Chapter 15. Recercas

1. Fenestra Recerca
1.1. Cerca
1.2. Ubication del recerca
2. Usar characteres universal
3. Methodos de recerca e optiones
4. Monstra le resultatos del recerca
5. Entratas filtro in editor conforme al recerca

1. Fenestra Recerca

Figure 15.1. Fenestra Recerca

Fenestra Recerca

Note

Le recerca precedente trova omne le segmentos de destination que contine characteres, assatis improbabile in le destination - id es lingua sloven.

1.1. Cerca

OmegaT provide un potente extension de functiones de recerca. Aperi le Fenestra de Recerca con Ctrl+F e inscribe le parola o phrase que tu desidera pro recercar in le Cassa pro le Recerca. Alias, in le Fenestra de Modifica, selige un parola o phrase in le campo de modifica (texto de destination del segmento currente) e pulsa Ctrl+F. Le parola o phrase es inscribite in le Cassa pro le Recerca automaticamente. Tu pote haber plure Fenestras de recerca aperte al mesme tempore, sed claude los quando illos non son son plus necessari a fin que illos non incombra tu scriptorio.

1.2. Ubication del recerca

Le recercas son effectuate per arrangiamento initial in ambe le sectiones fonte e de destination del projecto, sed tu pote limitar tu recerca al texto fonte sol o al texto de destination. Tu pote cercar in

  • le projecto solmente (prefixate)

  • ambe le projecto e le memorias de traduction referentia in /tm/ (marca Cerca TMs)

  • un file singule o un plica continente un serie de files (marca Cerca files)

Quando tu cerca in le files (al contrario del memorias de traduction), OmegaT restringe le recerca al files in le formatos del file fonte. Per consequentia, ben que OmegaT is bastante capace a tractar files tmx, illo non include los in le Files a perquirer del recerca. Si tu activa le Optiones Avantiate, tu pote combinar le recerca con le nomine del autor del traduction e le tempore del ultime cambio facite.

2. Usar characteres universal

In ambe le recercas exacte e per parola clave, on pote usar le characteres de recerca universal '*' e '?'. Illos ha le significato, familiar al usatores de Word:

  • '*' concorda zero o plus characteres, ab le position actual in un date parola al su fin. Le termino de recerca 'run*' per exemplo facerea concordar le parolas 'run', 'runs' e 'running'.

  • '?' equala omne singule character. Per exemplo, 'run?' facerea concordar le parola 'runs' e 'runn' in le parola 'running'.

Le concordantias essera marcate in azur hardite. Nota que '*' e '?' ha significato special in le expressiones regular, assi le recerca con character generic, ut describite ci, refere se al cerca exacte e cerca per parola clave solmente (vide in sequito).

3. Methodos de recerca e optiones

Selige le methodo per le buttones radio. Son disponibile le methodos de recerca sequente:

Cerca &Exacte

Recerca pro le segmentos continente le linea de character exacte que tu ha specificate. Un recerca exacte quere pro un phrase, id es si plure parolas son entrate, illos son trovate solmente si illos occurre in justo celle sequentia. Usante le recerca per parola clave con open file trovara assi omne occurrentias del linea de character open file ma non file opened o open input file.

recerca per parola clave

Cerca pro le segmentos continente omne le parolas clave tu specificava, in omne positura. Selige "recerca parola clave" per perquirer pro omne numero de individual parolas complete, in omne ordine. OmegaT monstra un lista de omne segmentos continente tote le parolas specificate. Recercas per parola clave es simile a un recerca "con omne le parolas" in un motor de recerca Interrete como Google (AND logic). Usante le recerca per parola clave con open file trovara assi omne occurrentias del linea de character open file, assi como file opened, open input file, file may not be safe to open, et cetera.

expressiones regular

Le linea de character de recerca essera tractate como un expression regular. Le linea de character de recerca - [a-zA-Z]+[öäüqwß] - in le caso precedente per exemplo appare pro parolas in le segmento de destination, continente characteres dubitabile del claviero german. Le expressiones regular son un maniera potente pro cercar pro occurrentias de un linea de character. Vide plus in le capitulo Expressiones regular.

In addition pro uno del methodos precedente tu pote seliger le sequente:

  • sensitive al majusculas e minusculas: le recerca essera effectuate pro le exacte linea de characteres specificate; id es es observate le capitalisation.

  • in le fonte: cerca in le segmentos fonte

  • in le traductiones: cerca in le segmentos final

  • in le notas: cerca in le notas del segmentos

  • recerca TMs: le memorias de traduction in le plica tm son includite in le recerca.

  • monstra omne resultatos: deler iste quadrato de controlo causara que OmegaT monstra justo le prime occurrentia de un pulsa, si plure occurrentias existe

Si tu clicca sur le button Optiones Avantiate pote esser seligite altere (autor del traduction, date rendite et cetera) ut monstrate in le imagine precedente.

4. Monstra le resultatos del recerca

Pulsante le button de recerca, post inscribite in le campo un linea de character, monstra omne le segmentos in le projecto que include le linea de character entrate. A mesura que OmegaT tracta segmentos identic como un entitate singule, sol le prime segmento unic es monstrate. Le segmentos son monstrate in ordine de apparition in le projecto. Le segmentos rendite son monstrate con le texto original al alto e le texto rendite al basso, le segmentos non rendite son monstrate con le fonte sol.

Cliccar sur un segmento aperi lo in le quadro de Modifica pro le modificationes. Tu pote alora cambiar a retro al Fenestra de Recerca pro trovar le segmento successive, per exemplo pro controlar e, si necesse, corriger le terminologia.

Tu pote haber plure Fenestras de Recerca aperte al mesme tempore. Tu pote rapidemente vider lor contentos querente a lor titulo: il continera le termino de recerca usate.

5. Entratas filtro in editor conforme al recerca

Pro plus facile navigation in le recerca resultato imponite, tu pote applicar le recerca al editor. Pulsa le button Filtro sur le fundo pro limitar le entratas monstrate in le fenestra Modifica pro illos que concorda le recerca currente. Tu pote usar le navigation normal pro adir per exemplo le segmento (non rendite) successive que concorda le criterios de recerca.

NB:

  • Un recerca pote esser limitate a 1000 articulos, assi si tu recerca sur un phrase commun, le editor monstra solmente illes 1000 entratas concordante, e non omne les entratas que concorda le criterios de recerca.
  • Un file pote haber nulle entratas concordante, assi illo monstrara se vacue.
  • Si un recerca elimina le duplicatos, ille duplicatos non essera in le Editor.

Pro remover un filtro, pressa le button Remove filtro, o recarga le projecto.