone, un tomba con porton a la Burren]] [[File:Glantane East Wedge Tomb.jpg|thumb|Un tomba cuneo a Glantane este]] La cualia la plu stonante de la neolitica en Er ia es la apare subita e sperde dramosa de la [[monumentos megalital]]. La plu grande de esta tombas ia es clar locas de importa relijiosa e ritual per la popla. En la plu de la tombas cual ia es escavada, restas umana es trovada, plu comun (ma no tota) senida. Benes funeral - puntos de flexas, vasos, perletas, pendentes, axas, etc - ia es ance descovreda. Esta tombas megalital, plu ca 1200 de cual ia es aora conoseda, pote es divideda entre cuatro grupos larga, tota de cual ia es orijinal covreda con tera, ca en multe casos ia es erodeda a via per revela strutures de petra multe impresante: Monumentos con patios per entra: Los es trovada cuasi tota en la norde de la isola, e es crededa como inclui la esemplos la plu vea. Mayo norde ave multe de esta tipos de megalitos - Faulagh, Kilcommon, Erris. Tombas con pasajes: Estas es la grupo la plu peti en cuantia, ma los es la plu impresante en grandia e importa. Los es ance trovada tra Europa, e en Er es distribuida xef tra la norde e este, spesial en la cuatro semeteros grande neolitica de [[Contia Meath]] e [[Contia Sligo]]. La plu famosa es [[Newgrange]], un de la plu vea monumentos astronomial aliniada en la mundo. Lo ia es construida sirca 3200 aec. A la solstisio de inverno, la raios prima de la sol levante brilia tra un caxa de lus supra la entra a la tomba e lumina la camera de entera a la sentro de la monumento. Un otra de la megalitos de Boyne, Knowth, ia es crededa como conteni la mapa la plu vea de la luna, siselida en petra. Tombas con portones: Esta tombas inclui la dolmenes plu bon reconoseda. Los es composada de tre o plu petras vertical suportante un petra ultima orizonal. Los ia es orijinal covreda con tera per formi un tumulo, ma comun, sua covre ia es aora erodeda, cual revela un strutur de petra multe impresante. La plu de los es trovada en du consentras, a la sude-ueste de la isola e a la norde. Du en [[Contia Waterford]] es esemplos spesial. Tombas cuneo: La plu grande e plu sperdeda de la cuatro grupos, la tombas cuneo es spesial comun en la ueste e sude-ueste. [[Contia Clare]] es spesial rica con los. Los es la tipos la plu tarda e parteni a la fini de la neolitica. Los deriva sua nom de la cameras de entera en la forma de cuneos. ===Fabricadas portable=== La axa de petra ia es la util xef e esensal per cultiveria, fabricada curante en un varia de stilo, e comun briliada. La produidas de la fabricerias de axas prosima a fontes de [[porselanita]], un petra spesial bon, ia es intercambiada tra Er. La locas major ia es en [[Contia Antrim]]. On ave ance importas de Britan, incluinte la produidas de la industria de axas en Langdale, de la [[Distrito de Lagos (Britan)]]. On ave un clase plu rara de axas importada per sua prestijia, fabricada de [[jadeita]] de Italia norde. Estas pote es intercambiada lente tra Europa per ateni Er tra un periodo de sentenios, e mostra no indicas de usa. Axas miniatur, tro peti per usa, ia es ance fabricada. Un esemplo ave un fora per un corda, e es posible portada como joalas o como un joalas majiosa. Otra utiles de petra ia es siseles, axias, rompetestas, e puntos per lansas. Los pote ance es trovada un formas miniatur. Perletas perforada e pendentes ia es trovada, e du colaretas de concas, es fabricada con multe cura, con concas de [[litorina]]s. Estas es trovada sur la corpos de du omes. Como un esemplo de la conserva estrema de la pantanes, parte de un saco, delicata texeda, con manicos sirculo, ia survive. Lo ia es fabricada de materia de cana, enrolada sirca bandas magra de lenio. Vasos decorada, probable fabricada per usa funeral, pare atenta imita la desinias de sestos. ==Edas de cupre e bronze (2500–500 aec)== [[File:Blessington lunula.BM.WG.31 (cropped).jpg|thumb|Un lunula de Blessington, 2400-2000 BC]] [[File:UlsterMuseumPrehistoryBrGold (2).JPG|thumb|Fisadores de vestes e un torce de oro, e un colareta de ambar, eda de bronze]] [[File:Gleninsheen gold gorget.jpg|thumb|Un covrecolo de oro de Gleninsheen]] [[File:Bronze Age bracelet from Castlederg.jpg|thumb|Un braseleta de Castlederg, eda de bronze]] [[File:Gold Dress Fastener of Clones in Co Monaghan (800-700 BC) in National Museum Dublin.jpg|thumb|Un fisador de Clones en Contia Monaghan, 800-700 aec]] [[File:Broighter Gold, Dublin, October 2010 (01) (cropped).JPG|thumb|Un model de un barcon, de la cumula de Broighter, Dublin, sirca 100 aec]] [[Metalurjia]] ia ariva en Er con un popla nova, jeneral conoseda como la popla de la cultur de vasos campanin, nomida per sua vasos, cual ave la forma de un campania inversada. Esta ia es multe diferente de la vasos con un basa ronda. Lo es trovada, per esemplo, a [[Isola Ross]], e es asosiada con la mina de cupre ala, cual ia comensa a min en 2400 aec. La rexercores no acorda sirca cuando la parlores de la lingua celta ia ariva prima en Er, ma alga crede ce los es la popla de esta cultur. Otras crede de la celtas ia ariva en la comensa de la eda de fero. La eda de bronze ia comensa cuando cupre ia es aliada con stanio per produi fabricadas vera bronze, e esta ia aveni sirca 2000 aec cuando alga axas plata (de la tipo Ballybeg) e otra cosas de bronze ia es produida. La stanio ia debe es importada, tipal de [[Cuerno]]. En la periodo ante esta, en cual la plu de la axas plata ia es produida, es conoseda como la eda de cupre, comensante sirca 2500 aec. Bronze ia es usada per la fabrica de armas e utiles. Spadas, axas, dagas, axetas, alabardas, alenas, copas, e trompas ia es alga de la cosas trovada a locas de la eda de bronze. Artisanes eres ia es spesial notada per la trompas, cual ia es fabricada par la prosede de sira perdeda. La cupre usada en la fabrica de bronze ia es minada en Er, xef en la sude-ueste de la isola, e la stanio ia es importada de Cerno en Britan. La mineria la plu vea conoseda ia es a Isola Ross, cual ia opera entre 2400 e 1800 aec. Un otra mineria bon conservada ia es descovreda a [[Monte Gabriel]] en [[Contia Cork]], cual ia opera per alga sentenios en la media de la milenio du aec. La minerias en Cork e Kerry ia produi tan multe como 370 tones de cupre en la eda de bronze. Er ia es ance rica en oro nativa, e la eda de bronze ia ave la fabrica estendente prima de esta metal cara par artisanes eres. Plu cumulas de oro de la eda de bronze ia es descovreda en Er ca cualce otra loca en Europa. Ornas de oro eres ia es trovada tan distante como Deutxland e Scandinavia, e comersia relatada a oro ia es posible un fator major en la economia de Er en esta eda. En la periodos temprana de la eda de bronze, la ornas de oro ia inclui lunetas simple ma delicata decorada, un tipo spesial eres, e plu tarda ance fabricada en Britan e Europa continental, e discos de folia magra de oro. Multe de estas pare es en usa per un tempo longa ante es deponeda. Plu tarda, la [[torce]], magra e torseda, ia apare; esta ia es un colareta composada de un bara o banda de metal, torseda a un spiral. Otra tipos de joalas de oro fabricada en Er (e en Britan) ia inclui orealetas, discos de sol, brasaletas, fisantes per vestes, e en la eda de bronze tarda, la covrecolos grande e joalas majiosa sferin. Pos la eda de bronze, ojetos de oro sesa es produida en Er. Posible, la depones de oro en Er ia deveni consumada. Construi de tombas cuneo ia diminui de sirca 2200 aec, e an si la tradision pasada de monumentos grande ia es multe reduida, la monumentos esistente ia continua es usada per rituos. A la fini de la eda de bronze, la caxones funeral ia apare. Los es composada de un caxa de petra, peti e retangulo, covreda con un bloco e enterada un distantia corte su la surfas. La corpo ia pote es senida, o no. Vasos decorada acompania frecuente la restas, e plu tarda la restas senida ia es poneda en la vaso, cual es inversada. Un cuantia de sirculos de petra ia es erijeda ance a esta tempo, xef en Ulster e Munster. La eda de bronze es suposada la tempo en cual la plu de la construis fortida nomida [[cranog]]es en Er ia comensa, an si multe locas pare es usada, continuante o a veses, tra longa periodos, an a la eda medieval. Estas es casas de lenio construida en lagos basa per securia, comun con un paseria magra a la riva. Alga ia usa e estende isoletas natural, e la plu grande probable es abituada multe familias e sua animales. La cumula grande de Dowris, orijinal de plu ca 200 cosas, la plu de bronze, ia dona sua nom a la periodo Dowris, la nom per la fase final de la eda de bronze de Er, sirca 900-600 aec. Con 48 esemplos, la cumula ia conteni cuasi tota de la ''crotales'', clicadores en la forma de un testiculo de un bove, e 24 trompas, armas, e vasos. La "onca de carne" de Dunaverney (sirca 1050-900 aec), un strumento longa per tira pesos de carne de un calderon grande de ragu, sujesta ce bancetas grande de la elites ia es importante, e refleta influe de Europa. Calderones multe grande de bronze rebitida ia es ance fabricada. Cuantias grande de armas de bronze ia es produida, e formas tipal de spadas ia cambia de cortas per dagi e puxa sur pede, a longas, posible per un geror sur cavalo. En la eda de bronze, la clima de Er ia dejenera, e desforesti estendeda ia aveni. La cuantia de persones en Er a la fini de la eda ia es probable plu ca 100,000 o tan alta como 200,000. Lo es posible no plu grande ca cuando a la culmina de la eda neolitica. La eda de bronze en Er ia dura asta 500 aec, plu tarda ca en Britan e Europa continental. ==Eda de fero (500 aec – 400 ec)== [[File:NavanFortIronAge (2).JPG|thumb|Un model de un fortres sirculo de 100 BC]] [[File:Ptolemy's Ireland.png|thumb|Un mapa de la tribus de Er, seguente Ptolemia]] La eda de fero eres ia comensa sirca 500 aec e alora continua asta la eda de cristiania en Er, cual trae alga arcivos scriveda e alora marca la fini de Er preistorial. Ma alga dati radiocarbonal resente de la ase de lenio de un punto de fero trovada en la [[Rio Inny]], dona un dato de entre 811 e 673 aec. Esta pote erode la crede, ancora tenida par alga, ce la ariva de fero ia marca la comensa de la ariva de la celtas a la isola. A la otra lado, multe teni la vista ce esta ia aveni con la popla de la cultur de vasos campanin, probable parlante un lingua indoeuropean, ia ateni Er en la eda plu temprana de bronze. La [[linguas celta]] de Britan e Er es tipal divideda entre du: [[Goidelica]] e [[Britonica]]. La arcivos scriveda en celta ia apare en la sentenio sinco, en la forma de eres primitiva en Er, e en la forma de britonica comun en Britan. La eda de fero inclui la periodo en cual la romanes ia rena la parte la plu grande de Britan. La interesa cual la romanes ia ave en la area, incluinte Er, ia resulta en la scrives plu temprana sur Er. La nomes de sua tribus ia es arcivida par la jeografiste [[Ptolemia]] en la sentenio du ec. La tribus de Er ia inclui a min tre con nomes la mesma como o simil a tribus brites o galo: la ''brigantes'' (ance la nom de la tribu la plu grande en Britan norde e media), la ''manapii'' (posible la mesma como la ''menapii,'' un tribu beljes de Galia norde), e la ''coriondi'' (un nom simila lo de ''corinion'', de Britan norde). Asta sirca 150 aec, on ave multe trovas cual mostra la influe de stilos de Europa continental e alga importas direta. Pos acel dato, relatas con stilos brites domina, posible refletante alga move de poplas. Esemplos de Er de la eda de fero de la stilo de la [[cultur La Tene]] es rara, cual es alga confusante. Estas es pos cuando arte celta en otra partes de Europa, incluinte Britan, ia es ja incluida en arte galo-roman e simil. An tal, lo ia es en Er ce acel stilo ia pare revive en la periodo cristian temprana, per formi la arte de la [[libro de Kells]] e otra obras mestral, posible influeda par la stilos roman tarda e brites pos roman. La cumula de oro de Broighter, de Ulster, de la sentenio prima aec, ia inclui un model de un barco peti, un torce grande con decoras relevada en un stilo clasica, e otra joalas de oro probable importada de la mundo roman, posible tan distante como Alesandria. Lo es posible ce la capo de Drumanagh, prosima a [[Dublin]], ia es un sentro per comersia con Britan roman. Lo es un esemplo de un fortres promontania cual usa la presipes, con un "colo" magra, per redui la estende de forti nesesada. En Er, estas pare es xef un marca de la eda de fero, con algas posible datinte a la eda de bronze, e continuante es usada en la eda medieval temprana. La plu de esta fortreses dati de la periodo istorial, ma alga de la sirca 60,000 de fortreses anelo en Er dati a retro a la eda de fero tarda. Estas varia multe en grandia, de abitadas per un familia e sua sclavos e un ensirca per animales, a algas multe plu grande cual ia ave clar un sinifia political e militar. On ave alga fortreses anelo en la compleso sur la [[colina de Tara]], cual pare ave sua orijinas en la eda de fero tarda, an si la loca inclui ance un entera con pasaje de la neolitica e otra tombas plu temprana, Esta es un de un cuantia de locas major liada en leteratur e mitolojia plu tarda con res, e probable ia ave un sinifia ritual e relijiosa, cual no pote es clarida aora. La fortres Navan, un otra loca sur un colina, ia ave un construida sirculo multe grande construida en sirca 100 aec. Lo ia es 40 metres diagonal, con 275 palos de arbores en anelos. La plu grande ia es la palo sentral, un arbor cortida sirca 95 aec. En un sola sentenio seguente, la tota construida ia es destruida en un modo ritual. Otra construis grande, cual nesesa multe organiza sosial, inclui murones de tera, probable per indica bordas e ata como blocos contra atacas per boves, e la vias de lenios tra areas de pantan, incluinte la via a Corlea, datida a 148-147 aec, e sirca un km longa e tre metres larga. La eda de fero tarda ia vide cambias grande en ativia umana. Esta "eda oscur eres" ia es un periodo de stania economial e cultural, durante de 100 aec a 300 ec. La sentenios 3 e 4 ia vide recovre rapida. Lo ia es posible ce la recovre ia es liada a la "eda orosa" de Britan roman en sentenios 3 e 4. Esta es ance la tempo en cual alga arcivos ia comensa apare. Leteratur eres no ia es scriveda asta multe plu tarda, ma multe rexercores ia es preparada per aseta ce la sicles ia es conservada en alga forma la elementos de multe plu temprana, e dona alga comprende de la mundo de la elites final de Er preistorial. ==Corpos de la pantanes== [[File:Bog-body Clonycavan-Man.jpg|thumb|La corpo de la om de Clonycavan, conservada par la pantan]] La areas grande de pantan en Er ia produi plu ca 10 corpos antica, la plu de la eda de fero. Algas ia es trovada e reenterada ante rexerca arceolojial e siensal ia es posible. Algas ia survive sola como sceletos. Ma la esemplos la plu bon conservada ia reteni la pel, capeles, e vestes completa. La plu vea es la [[om de Stoneyisland]] de la neolitica, posible la vitim de un asidente en un barceta sirca 3320-3220 aec. La [[om de Cashel]] ia es matada sirca 2500-2000 aec en la eda de bronze temprana, e es un mata posible ritual. Eruditas pensa aora ce estas ia es res deponeda sacrifiada pos un fali en sua rena, posible pos falis de la colies. Du esemplos de la eda de fero, ambos de sira 400 a 175 aec, pare es vitimes elite de matas ritual. Otra corpos pare es simple enteras normal. [[Categoria:Arceolojia]] [[Categoria:Er]] h51j4jx0itx9b27mrnogqrkvra737xe 0 7117 38039 2022-08-24T14:54:26Z WMBF 9287 Paje creada con "{{Biografia|religio=Chretien|profesa=Predicateur|grandia=likasi|color=rouge|descrive=Justin yav sony}} [[Fix:Justin yav sonyi.jpg|thumb|Justin yav sony en 2021]] '''Justin yav sony''' est un évangeliste Chrétien né le 4 janvier 1993 en RDC<ref>https://www.youtube.com </ref><ref>https://www.vk.com </ref> == References ==" wikitext text/x-wiki {{Biografia|religio=Chretien|profesa=Predicateur|grandia=likasi|color=rouge|descrive=Justin yav sony}} [[Fix:Justin yav sonyi.jpg|thumb|Justin yav sony en 2021]] '''Justin yav sony''' est un évangeliste Chrétien né le 4 janvier 1993 en RDC<ref>https://www.youtube.com </ref><ref>https://www.vk.com </ref> == References == a2hb0i8oujkba4acrmi8nqpgi4mbvps 38040 38039 2022-08-24T15:06:16Z WMBF 9287 Contenida sustituida par " == References ==" wikitext text/x-wiki == References == se0y58eq4yw12t0leqosmjpn2gw3knu 38041 38040 2022-08-24T15:06:38Z WMBF 9287 Paje vacuida wikitext text/x-wiki phoiac9h4m842xq45sp7s6u21eteeq1